深圳灣萬象城又有新區域開放啦！今次係位於 B 區 B1 層嘅「粉紅大街」（Pink Street），主打全新粉紅色系設計，連埋隔離嘅深圳灣文化廣場，成為近期深圳最熱門嘅打卡新去處。
呢個新區引入咗接近 40 間新店，當中有唔少係「華南首店」或者「深圳首店」。Comparetiger 為大家整理咗今次開幕嘅重點新舖同活動詳情，方便大家北上時參考。👇
📸 焦點打卡位：全球首家麥當勞美術館
今次新區最吸睛嘅一定係 McDonald’s 麥麥美術館。佢唔係普通麥記，而係全球第一間以「美術館」概念設計嘅分店！店內由裝修到擺設都係粉紅色未來感風格，漢堡包同薯條變成咗藝術雕塑，如果你鍾意影相，呢度係必到之處。
🍽️ 餐飲新選擇：主打特色茶飲與甜品
今次進駐嘅餐飲品牌偏向年輕化，多數係輕食、茶飲同甜品，適合行街中途休息：
- 茶飲類：
- 椿田熟成茶行（全國首店）： 主打港式熟成茶，推薦「醒神金磚絲襪奶茶」。🧋
- IIRice 兩碗米飯（華南首店）： 成都黎嘅網紅 Cafe，主打特調 Dirty 咖啡。☕
- 秘境果子： 廣州黎嘅山野系果蔬飲品。
- 甜品/輕食類：
- il Bliss 冰淇淋實驗室 & FLUFFY：兩間都係上海人氣雪糕店，主打造型可愛嘅 Gelato 同鮮奶軟雪糕。🍦
- COWCOW： 主打健康希臘乳酪碗（Yogurt Bowl）。🥣
- 小公園·1860： 來自汕頭嘅老字號蜜餞鋪，有各款傳統涼果。
- 正餐/麵食：
- 想食飽肚啲，可以去隔離 A 區新開嘅「活力大街」。嗰邊有杭州拌川專門店「椿芽」，同埋潮汕鮮燙牛肉粿條「一肴」。🍜
🛍️ 生活零售：二手循環店與設計家品
除咗食，今次零售方面有幾間幾有誠意嘅品牌，唔係一般商場見慣嘅大路貨： - 多抓魚循環商店（華南首店）： 呢間係好受文青歡迎嘅二手買賣店，主打高質素二手書同衣物，提倡循環生活理念。📚
- HAY（深圳首店）： 丹麥家居設計品牌，今次開咗旗艦店，仲會有個去到 3 月尾嘅設計展覽。🪑
- BigGallery 大美術館： 由插畫師創辦，賣手辦公仔同潮流玩具為主。🧸
🎨 同期展覽及活動 - Es Devlin《我心歸處》展覽： 位於深圳灣文化廣場南館，展出藝術家 Es Devlin 40 年黎嘅手稿同大型裝置（展期至 3 月）。
- HAY「設計，持續生長」展覽： 位於 B 區粉紅大街。
📍 交通及地點資訊 - 地點： 深圳灣萬象城（B 區 B1 層粉紅大街）
- 地址： 深圳市南山區科苑南路 2888 號
- 地鐵： 2 / 11 / 13 號線「后海站」，A / K / M 出口直達 🚇
