一年一度嘅中環美酒佳餚巡禮將會喺10月23號正式開始！今年活動由10月23號到26號，一連四日喺中環海濱活動空間舉行，有超過300個美酒同美食攤位，集合咗世界各地嘅名酒同米芝蓮佳餚。今年「Towngas名氣美食街」陣容強勁，有12間出名餐廳參與，其中首次邀請到全球摘星最多嘅女廚神 — 法國名廚 Anne-Sophie Pic 主理嘅香港米芝蓮一星餐廳 Cristal Room by Anne-Sophie Pic 參加。入場費只需$40，如果想飲酒同掃街就要另外購買「品味券」做代幣。今次活動營業時間會延長到午夜12點，快啲約埋朋友去玩啦！
每年飲食界盛事中環美酒佳餚巡禮，今年喺10月23號至26號舉行，雲集超過300個美酒同美食攤位，帶來過千款世界各地嘅美酒同美食，仲有地道小食、酒店精選同米芝蓮星級食府推介。今年活動有兩款品酒證可以選擇，基本款「品味證」包括入場門票、8張品味券同1隻標準酒杯；另一款係「尊尚品酒證」，包括入場門票、「尊尚名酒區」入場門票、16張品味券同1隻尊尚酒杯。品味證由即日起到10月22號可以預購，享有折扣！美國運通卡會員仲有專屬優惠，尊尚品酒證最低$448就有，折扣高達$150！
「Towngas名氣美食街」今年有12間星級餐廳，總共獲得《米芝蓮指南》13顆星同《黑珍珠餐廳指南》7顆鑽榮譽。陣容包括香港米芝蓮二星餐廳 Bo Innovation 主廚梁經倫，同埋全球摘星最多嘅女廚神 Anne-Sophie Pic 主理嘅 Cristal Room by Anne-Sophie Pic。
Cristal Room by Anne-Sophie Pic 今次帶來四道限定法國菜式，包括招牌菜 LES BERLINGOTS ASP，用熟成24個月嘅康堤芝士入餡，配搭咖啡同蕎麥茶香氣嘅蘑菇清湯。另一道菜用藍花蟹做主，配蕎麥茶調味，再加天竺葵同龍蒿製成嘅雪糕。仲有以雲南青豆做基底，配炙燒天竺葵葉同玉露茶，加上魚子醬提鮮。最後係經典法式甜點千層酥，用大溪地雲呢拿、茉莉花同馬達加斯加野生黑胡椒入味。
其他參與餐廳包括 Lisbo a Food & Wines Limited 旗下兩大品牌，提供魚子醬配龍蝦果凍同皇帝蟹蟹肉，同埋魚子醬松露冷天使麵。富臨飯店除咗招牌鮑魚，仲有獨家養生雪糕。廚魔就推出西班牙黑毛豬叉燒包、小籠包同創新「老婆餅」。明閣用本地醬園玫瑰露酒整辣酒花螺同鹹蛋金沙蝦球。唐述就用20年古月龍山花雕酒製醉龍蝦，同埋陳皮普洱茶香雞蛋仔。The Chinese Library 有燈籠油滷乳鴿、煙燻四喜素卷同黑椒和牛酥。Ami 推出招牌牛肉三文治，Épure 有黑椒和牛貝涅餅。CulinArt 1862 提供法式紅酒燉牛肉配薯蓉，CIAK 就推出期間限定大閘蟹薄餅。
由即日起到10月22號，大家可以經 Klook 同 Trip.com 網站預購尊尚品酒證，預售優惠價$498。美國運通卡會員專享折扣，最低$448就可以買到尊尚品酒證！同時，用合資格卡即場喺美國運通自助服務機增值品味券，可以享有8折優惠。
