[[{“value”:”
Mister Donut 終於到香港啦！日本知名冬甩店——Mister Donut將於香港開設分店！繼台灣、印尼、泰國、菲律賓及新加坡等地後，香港被選定為下一個亞洲區分店！據官方指，分店預計於本年10月開業，即刻睇下詳情啦！
Mister Donut香港分店預計10月開業！
Mister Donut一直都係港人遊日本嘅必食之選，每天新鮮出爐的冬甩酥脆鬆軟，而且外觀十分精緻，充滿少女感！而呢間名人店終於過嚟香港啦！根據Mister Donut嘅母公司「ダスキン」 （樂清）於3月28日發出嘅公告，目前董事會已決定與香港公司「Dragon Circle Enterprise Limited 」合作，將於4月簽訂合同，並計劃最快於今年10月在香港開設首間分店！真係開心死香港人啦！
台灣分店滿滿的草莓甜甜圈（圖片來源：Facebook @Mister Donut 統一多拿滋官方粉絲團）
樂清董事會會議文件（圖片來源：樂清官網）
招牌「波堤」冬甩！Q彈麻糬口感+多款口味
Mister Donut這個品牌是在1956年於美國創立，其後於1971年由樂清引入日本。日本的Mister Donut為更切合本地人的口味，將原版的冬甩再加改良，降低甜度，並在外觀上落足心思，打造出依家我地見到嘅，造型多變精緻嘅Mister Donut！
（圖片來源：Facebook @Mister Donut 統一多拿滋官方粉絲團）
而「波堤」系列就係店鋪鐵打不動的招牌！其口感十分獨特，外皮十分酥脆，內裡卻藏著鬆軟的麻糬口感，如在台灣分店大熱賣的「草莓波提」，嘎滋嘎滋的口感再撒上草莓果乾，在以優格可可醬作點綴，多層次嘅味覺享受簡直就係滿分之作！希望遲啲香港都有得食啦！
（圖片來源：Facebook @Mister Donut 統一多拿滋官方粉絲團）
（圖片來源：Facebook @Mister Donut 統一多拿滋官方粉絲團）
餐廳：Mister Donut
地址：待定（10月開業）
The post Mister Donut 10月登陸香港！日本冬甩名店：波堤冬甩＋酥脆麻糬冬甩 appeared first on 新假期.
“}]] 飲食 – 新假期 Read More
