[[{“value”:”
近來蛋撻討論度十足，當中必有Hashtag B拿破崙焦糖千層撻，於關注組及小紅書爆紅，門市更人龍不斷，經常性下午時間已sold out，人氣不得了！最近有好消息傳出，有網民發現Hashtag B將會於開新界第一間分店，新店更已圍板，相信好快就會開幕！
Hashtag B踩入將軍澳開分店！
人氣麵包店Hashtag B近年來爆紅，更一度成為小紅書網民熱捧的網紅店！Hashtag B現於香港有3間分店，分別位於銅鑼灣、尖沙咀及鰂魚涌，最近有眼利的網民就發現店舖將會進駐將軍澳popcorn二期，並已經圍板！一眾街坊都表示期待，以後食蛋撻就唔使去咁遠了！
（圖片來源：Facebook@Hashtag B）
必食拿破崙焦糖千層撻
當中必食其首創拿破崙焦糖千層撻，特別採用傳統拿破崙千層做法，酥皮焦香鬆脆，蛋漿香甜軟滑，花花形狀的賣相夠晒呃like，不少人都會打卡留念！蛋撻熱食凍食都得，熱食有流心焦糖，雪凍後則有燉蛋口感，同樣滋味！官舖更不時推出各款新口味，例如柚子千層撻、沙嗲牛肉撻、咖喱雞撻、抹茶千層撻等，有鹹有甜，總有一款口味適合你！不過由於每天新鮮製作，數量有限，先到先得，因此Hashtag B門市經常成大排長龍，約下午時間蛋撻已經完售，相當受歡迎，可謂一撻難求！
（圖片來源：Facebook@將軍澳主場）
店名：Hashtag B 將軍澳分店
地址：將軍澳Popcorn二期
日期：未定
The post Hashtag B踩入將軍澳開分店！眼利街坊發現已圍版 必食拿破崙焦糖千層撻 appeared first on 新假期.
“}]] 飲食 – 新假期 Read More
