[[{“value”:”
你有冇試過一個人想食火鍋，但又怕坐滿一枱會有啲尷尬？或者同朋友聚餐，每個人口味唔同，揀湯底同配料總要妥協？NabeGo一人一鍋完美解決呢啲煩惱！主打個人化火鍋體驗，無論你係獨自享受美食，定係同三五知己一齊聚會，每個人都可以根據自己嘅口味，自由選擇湯底、主食同配料，體驗屬於你嘅專屬火鍋組合。NabeGo仲特別引入高質南非和牛系列，油脂靚、肉味濃，加上超過50款火鍋加配配料，等你輕鬆配搭出個人化嘅火鍋盛宴！
（圖片來源：NabeGo）
南非和牛系列 質素高CP值爆燈
講到NabeGo嘅主打，當然唔少得佢哋嘅南非和牛系列！南非和牛同日本、澳洲和牛相比，體脂率低20%，油脂分佈均勻，肉質鮮嫩，入口即化，肉味更濃郁，絕對係火鍋迷嘅心頭好。價錢仲好親民，由$148起就有交易，CP值超高！以下係幾款必試嘅南非和牛套餐：
極上南非和牛腹心肉套餐
腹心肉係牛隻連接肋骨同內臟嘅一部分，比例極少，珍貴稀有，肉質軟腍且充滿濃郁牛味，特別適合嘴刁嘅你！想試頂級食材嘅朋友，千祈唔好錯過。
極上南非和牛肩胛肉套餐
只係$148，呢個套餐絕對係高性價比之選！肩胛肉肉質嫩滑，油脂適中，涮火鍋入口即化，無論配濃郁湯底定清爽湯底都好match！
極上南非和牛套餐
想一次過試晒唔同部位嘅和牛？呢個套餐畀你盡情品嚐南非和牛肩胛肉、腹心肉同牛舌，口感同味道層次豐富，滿足你嘅味蕾！
人氣湯底 總有一款啱你口味
除咗高質嘅南非和牛，NabeGo嘅湯底選擇同樣令人心動！由濃郁到清爽，以下係幾款人氣湯底推介：
中華麻香藤椒湯
呢款湯底麻香四溢，結合花椒同藤椒嘅獨特香氣，入口微辣又帶有層次豐富嘅風味，特別適合鍾意重口味同麻辣嘅火鍋迷。涮南非和牛或者海鮮，味道更加昇華！
黑蒜豚骨湯
濃郁香滑嘅豚骨湯底，加入黑蒜嘅獨特香氣，每啖湯都充滿鮮甜同醇厚滋味。鍾意濃湯嘅你，試過一定會愛上！
完熟蕃茄湯
想食得清爽啲？完熟蕃茄湯用新鮮蕃茄熬製，酸甜適中，果香濃郁，入口清新又開胃，適合想keep住輕盈嘅朋友。
壽喜燒湯x特色炊飯食法
NabeGo嘅壽喜燒湯底係另一大亮點！湯底融合醬油同鮮甜高湯，味道濃郁而不膩。食完火鍋配料後，湯底吸晒食材精華，你可以加入日本蛋同珍珠白飯，煮成特色壽喜燒炊飯，火鍋體驗即刻升級，美味到停唔到口！
50款加配配料 炮製專屬火鍋組合
NabeGo提供超過50款火鍋加配配料，等你可以自由配搭出心水火鍋組合！以下係幾款人氣加配推介：
肉類：日本北海道國產牛肉眼、美國Prime牛板腱，肉質同樣出色，選擇豐富！
海鮮：日本帆立貝、手打墨魚滑，鮮味十足，涮火鍋一流。
日式炸物：炸雞肉餃子、炸年糕，香脆可口，為火鍋增添唔同口感。
自助清酒機+特色飲品 輕鬆享受日式風情
食火鍋點少得飲品搭配？NabeGo特別設有自助清酒機，匯聚多款日本清酒，包括經典純米吟釀等！一個人食火鍋，點一杯清酒，靜靜地享受日式小酌嘅愜意；同朋友聚會，邊食邊飲，氣氛即刻更熱鬧！唔飲酒嘅朋友都唔使擔心，餐廳仲有其他特色飲品選擇，例如：水蜜桃檸檬梳打、白桃烏龍茶同Sapporo啤酒！
環境充滿日式風情
NabeGo嘅店舖設計貼心，無論係沙田置富第一城分店定荃新天地分店，都提供寬敞座位同靈活桌型，滿足唔同用餐需求。一個人食飯想靜靜地享受美食？單人座位畀你零壓力！同朋友或家人聚會？大枱設計夠晒寬敞，方便大家一齊分享火鍋樂趣。餐廳環境充滿日式風情，假日同朋友chill住食，氣氛十足！
NabeGo
沙田置富第一城分店
地址：1 樓 104-105 號舖
營業時間：11:30-22:00
查詢電話：:3547-2555
荃新天地分店
地址：UG 層 UG78 號舖
營業時間：11:30-22:00
查詢電話：3547-2338
其他相關連結：
(Presented by：NabeGo)
The post 個人化火鍋體驗！NabeGo一人一鍋 南非和牛+自助清酒機 appeared first on 新假期.
“}]] 飲食 – 新假期 Read More
