旺角金玉滿堂推$58兩餸飯放題！包任食8款餸+老火湯前利苑廚師主理

[[{“value”:”

旺角新派粵菜館「金玉滿堂」推出$58兩餸飯放題，由前利苑廚師主理，每日提供8款小菜、老火湯及白飯任裝，無限任食60分鐘，而且每日款式都不同，更有新鮮感。放題逢星期一至六早上11時至下午3時供應，價錢抵吃，附近街坊又多一間兩餸飯可以試！

旺角金玉滿堂推$58兩餸飯放題

正值飲食業寒冬，不少餐廳都轉型做兩餸飯減輕虧損。旺角一間中菜館「金玉滿堂」就加入兩餸飯戰團，推出激平兩餸飯自助放題，每位$58即可任食8款不同款式的小菜，以及任飲無味精老火湯，仲可以無限任添白飯！餐廳前利苑廚師主理，提供多款鑊氣小炒和撚手小菜，平民價錢食到高水準兩餸飯！兩餸飯放題逢星期一至六早上11時至下午3時供應，不設加一服務費；外賣自取價錢則是兩餸$38、三餸$48、淨餸$48、例湯$8。

$58任食8款小菜＋白飯＋老火湯

兩餸飯放題星期一至六每日菜式都不同，以星期一為例，菜式選擇都好吸引，例如有豉汁蒸排骨、鹹蛋蒸肉餅、蒜香雞髀、翠瓜炒牛肉、鮑汁炆豬手、魚香茄子、豉椒炒雞球及炒時蔬。其他日子焦點必食有腐乳蒸滑雞、椒鹽排骨、香茅雞中翼、洋葱豬扒等。老火湯都誠意滿滿，每日款式不同，煲足4小時，不加味精，如冬瓜薏米煲唐排、粟米甘筍煲唐排、合掌瓜煲唐排、赤小豆蓮藕煲唐排。