太安樓本地活雞日式串燒店「千鳥屋台」$20起激罕雞窩肉+靈魂雞汁串燒

17 10 月, 2024 0

[[{“value”:”

掃街天堂的西灣河太安樓又有特色小店進駐，這間近期的話題店「千鳥屋台」，由店主阿Dee一人主理，主打本地活雞製作的日式串燒，每日提供不同罕有的雞部位，好像極罕有的雞窩肉、雞冠、雞下巴、橫膈膜等，並以自家調配的鹽及秘製雞醬汁生燒，由於即叫即燒，繁忙時段要等足3小時，所以想食就要俾啲耐性啦！

太安樓超人氣本地活雞日式串燒店「千鳥屋台」

這間主打本地活雞串燒的小店由負責人阿Dee主理，他在日式串燒、爐端燒行業打滾10多年，曾在上環日式串燒酒吧Three Monkeys當師傅，最近與經營雞檔的爸爸萌生開店的念頭，爸爸負責劏雞供貨，阿Dee就一個人在舖頭默默燒，短短2個月成功打響名堂，而且價錢賣得相當之抵，只需$20-$25就食到，也是吸引客人即使等3小時也在所不惜的原因之一。不過礙於串燒都只有阿Dee和助手姨姨人手逐條串，就連坊間多數叫貨的雞皮，都是他們親自人手串製，工序繁複，現時每日最多供應600條串燒，賣完即止，想食的話真是要早些去排隊啦！

店主阿Dee 他在日式串燒、爐端燒行業打滾10多年，曾在上環日式串燒酒吧Three Monkeys當師傅（圖片來源：新假期編輯部）

主打本地活雞製作的日式串燒，即叫即生燒（圖片來源：新假期編輯部）

$20起食新鮮罕有雞部位＋特調雞醬汁

這間只有百多呎的日式串燒店，與坊間的串燒店最大分別就是嚴選香港本地新鮮活雞製作，由於店主阿Dee的爸爸是開雞檔，所以特別罕有的雞部位都可以在店𥚃食到，包括極其罕有的雞窩肉（$25）、雞冠（$25）、雞下巴（$20）、雞氣管（$20）、雞心（$20）、雞橫膈膜（$20）、雞屁股（$20），還有大眾歡迎的雞翼（$25）、雞腎（$20）、雞皮（$20）、自家製免治雞肉棒（$25）等，基本上整隻雞的部位都可以食到，而且相比起急凍或冰鮮雞，新鮮雞更有彈性和雞味，雞肉無需醃製，簡單用鹽、黑椒、秘製雞汁即可，更能食到原汁原味雞肉的鮮甜味。每間燒鳥店都有屬於主廚風格的靈魂蘸醬汁，阿Dee就用新鮮雞、3至4款不同風味的豉油、味醂調製，呈深褐色，好重醬香味，比正宗日式醬汁會鹹少少，帶雞肉的芳香，濃郁惹味。

30款即叫即生燒！大推激罕有雞窩串

小店提供大約30款串燒，當中有近20款都是雞串，其中阿Dee極力推薦就是激罕有的雞窩串，此部分屬於人後腰背、兩個凹陷位置，特別配上自家特配的士多啤梨草井醬，燒香後口感外脆內軟，肉汁豐富；記者及攝影師一致認為汁燒雞肝最好吃，店主特別用薑、日本豉油、味醂、清酒調配一個滷汁，將雞肝滷2小時至入味，食落口感可媲美鵝肝的粉嫩度，綿滑甘香，帶醬香的鮮味，非常好吃。眾多雞串中，日賣過百串就是原隻新鮮黃油雞翼，每個客人來到必點，鹽燒至表皮金黃焦脆，咬落肉汁juicy，肉質嫩滑，香口十足，因為太受歡迎，現時每位客人限購兩隻。除了雞串，紫蘇梅醬黑豚肉也令記者充滿驚喜，同樣選用本地新鮮豬製作，而且特別用上原件東坡肉切成一片片，再配搭自家酸甜莓醬，口感脆嫩，酸酸甜甜，仲有紫蘇葉的芳香，完全無滯膩感，非常出色！