[[{“value”:”
香港都買到日本便利店大熱嘅焦糖燉蛋雪糕啦！由專門製作乳酪、布丁等乳製品的知名品牌Ohayo推出的焦糖燉蛋雪糕，已成為唔少香港人喺日本便利店必買嘅甜品！記者朝早去到Donki尋雪糕，焦糖燉蛋雪糕已經所剩無幾盒，即刻將原味和朱古力味來開箱實測，究竟食落係咩味呢？
超人氣日本焦糖燉蛋雪糕登港！2款口味：原味/朱古力味
Ohayo推出的焦糖燉蛋雪糕表面有金黃香脆焦糖，搭配濃郁嘅北海道牛奶雪糕，深受甜品控愛戴，經常一上架就被搶購一空！產品即日起於Donki有得買，一件售價$29.8，鍾意食雪糕嘅大家快啲去試啦！
（圖片來源：新假期編輯部）
味道：
焦糖燉蛋雪糕要敲碎脆面先食得，原味的脆面顏色吸引，食落酥脆香甜，配上濃郁雲呢嗱雪糕，口感層次好豐富！另一款朱古力味脆面的可可味夠濃郁，底層雪糕略甜似朱古力奶，雪糕控可一試！
（圖片來源：新假期編輯部）
價錢：
焦糖燉蛋雪糕初登香港，兩款口味均是$29.8/件，日本買的話約¥365（約HKD$20），價錢比起日本貴$10，性價比唔算高，但在超市一上架都迅即被搶購一空！
（圖片來源：新假期編輯部）
評分：4/5
總的來說，焦糖燉蛋雪糕的脆面是加分點，要敲碎來吃好過癮，而且雪糕味道濃郁，不過包裝冇配匙羹，要自己額外搵匙羹！記者私心推薦原味～
（圖片來源：新假期編輯部）
Ohayo焦糖燉蛋雪糕
價格：$29.8 / 件
售賣點：旺角Donki分店有售，地址：旺角砵蘭街240-244號MPM文華商場2樓
營業時間：10am – 1am
The post 超人氣日本焦糖燉蛋雪糕登港！$29.8盒 原味＋朱古力味Donki賣斷貨 appeared first on 新假期.
“}]] 飲食 – 新假期 Read More
