[[{“value”:”
新餐廳2024推介｜3月新餐廳送到！包括日本過江龍咖喱冠軍名店、香港首間韓式拉麵自助店、人氣韓國炸雞店開刀削麵副線等；更有多間人氣店開分店，推介英式炸魚、特濃茄湯湯底車仔麵等新店，非常熱鬧即刻去搵食啦！
新餐廳2024推介｜3月｜1. 超人氣英式炸魚Fish & Chick登陸上環
大受好評的傳統英式炸魚小店Fish & Chick衝出堅尼地城及將軍澳，已登陸上環禧利街，與一眾熱愛炸魚及燒雞的朋友見面！餐廳在高峰期單日銷量超過 400 件炸魚、深受各地人士及名人巨星歡迎，連劉嘉玲都是它的Fans！新店開張期間更推出買一送一優惠！
（圖片來源：官方圖片）
新餐廳2024推介｜3月｜2. Caligari日本過江龍咖喱冠軍名店
榮獲「Tabelog」選為百名店之一，並 連續兩年於著名「神田咖哩大獎賽」的東京獲獎咖喱名店 Caligari，一直被譽為東京必吃熱店之一！餐廳已於香港開幕，並於2月中登陸香港中環娛樂行，更特設香港店開幕優惠送炸蝦/炸雞！
（圖片來源：官方圖片）
新餐廳2024推介｜3月｜3. Noodle Bridge 北角韓式拉麵自助店
韓式拉麵自助店／即食麵自助店在韓國好常見，不論是便利店或是專門店都有！最近在港島街頭竟然都發現一間，由揀麵、加水、落配料、滾起，全程都是自助形式，甚至仲有堂食用餐區，畀食客淥完都再慢慢食，整個體驗好得意，不用飛韓國都試到！今次記者就實試整個過程，睇吓值唔值得到訪啦！
（圖片來源：官方圖片）
新餐廳2024推介｜3月｜4.自家製韓國刀削麵 尖沙咀
最近尖沙咀新開了一間自家製韓國刀削麵，為人氣韓式炸雞店「李家」的副線品牌，主打韓式刀削麵以及韓式蒸餃，開業不久已深受食客歡迎，經常都見到人龍不斷的場景，刀削麵價錢為$58起，大碗份量足！
（圖片來源：官方圖片）
新餐廳2024推介｜3月｜5.Draft Land亞洲首創「COCKTAILS ON TAP 」酒吧
Draft Land 中環店自開店六年來熱潮依然，最近於銅鑼灣開分店分店，新分店的設計以歌劇院開放式鋪面呈現出一個寬曠舒適的誘人空間，最吸䁃是有根據酒精濃度高低而整齊排列著的20款雞尾酒龍頭。客人可以先讓「Draftender」從龍頭上導出多款雞尾酒「先試後選」，無酒精特調每杯由$70起，而雞尾酒每杯則只由$90起/杯。
（圖片來源：官方圖片）
新餐廳2024推介｜3月｜6.SOLEBREWLokman@MIRROR波鞋主題啡吧！
Lokman(楊樂文)@MIRROR再做老闆！Lokman@MIRROR隊長與友人合資開設結合街頭文化、波鞋及潮流主題咖啡吧「SOLEBREW」！新店選址中環，主打朝啡夕酒-即日頭歎啡、夜晚品酒，提供精品咖啡、精選輕食及主題調酒，其中咖啡豆更由Lokman親手挑選，頭巾兵團記得要去捧場啊！
（圖片來源：官方圖片）
新餐廳2024推介｜3月｜7.農耕記
近來多間大陸餐廳接二連三登陸香港，話題不斷！當中大陸連鎖餐廳農耕記已於去年進軍香港，繼佐敦、紅磡分店後，最近於黃大仙開設第三間分店，必試鮑魚辣椒炒肉，用上湖南辣椒爆炒，香辣惹味，拌飯食一流！招牌湖蝶魚、茶油土芹菜炒黃牛肉和超大杯霸王檸檬茶亦是餐廳必食菜式之一。
（圖片來源：官方圖片）
名稱：農耕記湖南土菜
地址：黃大仙中心北館1樓N133-134號鋪（地鐵黃大仙站 B3）
新餐廳2024推介｜3月｜8.三不館車仔麵 殺入觀塘開分店
三不館車仔麵觀塘開分店！人氣車仔麵三不館以特濃茄湯湯底、得獎麻辣汁豬手等招牌菜式深受街坊歡迎，加上食物款式選擇眾多，價錢相宜，得到不少食客力捧，門市經常爆滿！近日有眼利街坊發現三不館仔麵終於進駐觀塘開店，各仔打工仔有福了！
（圖片來源：官方圖片）
新餐廳2024推介｜3月｜9.華山 龍華軒咖啡室回歸
大師兄返嚟啦！位於登打士街鬧巿的樓上小店Coffee Lowa（龍華軒咖啡室）開業10年，與一般Cafe不同，主打雞翼放題，靠$88就可4小時任食雞翼而打出名堂，更有不少網媒及網絡紅人合作借場拍片，如CapTV及試當真等，而為人熟悉。去年11月結業，近日以新餐廳「華山」在荔枝角光榮回歸！
（圖片來源：官方圖片）
The post 新餐廳2024推介｜3月9大新店：日本冠軍咖喱/人氣車仔麵/自助拉麵店 appeared first on 新假期.
“}]] 飲食 – 新假期 Read More
