大坑美食10大推介｜鐵皮檔馳名豬扒麵＋人氣Cafe＋高質可麗露

15 2 月, 2024 21 0

[[{“value”:”

大坑位於銅鑼灣與天后之間，大坑「麻雀雖小但五臟俱全」，食店選擇多又廣，由平民小食到高級西餐都有，近年不同類型小店都陸續進駐呢個社區，餵飽完個肚之後仲可以喺周圍行街，今次就等記者帶你地發掘呢個小區有咩隱世美食啦！

大坑美食10間合集推介！鐵皮檔馳名豬扒麵＋秘製薯粉溝米線＋煙韌爆餡流心曲奇

1）炳記茶檔｜碩果僅存路邊鐵皮檔馳名豬扒麵凍奶茶

昔日充滿道地風味嘅鐵皮檔買少見少，炳記茶檔創立於五十年代，就喺其中一家碩果僅存嘅鐵皮茶檔。最出名有奶醬多、豬扒麵仲有熱奶茶。熱奶茶係唔少食客慕名而來嘅原因，口感綿滑之餘亦芳香濃郁，味道唔會太甜，曾經更榮獲CNN選為香港4大奶茶之一，連Eason陳奕迅都係常客！記者強烈推介佢地自家醃製嘅豬扒麵，黑椒汁醃得入味之餘食落肉質爽口，坐喺路邊食仲寧舍有feel！

連Eason都曾喺炳記寫上「冇食過炳記茶檔就等於冇嚟過大坑！」（圖片來源：IG＠icecatchyou）

招牌豬扒麵加埋鋪頭嘅辣醬更加惹味！（圖片來源：@IG＠icecatchyou）

餐廳：炳記茶檔
地址：大坑施弼街5號側（顯示地圖）
電話：25773117
營業時間：星期一至日07:00 – 15:30（星期一休息）
Facebook專頁：炳記（茶檔）
Instagram專頁：@bing_kee

2）Cookie Vission｜煙韌流心爆餡曲奇店日賣500塊

由網店發圍嘅Cookie Vission，主打煙韌QQ流心曲奇，一掰開即爆餡，超好打卡！店舖門面裝潢以白色及綠色作設計，搶眼舒適。曲奇口味都好非常有創意，唔同一般出面食到嘅曲奇，有朱古力花生醬、抹茶、Nutella榛子、葡撻、烤朱古力棉花糖、朱古力碎碧根果、烏龍茶、和三重朱古力等。每日會隨機供應9-10款口味，日日都唔同。負責人透露每日會烤焗約500塊曲奇，日日沽清，認真巴閉！

Cookie Vission於大坑開設實體店舖，吸引粉絲及街坊幫襯。（圖片來源：新假期編輯部）

餐廳：Cookie Vission
地址：大坑浣紗街6號（顯示地圖）
電話：從缺
營業時間：星期一 13:30 – 21:00；星期二至日08:30 – 21:00
Facebook專頁：Cookie Vission
Instagram專頁：@cookievission

3）HeyDay Cafe｜簡約純白裝潢轉角咖啡店

HeyDay Cafe早已成為大坑咖啡店新貴！店主選址於街角轉角位，記者一到埗便被它的純白外牆及玻璃大窗戶所吸引。咖啡店走簡約路線，大窗戶呈開放式設計，打開後便成半開放式位置，為店鋪透入自然光，打卡影相一流！鋪頭主要賣輕食、甜品及飲品，下午嚟坐返陣，感受一下附近小區氣息，都係相當不錯嘅選擇。

純白色裝潢再配合靠門口的玻璃大窗戶，驟眼看已十分吸睛！（圖片來源：IG@coffee.heyday）

玻璃窗打開後就會成為半開放式位置，坐底嘆杯啡都好寫意！（圖片來源：IG＠icecatchyou）

HeyDay Cafe喺寵物友善咖啡店。(圖片來源：IG@mochi_shibaa）

餐廳：HeyDay Cafe
地址：大坑施弼街5號（顯示地圖）
電話：2368 9339
營業時間：星期二至五 09:00 – 18:00、星期六日及公眾假期 08:30 – 18:00（星期一休息）
Facebook專頁：Heyday Cafe
Instagram專頁：@coffee.heyday

4）Plumcot｜兩夫婦法國學師高質烘焙人氣可麗露

小店由兩夫婦經營，佢地對法式烘焙都非常感興趣，去完法國當地學師後，2017年就喺香港開設烘焙店。Plumcot主要賣法式包點，例如可麗露、牛角包、肉桂卷及提子包等，另外亦有售自家製雪糕，原材料更堅持全天然。長期都會有人慕名而來幫襯，更深受大坑街坊愛戴！

Canele $35，外層表皮焦脆，內部濕潤軟綿彈牙，更加食到焦糖香及微微冧酒味，本身可麗露要整得好食都唔簡單，所以記者覺得絕對值得一試！（圖片來源：IG@skeatravelife）

週末店外經常大排長龍，一到去到中午就好快會賣晒，記得要早啲去！（圖片來源：IG@skeatravelife）

餐廳：Plumcot
地址：大坑新村街10A號地舖（顯示地圖）
電話：25736293
營業時間：星期三至日 08:00 – 18:00（星期一至二休息）
Facebook專頁：Plumcot
Instagram專頁：@plumcot.co

5）前座飯堂｜懷舊麵檔秘製酸辣薯粉溝米線

前座飯堂最出名喺秘製酸辣薯粉溝米線，平時食酸薯粉同米線就食得多，兩樣溝埋一齊食呢個組合又有無試過呢？可以一次過滿足晒你兩個願望！一踏入餐廳，就見到牆上掛有不同電影海報、霓虹燈及大字標語，再加埋閃吓閃吓嘅disco波波燈裝修，似足舊時嘅懷舊麵檔，好有氣氛！

門面裝修睇落相當型格，驟眼睇完全估唔到喺一間米線食店。（圖片來源：IG@leedeefood）

店內不同位置都有掛上霓虹燈。（圖片來源：IG@leedeefood）

阿金紅燒牛肉薯粉溝米線 $105，牛肉腍身，面條軟韌程度適中，湯底濃郁，好有台灣風味。（圖片來源：IG@leedeefood）

泰式涼拌手撕雞米線＄78，青瓜絲同雞絲份量啱啱好，雞絲滑溜，麻辣超香口！（圖片來源：IG@leedeefood）

餐廳：前座飯堂
地址：大坑新村街39號地下（顯示地圖）
電話：51181869
營業時間：星期二至日12:00 – 21:00（星期一休息）
Facebook專頁：前座飯堂
Instagram專頁：@chinjorfantong

6）大坑順興車仔麵日賣200碟招牌滑蛋系列

歷史悠久的大坑順興車仔麵，早於60年代便已開店，搬到大坑後更成為人氣長龍店。除了車仔麵外，滑蛋系列深受街坊歡迎，日賣200碟的招牌滑蛋系列，沒有加入牛奶也滑溜，豉油也經過特別調味，加入了葱花，更加香口。

招牌滑蛋叉燒飯（圖片來源：新假期編輯部）

車仔麵（牛腩、豬腸、勁辣魚蛋配米粉加辣汁）（圖片來源：新假期編輯部）

奶醬多（圖片來源：新假期編輯部）

餐廳：順興茶餐廳
地址：大坑安庶庇街5號地舖

7）Maka Hiki 人氣熱帶島國餐廳

大坑Maka Hiki 供應充滿異國風情夢幻寧靜藍早餐！懂門路的貪吃鬼都會到大坑搵食，無得去旅行又想在香港來趟熱帶島國偽旅行，糅合加勒比海與太平洋島國避世小鎮氛圍的燒烤酒吧Maka Hiki是個不錯的選擇，在翳熱天氣下未食已覺透心涼！

（圖片來源：Facebook@makahikihk）

餐廳：Maka Hiki
地址：大坑銅鑼灣道98號Little Tai Hang2樓

8）The Shophouse戰前唐樓改建懷舊文藝咖啡店

有別於一般cafe，The Shophouse 主打懷舊文藝路線。店內座位亦與普遍cafe不同，座位比較少，而且擺放位置分散，可能不夠座位供客人坐，需要站著品嚐咖啡。店內裝潢設計主打懷舊簡約路線，有如通過時光隧道，回到舊香港年代。客人可以遊走於The Shophouse，一邊欣賞文藝作品，一邊細味著手中的精品咖啡。

戰前唐樓改建懷舊文藝咖啡店！ (圖片來源：IG@himmy_food）

The Shophouse 主打懷舊文藝路線。 (圖片來源：IG@himmy_food）

餐廳：THE SHOPHOUSE
地址：大坑第二巷4號地舖