[[{“value”:”
新假期全新欄目《搵食新煮意》，每日為你推介今日食乜好！除了提供不同菜式的食譜，讓你留在家中自煮，都可以輕鬆試盡各地佳餚滋味；更會為你推介近期值得一試的香港餐廳，在家煮以外亦有不少好選擇，留在香港都可以齊齊搵食！1月29日《搵食新煮意》：好市生財包＋蜜餞脆皮欖角豆豉雞＋黑糖生薑黑豆茶。
1月29日搵食新煮意：好市生財包＋蜜餞脆皮欖角豆豉雞＋黑糖生薑黑豆茶
1.好市生財包
蠔豉的傳統做法是燜煮，今次示範的是「炒粒粒」，配以生菜、馬蹄、沙葛、少許菜脯等包著食，口感清新！
材料：
蠔豉（浸軟） 200g
臘腸 2條
膶腸 2條
香芹（切粒） .100g
馬蹄（約8粒、去皮、切粒） 150g
冬菇（約8隻、浸軟、切粒） 50g
沙葛（去皮、切粒） 200g
菜脯（切粒） 50g
甘筍（去皮、切粒） 200g
唐生菜（剝出菜葉、洗淨、瀝乾水分） 約2-3棵
調味料:
蠔油 2湯匙
老抽 1湯匙
砂糖 1 1/2茶匙
胡椒粉 適量
紹興酒 適量
雞湯 適量
生粉水（埋芡用） 適量
做法：
蠔豉、臘腸與膶腸先蒸10分鐘，涼卻後切粒。
除香芹及唐生菜外，其餘蔬菜粒飛水、瀝乾水分後備用。
鑊中燒熱油，先下蠔豉、臘腸、.腸粒炒香，再下香芹粒及其他蔬菜粒炒勻，再下調味料炒勻，下適量雞湯及適量生粉水埋芡，炒勻後即可上碟，伴以生菜葉包著吃。
1月29日搵食新煮意｜1. 好市生財包
2.蜜餞脆皮欖角豆豉雞
雞的烹調及吃法實在太多，今期我們嘗試一下甜味道的蜜餞口味，醬汁除了蜜糖之外，還加了鹹鹹香香、風味獨特的廣東經典食材—欖角，鹹甜之間互相調和，香脆惹味，絕對是舌尖上又一新美味！吃得開心！
材料：
雞 1隻（約2 ½斤）
欖角 40克（洗淨、吸乾水份、剁碎）
蜜糖 120克
生粉 適量
調味料：
鹽 6克
砂糖 4克
雞粉 4克
生粉 20克
水 4湯匙，分兩次用
做法：
雞洗淨，先起出腿骨、胸骨及背骨，斬件。
調味料先以2湯匙水撈匀，再與雞件撈匀醃約一至兩小時，備用。
雞件平均撲上適量生粉，平底鑊下適量油燒熱，下雞件（雞皮向下），以中火將雞件煎至兩面金黃香脆，盛起、瀝乾油份，備用。
下蜜糖及水2湯匙於鑊中炒匀，再下欖角爆香煮至起泡，熄火，馬上將雞件回鑊，與醬汁撈匀後即可上碟。
1月29日搵食新煮意｜2. 蜜餞脆皮欖角豆豉雞
3.黑糖生薑黑豆茶
呢一款黑豆茶可以活血解毒，適合岩岩聚會、捱夜後飲用。當中的黑糖和生薑都是適合女仕們保健養身飲用的食品，可補血驅寒。想補身又養顏的話，記得連同黑豆一齊食用！
材料：
黑糖 1-2茶匙
薑片 3塊
黑豆 40克
熱水 350毫升
做法：
黑豆先用白鍋炒熱，備用。
生薑切片，連同幼粒狀黑糖放入保温壺內。
注入熱水，拌至糖溶解，焗三十分鐘即成。
1月29日搵食新煮意｜3. 黑糖生薑黑豆茶
The post 好市生財包＋蜜餞脆皮欖角豆豉雞＋黑糖生薑黑豆茶｜搵食新煮意（新假期APP限定） appeared first on 新假期.
“}]] 飲食 – 新假期 Read More
