[[{“value”:”
新假期全新欄目《搵食新煮意》，每日為你推介今日食乜好！除了提供不同菜式的食譜，讓你留在家中自煮，都可以輕鬆試盡各地佳餚滋味；更會為你推介近期值得一試的香港餐廳，在家煮以外亦有不少好選擇，留在香港都可以齊齊搵食！1月27日《搵食新煮意》：燒牛扒三文治＋豆沙士多啤梨大福。
1月27日搵食新煮意：燒牛扒三文治＋豆沙士多啤梨大福
1. 燒牛扒三文治
牛肉含有豐富鐵質，有助製造紅血球，令人精神有活力，臉色紅潤，同時含有豐富的鋅質，幫助維持免疫力。這個食譜選用西冷牛扒，比肉眼扒少2倍油份，但蛋白質和鐵質含量不減！建議利用保鮮紙或牛油紙緊緊包裹三文治，助三文治定形，以便整齊切開不易散。
材料（1人份 )：
西冷牛扒(解凍) 100克
方包 2片
沙 律 菜 /生 菜（洗淨) 適 量
番茄 2塊
粟米仔（灼熟） 3條
車厘茄（洗淨，切半） 5粒
鹽 適量
胡椒粉 適量
油 1茶匙
做法：
西冷牛扒兩面撒上鹽和胡椒粉調味。
燒熱易潔鑊下油，將牛扒煎至喜歡的生熟程度。
取出牛扒，放涼，然後切塊。
將牛扒、番茄和沙律菜夾入方包中，製作成三文治。
車厘茄、粟米仔以鹽、胡椒粉拌勻成沙律。
1月27日搵食新煮意｜1. 燒牛扒三文治（圖片來源：新假期資料庫）
2.豆沙士多啤梨大福
談到士多啤梨甜品，怎少得草莓大福？今次教你免蒸糯米糰，用微波爐做香甜的豆沙士多啤梨大福，零失敗，就算新手都做到！
材料：
白玉粉 80克
砂糖 40克
水 90毫升
紅豆蓉（豆沙）360克
士多啤梨 6粒
片粟粉 適量
做法：
白玉粉與砂糖拌勻。
加水攪拌至無粉粒。
蓋上保鮮紙放入微波爐高火叮2分鐘。
取出攪拌成糰。
倒入放有片粟粉的容器內，將粉糰搓至扁平，並分成6等分。
紅豆蓉搓圓備用。
拿起1份粉糰，輕輕拉鬆至面積稍為擴大。
包入紅豆蓉，用手指捏緊缺口後，朝下放置。
最後用鉸剪剪開頂部少量粉糰，放入士多啤梨即成。
1月27日搵食新煮意｜2.豆沙士多啤梨大福（圖片來源：新假期資料庫）
The post 燒牛扒三文治＋豆沙士多啤梨大福｜搵食新煮意（新假期APP限定） appeared first on 新假期.
“}]] 飲食 – 新假期 Read More
