來自紐約的「Dominique Ansel Bakery（當文歷餅店）」曾榮獲世界麵包名店25選之一，其獨創的甜品如牛角包冬甩Cronut，均在世界甜品界掀起熱潮，店子更被譽為「一生一定要去一次的麵包店」。在眾人期待下，於2020年1月進駐香港，選址尖沙咀海港城，推出多款香港獨家口味甜點小食，更在多個旺區開分店及Pop Up Store，捱得過疫情的艱難時期，卻捱不過今趟的飲食結業潮，店子將會在1月尾結業，撤出香港，令人惋惜！
當文歷餅店1月31日結業 撤出香港！
當文歷餅店於香港現時有3間分店，分別在尖沙咀海港城、金鐘太古廣場和中環H Queen’s，憑著出色的酥皮麵包和香港限定的趣怪甜品打出名堂，獲得不少港人旅客愛戴！餅店於疫情開始之時進駐香港，想不到捱過了疫情，但卻在今天（8/1）宣布，當文歷餅店將於1月31日正式結業！
紐約名廚Dominique Ansel於2017年獲得世界50大「全球最佳甜點主廚」（圖片來源：新假期）
【有緣再會🧡 | 當文歷餅店正式結業通知】
五年前，當文歷餅店於疫情初期進駐香港，一直以嚟都貫徹創新、富玩味的風格，用心以香港客人為本帶來一系列獨一無二嘅蛋糕及麵包。由益力多樽造型嘅港式奶茶曲奇杯、「經典童年回憶」蛋糕系列、熱辣辣嘅「炒栗子」瑪德蓮到菠蘿包造型嘅椰子熱情果蛋糕同麻糬花生甜酥，我哋將本地飲食文化融入甜點創作，向香港人嘅文化、傳統及口味致敬。
我哋深感榮幸有機會喺香港同大家攜手共渡過去嘅困難時刻，希望透過當文歷餅店嘅麵包同糕點都能夠與大家分享簡單嘅喜悅☺️當文歷餅店團隊喺呢度正式同大家講聲再會，後會有期。
持有當文歷餅店優惠卷嘅️朋友，請於2024年1月31日或之前來臨當文歷餅店分店換領產品；趕唔切嘅朋友亦可以電郵至 info@dangwenli.com 或 whatsapp 852-9860-5003 聯絡我哋嘅客服人員。最後，再一次向一直以來支持我哋嘅各位送上祝福及感謝。
H Queen’s旗艦店: 中環皇后大道中 80 號H Queen’s地下 2 號舖
金鐘太古廣場店: 香港金鐘道 88 號太古廣場 2 樓 Area 2L 號舖
（圖片來源：FB@當文歷餅店）
不少網民知道消息後都大感大捨！紛紛希望當文歷會再於香港開店，想再食到甜品大師的傑作，就要把握機會了！
餐廳：當文歷餅店 by Dominique Ansel（1月31日結業）
分店地址：海港城海運大廈地下 OT G63A 號舖/2613 8618
分店地址：金鐘道88號太古廣場2樓Area 2L號舖/3565 6633
分店地址：中環皇后大道中 80 號 H Queen’s 地下 2 號舖/3482 7735
The post 當文歷餅店1月31日結業！世界甜品大師Dominique Ansel撤出香港 appeared first on 新假期.
飲食 – 新假期 Read More
