惡搞聖誕禮物2023推介｜一踏入12月就要開始為月尾嘅聖誕Party做好準備，係時候諗定買咩禮物啦！除咗之前為大家推介嘅聖誕實用送禮之選外，要諗買啲咩禮物整蠱朋友都好頭痕！以下記者為大家推介20份創意無限、勁無厘頭嘅超伏禮物，即睇詳情！
惡搞聖誕禮物2023推介｜20份伏搞笑地獄禮物推薦 無厘頭抽獎必睇
近年大家交換禮物好多時都會準備一份正常、一份伏嘅聖誕禮物，一大班朋友玩都好開心㗎，睇吓邊個咁唔好彩抽到你份禮物中伏啦！即睇以下推薦，睇吓有冇啲咩靈感啟發到你啦！
惡搞聖誕禮物2023推介｜1.阿爸臭襪味惡臭香薰
The Wax Can係專門研究一啲怪奇氣味嘅香薰店，包括有阿婆衣櫃味香薰、芫茜花園等香薰，超有創意！而臭襪味嘅香薰你又夠唔夠膽點呢？根據店主講，呢款蠟燭聞起上嚟，就好似一對無洗12個月充滿汗味嘅臭襪！送俾朋友做禮物，偷偷哋為佢點起香薰，就可以令佢成間屋臭氣沖天啦！
（圖片來源：The Wax Can官網）
The Wax Can 爸爸的臭襪味香薰
價錢：$135 (100g)
購買連結：按此
惡搞聖誕禮物2023推介｜2.帶返個腦冷帽
朋友成日都唔記得帶個腦出街？唔驚！而家買呢頂帽俾佢，成個大腦show晒出嚟！等佢以後出街嗰陣都可以帶返個腦，就唔使擔心佢蠢或者俾人呃啦！
（圖片來源：淘寶）
大腦冷帽
價錢：¥41.99（約$47港幣）
購買連結：按此
惡搞聖誕禮物2023推介｜3.全白色拼圖
呢份絕對係令人超抓狂嘅禮物！想像一下朋友一收到，打開見到全部都係純白色嘅拼圖，簡直係晴天霹靂啊！仲有3個版本可以揀，有108塊嘅入門級、1000塊高手級同1000塊DX版（雙面皆有顏色）嘅魔王級，一於睇吓你對朋友有幾好啦！
（圖片來源：蟹貨倉官網）
日本 Beverly 純色地獄拼圖 (108塊)
價錢：$178
購買連結：按此
惡搞聖誕禮物2023推介｜4.強效臭屁味噴霧
呢支臭屁味嘅噴霧，成分絕對安全無害，但係店家警告都要小心使用，因為係超臭㗎！想知陣味逼唔逼真，就要買俾朋友試吓啦！記者建議如果想成功瞞住朋友呢支係普通空氣清新劑嘅話，可以貼一層貼紙喺樽身，等佢噴完先發現係臭味攻擊！
（圖片來源：Amazon）
強效臭味噴霧
價錢：約$95
購買連結：按此
惡搞聖誕禮物2023推介｜5.大衛香氛蠟燭
呢款蠟燭足足有成30cm高，梳上法國18世紀潮流髮型嘅大衛，一路燃點一路「脫髮」，非常搞笑！如果你有朋友都面對緊脫髮嘅煩惱，建議送俾佢話俾佢知佢並不孤單。
（圖片來源：Pinkoi）
大衛香氛蠟燭 蕉綠
價錢：約$568
購買連結：按此
惡搞聖誕禮物2023推介｜6.大肚腩腰包
非常逼真嘅大肚腩腰包，就連肚上嘅毛都做得好仔細，啱晒送俾有啤酒肚嘅朋友俾佢遮一遮。
（圖片來源：Amazon）
大肚腩腰包
價錢：$78
購買連結：按此
惡搞聖誕禮物2023推介｜7.過期六合彩飛
極低成本送禮之選！中唔到六合彩嘅飛記得要留起，等聖誕時送俾朋友，祝佢下次買六合彩嘅時候可以中獎啦！
（圖片來源：香港賽馬會）
超伏聖誕禮物推薦2023推介｜8.小學補充練習
出嚟社會工作之後，朋友嘅學術同智商水平都低咗！送中學嘅補充練習對佢嚟講都可能太難，一於送本小學嘅補充練習等佢鞏固返啲知識啦！
（圖片來源：Pearson官網）
小學補充練習
購買地點：各大書局
惡搞聖誕禮物2023推介｜9.血淋淋假手
單身嘅朋友成日都呻寂寞，咁一於送隻左手俾佢當做係伴侶嘅手，等佢呢個聖誕節有手仔拖啦！
（圖片來源：蝦皮購物）
血假手
價錢：約$66
購買連結：按此
惡搞聖誕禮物2023推介｜10.口罩型單肩袋
疫情未過，口罩依然要戴穩！而呢款N95口罩嘅單肩袋外形都夠晒防疫，送俾朋友帶出街成功令佢得到全場注視！
（圖片來源：淘寶）
口罩型單肩袋
價錢：約¥22.80（約$26港幣）
購買連結：按此
惡搞聖誕禮物2023推介｜11.佛祖超人掛畫
緣分到了，自然會收到正常的禮物，送俾朋友等佢掛喺屋企，時刻提醒自己要過一個佛系人生！
（圖片來源：淘寶）
佛祖超人掛畫
價錢：約¥29.80（約$34港幣）
購買連結：按此
惡搞聖誕禮物2023推介｜12.草原風高爾夫球訓練器
人類有一半時間都係瞓緊覺，而另一半嘅時間就發緊夢，中間再一半時間就係喺廁所偷懶（好似係），想去廁所都可以善用時間，仲可以做埋運動？呢個草原風高爾夫球訓練器就幫到你，快啲買嚟送俾朋友，幫佢去廁所嘅時候解吓悶啦！
（圖片來源：Amazon）
高爾夫球訓練器
價錢：$156
購買連結：按此
惡搞聖誕禮物2023推介｜13.大隻佬攬枕
聖誕節最緊要係自備大隻佬男朋友！單身嘅朋友無拖拍都唔緊要，只要送呢個攬枕俾佢就好溫暖啦，仲可以俾佢用唔同姿勢攬住，甜到入心。
（圖片來源：淘寶）
大隻佬攬枕
價錢：¥79
購買連結：按此
惡搞聖誕禮物2023推介｜14.羊毛氈仿真曱甴
今時今日送電動曱甴、假嘅膠曱甴已經outdated啦！呢款羊毛氈曱甴淨係睇相都令人起雞皮，超有質感，好似真嘅一樣，感覺仲有啲似蜘蛛嘅手感添！送俾嗰啲超驚昆蟲嘅朋友，一定嚇餐懵啦！
（圖片來源：Pinkoi）
羊毛氈仿真曱甴
價錢：$180
購買連結：按此
惡搞聖誕禮物2023推介｜15.唧暗瘡電話殼
聽講睇人唧暗瘡可以減壓，又有人會覺得好治癒，咁呢款重口味嘅唧暗瘡電話殼，就啱晒啲鐘意上YouTube睇人唧暗瘡嘅朋友，等佢可以日日都摸到呢粒有膿嘅暗瘡啦！
（圖片來源：Pinkoi）
唧暗瘡電話殼
價錢：$214
購買連結：按此
惡搞聖誕禮物2023推介｜16.整你個大頭毛巾
毛巾就日日都會用，一於喺毛巾上面印滿你個頭送俾朋友，等佢哋日日都同你塊面親密接觸，每抹一次就好似錫一次咁，間接Kiss，好刺激呀！
（圖片來源：Pinkoi）
彩色扎染印紋款客製頭像毛巾
價錢：$139起
購買連結：按此
惡搞聖誕禮物2023推介｜17.念佛機
都市人生活急躁，成日咩都追求快，咁點得㗎！收到念佛機，相信能夠令你心平氣和。呢部機仲有多達36首歌任聽，絕對可以令朋友放鬆心情，過佛系人生！
（圖片來源：taiwo.online）
大悲咒唸佛機(36首)
價錢：$55
購買連結：按此
惡搞聖誕禮物2023推介｜18.HAVE A NICE DAY中指杯
每逢Party梗係有啲人衝出嚟送水杯，無人想收到啊！平時收到水杯一定會X出聲，不過呢隻杯可以令人收番句粗口，但可以立即舉杯回禮！
（圖片來源：Amazon）
Have A Nice Day杯
價錢：$117
購買連結：按此
惡搞聖誕禮物2023推介｜19.Nemo襪
呢對咁鮮色嘅橙色Nemo襪，就算淨係喺屋企著都覺得尷尬。送俾朋友，睇吓佢會唔會有勇氣著出街！
（圖片來源：Amazon）
Nemo襪
價錢：$101
購買連結：按此
惡搞聖誕禮物2023推介｜20.誘人屁股杯
送俾朋友嘅超伏禮物，就係要佢越尷尬越好！呢款屁股杯如果俾佢拎返公司用，可能俾人見到都會幾尷尬！
（圖片來源：蟹貨倉官網）
BUTT 創意屁股杯
價錢：$30
購買連結：按此
The post 惡搞聖誕禮物2023｜20大搞笑禮物推介 無厘頭抽獎必睇 （附價錢/購買連結） appeared first on 新假期.
購物優惠 – 新假期 Read More
