新假期全新欄目《搵食新煮意》，每日為你推介今日食乜好！除了提供不同菜式的食譜，讓你留在家中自煮，都可以輕鬆試盡各地佳餚滋味；更會為你推介近期值得一試的香港餐廳，在家煮以外亦有不少好選擇，留在香港都可以齊齊搵食！10月27日《搵食新煮意》：鮮沙薑陳皮生煎雞＋陳皮薏米紅豆水。
10月27日搵食新煮意：鮮沙薑陳皮生煎雞＋陳皮薏米紅豆水
1.鮮沙薑陳皮生煎雞
平時食沙薑雞，通常用沙薑粉醃一醃就成，但原來將新鮮沙薑切碎，加上10年新會陳皮同煎，效果更佳，煎的時候已經聞到濃濃沙薑香，將雞肉的鮮味完全引出。最重要是大廚會先將雞去皮去骨，煎的時候亦不用落油，食起來啖啖肉，健康又好味。又或者加點心思，先煮好飯底，再將煎好的雞鋪上焗一焗，讓雞汁流到飯中，更滋味。
材料（四人份）：
鮮雞件 半隻
陳皮（浸軟，切絲） 4克
沙薑（去皮，拍碎切粗粒） 20克
紅椒（切絲） 適量
芫荽（切段） 少許
葱（切粒） 1棵
糖 1/4茶匙
豉油 半茶匙
胡椒粉 適量
麻油 適量
生粉 半茶匙
做法
鮮雞去骨去皮起肉，切成小件。
加入豉油、糖、胡椒粉、麻油、生粉、麻油、陳皮及沙薑拌勻，略醃數分鐘。
燒熱平底鑊，把雞件煎香，期間要不停反轉，煎至全熟，兩面金黃色。
放入芫荽、葱粒、紅椒絲並炒勻，即可上碟。
10月27日搵食新煮意｜1. 鮮沙薑陳皮生煎雞（圖片來源：新假期資料庫）
2.陳皮薏米紅豆水
陳皮薏米紅豆水健脾袪濕。
材料：
陳皮 2角
生熟1兩
薏米 1兩
紅豆 3兩。
做法：
薏米、紅豆浸過夜。
加陳皮及2公升清水煮1小時，即成。
10月27日搵食新煮意｜2. 陳皮薏米紅豆水（圖片來源：新假期資料庫）
The post 鮮沙薑陳皮生煎雞＋陳皮薏米紅豆水｜搵食新煮意 （新假期APP限定） appeared first on 新假期.
飲食 – 新假期 Read More
