新假期全新欄目《搵食新煮意》，每日為你推介今日食乜好！除了提供不同菜式的食譜，讓你留在家中自煮，都可以輕鬆試盡各地佳餚滋味；更會為你推介近期值得一試的香港餐廳，在家煮以外亦有不少好選擇，留在香港都可以齊齊搵食！10月23日《搵食新煮意》：低脂番茄焗豬扒飯＋阿波羅乳酪雪糕。
10月23日搵食新煮意：低脂番茄焗豬扒飯＋阿波羅乳酪雪糕
1. 低脂番茄焗豬扒飯
一份好的番茄焗豬扒飯，首要有啖啖嫩滑而軟腍的豬扒，入口有焦香味，配上鑊氣金黃炒飯及大量番茄醬汁，單聽就誘人食慾，難怪是茶餐廳名物。不過坊間的焗豬扒飯熱量甚高，根據衛生署資料顯示，一般餐廳一份重710克的焗豬扒飯，熱量大約是1,300千卡，長期食不太健康。今日就學營養師製作一款低脂版番茄焗豬扒飯，其熱量約500-600千卡，比坊間低足一倍，而且選用新鮮番茄烹調，含有一定的營養價值。
材料：
無骨豬扒 1塊
番茄 2個
洋葱 半個
雞蛋 1隻
蒜頭（切蓉）2瓣
生粉水 適量
白飯 1碗
低脂芝士 1片
醃料：
生抽 2茶匙
糖 1茶匙
調味料：
茄膏 1湯匙
糖 少許
鹽 少許
做法：
用刀背將豬扒揼鬆。
用生抽及糖醃豬扒20分鐘。
將番茄及洋葱切件，發匀雞蛋，備用。
燒熱鑊，加入少許油，將豬扒煎至兩邊金黃色，盛起備用。
在易潔鑊上加入少許油，爆香蒜頭及洋葱，加入番茄，略炒。
加入適量的水，茄膏及糖，略煮後加入生粉水，煮至汁料濃稠，盛起備用。
在易潔鑊上加入少許油，加入蛋液，炒至半熟，加入白飯及鹽，炒勻。
順序將炒飯，豬扒，番茄醬汁和芝士放入焗盤中。
預熱焗爐200度，焗大約10分鐘，直至芝士溶化，即成。
10月23日搵食新煮意｜1. 低脂番茄焗豬扒飯（圖片來源：新假期資料庫）
2.阿波羅乳酪雪糕
想食到阿波羅雪糕不一定要到分店，在家一樣可以神還原！
材料：
原味乳酪 一盒
西瓜 適量
攪拌機
做法：
西瓜切成粒狀、乳酪分成小細份。
把準備好的食材放入冰格，雪至少24小時，呈冰狀。
翌日將所需食材一併放入攪拌機，攪拌至完全融合。
最後，再放入冰格雪至少1小時或以上便可食用。
10月23日搵食新煮意｜2. 阿波羅乳酪雪糕（圖片來源：新假期資料庫）
The post 低脂番茄焗豬扒飯＋阿波羅乳酪雪糕｜搵食新煮意 （新假期APP限定） appeared first on 新假期.
飲食 – 新假期 Read More