新假期全新欄目《搵食新煮意》，每日為你推介今日食乜好！除了提供不同菜式的食譜，讓你留在家中自煮，都可以輕鬆試盡各地佳餚滋味；更會為你推介近期值得一試的香港餐廳，在家煮以外亦有不少好選擇，留在香港都可以齊齊搵食！9月20日《搵食新煮意》：白汁海鮮焗飯＋士多啤梨撻。
9月20日搵食新煮意：白汁海鮮焗飯＋士多啤梨撻
1.白汁海鮮焗飯
出外食的白汁海鮮焗飯卡路里高，被視為邪惡之選。但只要我們花少少心機，便可以親自煮出較健康又保留味道的版本，跟以下食譜就行了，得閒試試！
材料（2人份量）：
雜錦海鮮 (冰鮮魷魚圈、青口、蝦) 1/2碗
雞蛋 1隻
洋葱 1/3個
蒜頭 1瓣
餐白酒 2茶匙
清雞湯 1/3碗
低脂忌廉 50毫升
麵粉 2茶匙
芝士碎 1湯匙
白飯 2碗
牛油 1茶匙
油 1茶匙
做法：
蝦去殼挑腸，洗淨瀝乾。
雞蛋拌勻成蛋漿。
洋葱去衣，切件。
蒜頭去衣，剁成蓉。
燒熱易潔鑊，加入牛油、洋葱和蒜蓉，炒香雜錦海鮮，加入餐白酒，煮至酒精蒸發，盛起。
燒熱易潔鑊，下油，加入白飯，略炒，加入蛋漿， 炒勻，至蛋漿熟透，將炒飯放入焗碟內。
燒熱易潔鑊，加入清雞湯、低脂忌廉和麵粉水，煮至濃稠，拌入海鮮，放於炒飯面，撒上芝士碎。
預熱焗爐攝氏180度，將焗飯放入焗爐焗10分鐘至芝士溶化成金黃色即成 。
9月20日搵食新煮意｜1. 白汁海鮮焗飯（圖片來源：新假期資料庫）
2. 士多啤梨撻
走蛋奶的Raw Vegan 士多啤梨撻，以椰青肉、腰果、燕麥粉及椰子油等有營食材代替。反傳統之餘又同士多啤梨酸味成對比。吃悶了傳統蛋糕，不妨試做這零失敗、無精製糖的 士多啤梨撻 ，必有驚喜！
材料(5吋撻模×4)：
燕麥粉 1 杯
龍舌蘭蜜 1/4杯
水 2湯匙
檸檬汁 3湯匙
鹽 一小撮
生機全素忌廉材料：
材料A：
椰青肉 1.5杯
龍舌蘭蜜 1/3 杯
水 1/3 杯
橙汁 1 湯匙
雲呢嗱精油 1 茶匙
鹽 1/8茶匙
杏仁精油 1/8茶匙
黃薑粉 一小撮
材料B：
椰子油 2 湯匙
卵磷脂 1湯匙
做法：
先做餅底，把燕麥粉及一半已催芽腰果打成麵粉狀。加入另一半腰果及餘下濕的材料拌勻。
用保鮮紙包住餅模，將（1）放入模具；將餅皮平均地壓平。放入風乾機以42℃風乾3小時，脫模後再風乾6-8小時。
準備生機全素忌廉，把忌廉材料（A）以高速拌勻，再加入（B）輕拌，入唧袋，雪涷30分鐘。
在撻底內唧入忌廉，再放上切片的士多啤梨完成。
9月20日搵食新煮意｜2. 士多啤梨撻（圖片來源：新假期資料庫）
The post 白汁海鮮焗飯＋士多啤梨撻｜搵食新煮意（新假期APP限定） appeared first on 新假期.
飲食 – 新假期 Read More