新假期全新欄目《搵食新煮意》，每日為你推介今日食乜好！除了提供不同菜式的食譜，讓你留在家中自煮，都可以輕鬆試盡各地佳餚滋味；更會為你推介近期值得一試的香港餐廳，在家煮以外亦有不少好選擇，留在香港都可以齊齊搵食！9月6日《搵食新煮意》：滑蛋叉燒飯＋貴妃雞＋海椰皇清燉花膠雞湯。
9月6日搵食新煮意：滑蛋叉燒飯＋貴妃雞＋海椰皇清燉花膠雞湯
親手整個滑蛋叉燒飯，原來不太難！
1.滑蛋叉燒飯
材料：
豬梅頭肉 2塊
日本蛋 2隻
米 適量
蔥 適量
叉燒醬 2茶匙
豉油 1茶匙
牛奶 3茶匙
廚房紙巾 2張
做法：
先用廚房紙巾印乾豬梅頭肉水份。
用叉在豬梅頭肉上拮洞。
落2茶匙叉燒醬＋1茶匙鼔油醃肉。
醃10-15分鐘。
預先於氣炸鍋放一層錫紙。
放已醃好的豬梅頭肉落氣炸鍋，先180度炸10分鐘。
反轉180度炸5分鐘。
搽蜜糖，再180度炸5分鐘。
反轉搽蜜糖，180度炸5分鐘。整個過程共25分鐘。
將叉燒切片備用。
發2隻蛋，先落3茶匙牛奶，再落少量豉油。
細火開鑊，落油。
倒蛋漿，不停搞拌至半熟蛋。
落少量蔥花。
上碟。
9月6日搵食新煮意｜1. 滑蛋叉燒飯（圖片來源：新假期資料庫）
2.貴妃雞
燒味中的燒肉、叉燒、乳豬、白切雞、燒鵝、燒鴨大家一定食過，不過原來製作燒味有好多學問！一道在家製作的燒味食譜——貴妃雞，讓大家輕鬆做到。
材料：
雞1隻
蝦米1湯匙
豬骨1條
香葉少許
當歸適量
沙薑粒8-10粒
薑片、葱適量
做法：
先將蝦米炒香。
加入適量水、豬骨、香葉3-5片、當歸片1-2片、沙薑粒，煲一小時後，取走湯料，放涼，以作貴妃雞調味水之用。
將新鮮雞洗乾淨。
開水煲滾時，加入薑片、葱。
水滾後關火，將雞放入滾水中浸大約20分鐘或直至熟透後，拿起放進冰水備用。
把凍雞放進已配好的貴妃雞調味水內，浸20-25分鐘即可。
9月6日搵食新煮意｜2. 貴妃雞（圖片來源：新假期資料庫）
3.海椰皇清燉花膠雞湯
秋天將至，潤肺湯水是秋天必備，教大家做一款合時湯水！花膠滋補、海椰皇潤肺，用上清甜的椰皇，原盅上，用來宴客，也絕不失禮，最緊要做法簡單，只要花點時間，新手都應付自如。
雞清湯材料A：
老雞（去皮） 1斤
洋葱（切件）1/4個
西芹（切段）半條
燉湯材料B：
花膠（浸發好，切小件）1件
椰皇（頂頭打開，刮出小量椰肉及倒出椰皇水備用）2個
海椰皇（一開二） 2-3粒
雞肉 40g
清雞湯（用材料A熬成）200g
做法：
製作雞清湯，先將老雞洗淨、斬件，飛水。
將雞件放進大碗內，加入洋葱及西芹辟味，加約500g清水，要蓋過雞面，蓋好蓋，細火燉4小時。
將花膠、海椰皇、雞肉、椰肉飛水，砌入椰皇盅內。
將燉好的清雞湯隔渣，以1:1比例，與椰皇水一同倒入鍋內，滾一滾，以少許鹽調味。然後倒入椰盅內，蓋好椰盅。
原個椰皇燉35-40分鐘即成。
9月6日搵食新煮意｜3. 海椰皇清燉花膠雞湯（圖片來源：新假期資料庫）
The post 滑蛋叉燒飯＋貴妃雞＋海椰皇清燉花膠雞湯｜搵食新煮意（新假期APP限定） appeared first on 新假期.
飲食 – 新假期 Read More