新假期全新欄目《搵食新煮意》，每日為你推介今日食乜好！除了提供不同菜式的食譜，讓你留在家中自煮，都可以輕鬆試盡各地佳餚滋味；更會為你推介近期值得一試的香港餐廳，在家煮以外亦有不少好選擇，留在香港都可以齊齊搵食！6月22日《搵食新煮意》：簡易鹽焗雞＋黑松露雞蓉蒸蛋＋菊棗百合糖水。
6月22日搵食新煮意：簡易鹽焗雞＋黑松露雞蓉蒸蛋＋菊棗百合糖水
1.簡易鹽焗雞
傳統鹽焗雞往往要焗幾小時，但這食譜只需20分鐘就完成，仲一樣好味。
材料：
原隻黃油雞（切半）1隻
黃酒 1湯匙
鹽 1湯匙
雞粉 1湯匙
胡椒粉 1茶匙
薑 6片
葱 5條
做法：
用黃酒、鹽、雞粉及胡椒粉將雞醃好，用保鮮紙包起，置於雪櫃隔夜。
將雞風乾約3小時。
先將薑片及葱放在焗盤內，雞皮朝下，放入預熱好的焗爐內，以200度焗10分鐘。
將雞反轉，皮朝上再焗8-10分鐘。取出，待5分鐘才斬件上碟。
6月22日搵食新煮意｜1. 簡易鹽焗雞（圖片來源：新假期資料庫）
2.黑松露雞蓉蒸蛋
平時蒸蛋食得多，今次不妨搞搞新意，加入黑松露及雞蓉，將家常菜迅即昇格為日式美食！即睇簡易教學，四個 Steps 搞掂！
材料：
大蛋 2隻
雞湯 300毫升
黑松露醬 2茶匙
獻汁材料：
雞湯 150毫升
免治雞蓉 50克
甜豆（已氽水）1湯匙
馬蹄粉 1湯匙
凍水 2湯匙
黑松露醬 1茶匙（裝飾用）
做法：
打蛋在碗內，拂打，加入雞湯，攪拌。過篩，拌入黑松露醬。
將蛋漿倒入4隻小蒸碗內，以錫紙蓋好，用大火蒸約5-7分鐘。
蒸蛋期間，以平底鍋煮滾雞湯，加免治雞蓉、甜豆、已加水的馬蹄粉，煮至濃稠。
加到小蒸碗內，上枱前以黑松露醬放面點綴。
6月22日搵食新煮意｜2.黑松露雞蓉蒸蛋（圖片來源：新假期資料庫）
3.菊棗百合糖水
這個糖水加入能清肝明目的菊花，補血養血的紅棗和清心安神的鮮百合，來年大家都由飲食著手，keep住靚靚又健康。
材料 :
菊花乾 10克
鮮百合 2個
紅棗 2粒
冰糖 15克
水 500毫升
做法：
菊花放入茶包袋內。
鮮百合分成一瓣瓣，浸洗乾淨。
紅棗切半，去核。
所有材料放入煲內（除冰糖外）煮滾，轉中火煮10分鐘，加入冰糖煮溶，完成。
6月22日搵食新煮意｜3.菊棗百合糖水（圖片來源：Hilda 梁雅琳授權）
The post 簡易鹽焗雞＋黑松露雞蓉蒸蛋＋菊棗百合糖水｜搵食新煮意（新假期APP限定） appeared first on 新假期.
飲食 – 新假期 Read More