新假期全新欄目《搵食新煮意》，每日為你推介今日食乜好！除了提供不同菜式的食譜，讓你留在家中自煮，都可以輕鬆試盡各地佳餚滋味；更會為你推介近期值得一試的香港餐廳，在家煮以外亦有不少好選擇，留在香港都可以齊齊搵食！6月19日《搵食新煮意》：煙三文魚花之戀脆餅＋米妮法式西多士。
6月19日搵食新煮意：煙三文魚花之戀脆餅＋米妮法式西多士
1.煙三文魚花之戀脆餅
論野餐抑或派對，都想做出一些賣相漂亮的小食，今次為大家介紹超簡單3分鐘速成食譜，以煙三文魚為主角，配上脆餅好睇又好食，材料同樣非常易買，一齊試下啦！
材料：
任何脆餅 1塊
煙三文魚 半塊
三文魚味忌廉芝士 適量（如沒有三文魚味忌廉芝士，亦可用普通忌廉芝士）
香草 適量
做法：
首先打開脆餅，並取出一塊。
將一小匙三文魚味忌廉芝士放在脆餅上，盡量鋪平。
拿出半塊煙三文魚，橫摺捲起。
將捲成花形的煙三文魚輕輕壓在鋪滿忌廉芝士的脆餅上。
最後加上香草做裝飾，即成。
6月19日搵食新煮意｜1. 煙三文魚花之戀脆餅（圖片來源：新假期資料庫）
2.米妮法式西多士
日本可說是港人的第二個家，而東京迪士尼樂園更是不少大人小朋友必去的景點之一。可惜現在因疫情關係讓大家未能一到樂園遊玩，有見及此，東京迪士尼於自己官方網站，上載了中央大道咖啡餐館的人氣甜品，米妮法式西多士食譜，讓各位在家都能做來回味止癮！
材料（2人份）:
雞蛋 2隻
牛奶 100ml
橙汁 30ml
生忌廉 15ml
糖 20g
雲呢嗱油 3g（可隨個人喜好添加）
鹽 2g
雜莓醬材料：
急凍雜莓 60g
士多啤梨果醬 40g
水 20ml
米妮蝴蝶結材料：
士多啤梨 2個
沙律油 少許
糖霜 適量
楓糖漿 50g
準備工具：
米奇形狀的模具 1個 或 米奇形狀的卡紙 1張
做法：
把米奇模具放到方包上，沿著模具切出米奇形狀。（若家中沒有模具，可用卡紙取替）。
把2隻雞蛋均勻地發好，然後加入牛奶、橙汁、生忌廉、糖、雲呢嗱油、鹽，繼續攪拌直至蛋液滑溜。
把切好的米奇形狀麵包浸在蛋液中，蛋液需滲透表面、內層、側面，後用保鮮紙包好靜置10分鐘。
接下來做雜莓醬。把急凍雜莓按照包裝指示解凍好，加入士多啤梨果醬。
將士多啤梨蒂拿掉，後切成V形。果肉垂直切半，反轉使用紅色面製成蝴蝶結。
平底鑊上倒下沙律油，以小火預熱，放入方包。
煎至兩面都是金黃色為佳。
把混和好的雜莓醬，繞在碟邊一圈。
方包放置中央。
將米奇耳朵位置放上士多啤梨，再灑上糖霜。
倒入楓糖漿便完成。
6月19日搵食新煮意｜2. 米妮法式西多士（圖片來源：東京迪士尼授權）
The post 煙三文魚花之戀脆餅＋米妮法式西多士｜搵食新煮意（新假期APP限定） appeared first on 新假期.
飲食 – 新假期 Read More