新假期全新欄目《搵食新煮意》，每日為你推介今日食乜好！除了提供不同菜式的食譜，讓你留在家中自煮，都可以輕鬆試盡各地佳餚滋味；更會為你推介近期值得一試的香港餐廳，在家煮以外亦有不少好選擇，留在香港都可以齊齊搵食！12月22日《搵食新煮意》：鮮鮑魚雞煲＋茉莉花茶錦繡球＋公仔湯圓。
12月22日搵食新煮意：鮮鮑魚雞煲＋茉莉花茶錦繡球＋公仔湯圓
1.鮮鮑魚雞煲
冬至飯要食好啲！不過如果你唔想出街食，又唔想食外賣，不如考慮下自己煮吧！
材料：
新鮮鮑魚 6隻
雞（斬件） 半隻
薑 2片
乾葱（切片） 2粒
芹菜及大蒜（切段）..各1棵
指天椒（切碎） 2隻
芫荽 適量
調味料：
蠔油1湯匙
糖 1茶匙
鹽 1/2茶匙
老抽 1湯匙
紹酒 1湯匙
上湯 100ml
生粉水 2茶匙
醃料：
鹽 1茶匙
生粉 1湯匙
做法：
鮑魚去殼及內臟，用生粉（份量外）清洗後抹乾及𠝹格仔花。
雞件加醃料拌勻，煎至金黃色，盛起瀝乾油份。
爆香薑片、乾葱及指天椒，將雞回鍋再放入鮑魚及調味料（紹酒及生粉水除外）炒勻，蓋上鍋蓋燜約8分鐘後再放入芹菜蒜炒勻。
以生粉水勾芡後加入紹酒，兜勻熄火，放上芫荽即成。
12月22日搵食新煮意｜1. 鮮鮑魚雞煲（圖片來源：新假期資料庫）
2.茉莉花茶錦繡球
其實是配了茉莉花茶湯的甘筍肉丸粒，跟家常菜蒸肉餅做法大同小異，但就搓成丸子狀，外面再蘸上幼幼的甘筍粒，橙橙紅紅，小朋友一定喜歡。想再精緻點，大廚教路將茉莉花茶泡一泡水，茶湯用來做芡汁，茉莉花茶渣用油炸一炸加點糖，撒在肉丸粒上，肉香之餘，吃到淡淡茉莉幽香。
材料：
切碎豬梅肉碎 8兩
馬蹄（切幼粒） 2粒
冬菇（浸發，切幼粒） 1隻
甘筍（去皮，切幼粒） 1條
臘肉（蒸熟，切幼粒） 1湯匙
炸脆茉莉花茶 1湯匙
雞蛋 1隻
生粉 1茶匙
胡椒粉 少許
麻油 數滴
清雞湯 半碗
茉莉花茶湯水 1湯匙
鹽 1/2茶匙
糖 少許
青豆（裝飾用） 數粒
紅椒絲、芫茜（裝飾用） 少量
做法：
加馬蹄粒、冬菇粒於肉碎內攪勻。
將鹽、生粉、雞蛋、胡椒粉、麻油與肉碎混和，順時針搓勻至帶膠質，再唧成約10粒肉丸子。
每粒丸子均勻沾上甘筍蓉，蒸8分鐘至熟，取出砌好於碟中備用。
將清雞湯加茉莉花茶湯煮滾，以鹽、糖調味，加生粉水埋成玻璃芡，淋在肉丸上。灑上臘肉碎，放入炸茉莉花、青豆、紅椒絲及芫茜作裝飾即成。
12月22日搵食新煮意｜2. 茉莉花茶錦繡球（圖片來源：新假期資料庫）
3.公仔湯圓
冬至還要吃湯圓，寓意團團圓圓！
材料：
糯米粉130g
水115g
食用色素
食用色素筆
芝麻餡
做法：
加水與糯米粉搓成粉糰，切勿加太多水否則湯園質地會過軟。
麵糯平均分成三等份，再用保鮮紙蓋住以防水份流失。
預留一部分做面部，加人食用色素用力推揉至顏色均勻。
橙色粉糰分成6等份，預留部分做耳及鼻。加入芝麻料再搓園。
待用的橙色粉糰掐成耳朵，再用預留的白色麵糰掐出輪廓。
最後用食用色素筆畫上眉毛、眼睛及鬍鬚。
12月22日搵食新煮意｜3. 公仔湯圓 （圖片來源：新假期資料庫）
The post 鮮鮑魚雞煲＋茉莉花茶錦繡球＋公仔湯圓｜搵食新煮意（新假期APP限定） appeared first on 新假期.
飲食 – 新假期 Read More
