觀塘西餐廳Parallel爆紅即刨澎湃芝士意粉＋$178半自助午餐

[[{“value”:”

觀塘西餐廳Parallel最近在threads爆紅！事源有threads友分享在餐廳奇遇的用餐體驗，事主點了兩碟意粉後，店員即席即刨芝士，更刨足十分鐘，結果孌成一碟「雪崩」式的芝士意粉，場面爆笑，引起大批網民熱烈討論！

觀塘西餐廳Parallel爆紅即刨澎湃芝士意粉！

即刨芝士意粉大家食得多，但如果芝士粉完全掩蓋意粉本體就真是好少見！最近threads友分享在觀塘西餐廳Parallel食意粉的奇遇經歷，二人點了兩碟意粉，然後店員手拎住原舊芝士即席刨，誰知店員越刨越多，刨到「雪崩」一樣，完全見不到意粉本體！threads友問店員：「正常係咪都會加咁多芝士？」，店員答覆：「唔係阿，但你哋無叫我停，所以就繼續刨。」此情況令threads友笑爆嘴！此帖一出，即引起熱烈討論，紛紛留言想試，也有人表示以為是刨冰。此舉動成功令餐廳一夜爆紅！

前五星酒店廚主理$178半自助午餐

這間意外爆紅的餐廳名為「Parallel」，由前五星酒店廚主理，提供親民價午晚市半自助餐，是觀塘區誠意西餐小店。午市每位$178即可歎齊自助沙律吧：前菜、冷切肉盤、煙三文魚、芝士，另外可自選一款主菜，包括紅花蟹肉意大利飯、番茄忌廉汁海鮮手工意粉、香煎澳洲鱸魚、油封鴨髀等，另外仲附有餐湯、咖啡或茶，性價比十分高。而晚餐時段則每位$318，沙律吧增添青口、翡翠螺及蝦，而主菜選擇亦更加多，附近上班族聚會好地方！