[[{“value”:”
平價燒雞名店「薔紅茶餐廳」於紅磡開首間分店，為慶祝新店開張原隻脆皮燒雞（原價$88），以優惠價$68發售。日前有網民在「香港茶餐廳及美食關注組」分享薔紅茶餐廳（新店改名為薔紅宅急便）開張消息，引起熱烈討論，不少人都大讚價錢價錢親民，份量又足料，其中招牌原隻脆皮燒雞一致好評，紅磡的街坊有口福了！
平價燒雞名店「薔紅茶餐廳」登陸紅磡！
薔紅茶餐廳於灣仔已有30多年歷史，以脆皮燒雞馳名的港式茶餐廳，平日午飯及夜晚都大排長龍，菜式價錢抵食且份量足料，深受街坊歡迎。最近餐廳在紅磡開設首間分店，更推出新店優惠價$68就可以食到招牌脆皮燒雞，仲包主食（飯、意粉、薯條、沙律），另可優惠價加配飲品或湯。新分店在「香港茶餐廳及美食關注組」掀起熱話，個個分享「戰績」大讚水準不錯，而且價錢好抵食，難怪每日都大排長龍！
日賣過千隻脆皮燒雞
薔紅茶餐廳最出名就是脆皮燒雞，每日賣過千隻，用鹽、五香粉、胡椒粉等調味再醃足2小時，再炸至金黃皮脆，肉質嫩滑juicy。新舖現時做$68優惠，更加吸客，想食就要早啲排隊！
其他必食推介：$30豬扒炒蛋豬仔包＋$48和風黯然銷魂叉燒飯
餐廳除了脆皮燒雞，仲有其他茶記必食推介，好似特色豬扒炒蛋豬仔包（$30）、瘦中帶肥的酥炸牛腩（$68）、皮脆肉嫩特色炸豬手（$63）、採用日本雞蛋及日本新潟縣產米的和風黯然銷魂叉燒飯（$48）等，款款價錢都好抵食，來到可以一試。
The post 薔紅茶餐廳登陸紅磡！新店限定優惠$68脆皮燒雞＋豬扒炒蛋豬仔包 appeared first on 新假期.
“}]] 飲食 – 新假期 Read More
