和順記一共有6間分店，荃灣店是由前財經記者阿政加盟營業的分店。和順記雖然是茶餐廳，但就有不少創新又吸睛的菜式！當中包括神級炸雞髀、豬扒西多士、手打雞肉餅、吉列豬扒三文治等，全部大件夾抵食。官方在近日突發宣佈，7月30日為荃灣店Last Day！
荃灣和順記7月30日最後營業日
「和順記-荃灣雞脾王」近日突發宣佈，7月30日為荃灣店Last Day，想吃神級炸巨髀的把握機會吧！除了荃灣店，大家亦可到天后分店，官方Facebook撰文：
係啦
7月30日 係我哋荃灣店 last day
因為種種原因
咁遲先同大家講
真係唔好意思
多謝大家過去二年支持
尤其7月咁熱都仲過嚟食嘢嘅朋友
7月人手嚴重不足
整個月都係夾硬開店
要多謝嘅說話都講咗好多
但有二個朋友真係要鄭重致謝
Royaltea.HK 皇茶香港 Around Wellington
感恩 過去幾個月嘅幫忙
仲有其他同行朋友
唔係度一一覆述了
感謝你哋
希望剩餘日子
盡力做好美食畀大家品嘗
有緣再會
除了荃灣店，大家亦可到天后分店。（圖片來源：Facebook@wowchickenleg）
較早前報導：和順記荃灣店 前財經記者創業：我哋賣邪惡唔係賣健康
和順記茶餐廳以出品邪惡見稱！當中荃灣路德圍店的老闆是前財經記者阿政。阿政已從事財經記者10年，2021年中因公司倒閉而失業。見盡大大小小創業故事的他一向喜歡烹飪，適逢這個事業上的大改變，勇敢決定創業！開了和順記後，阿政才發現：「原來烹飪同開餐廳完全係兩回事。」他憶述以前當記者已練成「鐵腳、馬眼、神仙肚」，但始終是打工，有下班時間。做了飲食業後，尤其自己是老闆，很多事都要親力親為。他說：「最想多謝係太太，因為仔仔啱啱出世冇耐，好多謝佢咁辛苦湊佢。」即使艱難，和順記也逐漸增加了知名度，皆因餐廳有清晰的賣點！「我哋賣邪惡唔係賣健康，我哋專做邪惡食物！」阿政毫不猶豫地笑說。邪惡出品包括神級炸雞髀、豬扒西多士、手打雞肉餅、吉列豬扒三文治等，全部大件夾抵食！
阿政失業後開了荃灣和順記，他的宗旨是：「我哋賣邪惡唔係賣健康，我哋專做邪惡食物！」（圖片來源：新假期編輯部）
店舖其中一款邪惡食物：吉列豬扒三文治，有芝士拉絲！（圖片來源：新假期編輯部）
阿政認為做飲食業比做記者更辛苦，最想多謝的是太太。（圖片來源：Facebook@和順記-荃灣雞脾王）
和順記神級炸雞髀＋豬扒西多士＋心型手打雞肉餅 新一代邪惡茶餐廳！
和順記最出名的無疑是神級炸雞髀，足足成塊面咁大！巨型雞髀以菠蘿、甘筍、西芹等6至7款蔬菜醃足6小時，果酸會讓雞肉變得更鮮甜。落鑊炸時要保持200度油溫，才能做出外脆內嫩的大雞髀！客人也可配上煎蛋飯一起吃，更滿足。
客人可配瑞士汁、黑椒汁、咖喱汁等。（圖片來源：新假期編輯部）
豬扒西多士只看賣相已知道是十分邪惡！用上兩片厚多士，中間夾芝士，連同大大塊豬扒沾滿蛋漿，用低溫炸5分鐘左右，呈金黃色即可撈起。隔油後再放上沙律菜，倒上蜜糖或煉奶，最後放上牛油。牛油立刻已被西多士的熱力溶化並被吸收，建議大家食完再減肥！
睇住牛油流落嚟好刺激！（圖片來源：新假期編輯部）
和順記另外也有手打雞肉餅、吉列豬扒三文治、濃厚蕃茄湯烏冬等食物，總有一款啱你口味！
濃厚番茄湯烏冬（圖片來源：Facebook@和順記-荃灣雞脾王）
芝士焗炸燒賣魚蛋飯（圖片來源：Facebook@和順記-荃灣雞脾王）
恆常派飯行動 老闆：量力而為
和順記荃灣店自第五波疫情起有舉辦派飯行動，希望能幫助更多長者和有需要人士。而派飯行動漸趨恆常，阿政說希望可以繼續幫，但也要量力而為。荃灣店
餐廳：和順記
地址：荃灣路德圍6號地下A1號舖
電話：2613 1164
營業時間：星期一至日11:30am-10pm
Facebook專頁：wowchickenleg
天后店：
餐廳：和順記
地址：天后電氣道39號地舖
電話：5729 1538
營業時間：星期一至日11:30am-9:30pm
The post 荃灣和順記結業！主打神級炸巨髀 老闆：我哋賣邪惡唔係賣健康 appeared first on 新假期.
飲食 – 新假期 Read More
