新假期全新欄目《搵食新煮意》，每日為你推介今日食乜好！除了提供不同菜式的食譜，讓你留在家中自煮，都可以輕鬆試盡各地佳餚滋味；更會為你推介近期值得一試的香港餐廳，在家煮以外亦有不少好選擇，留在香港都可以齊齊搵食！8月29日《搵食新煮意》：芝士忌廉煮大蝦＋黑松露朱古力餅。
8月29日搵食新煮意：芝士忌廉煮大蝦＋黑松露朱古力餅
1.芝士忌廉煮大蝦
簡單兩個步驟就做到芝士忌廉煮大蝦。
材料：
金寶湯10.5oz忌廉雞湯 1罐
大蝦(挑腸，切半) 8隻
片裝芝士 2片
鹽 少許
黑胡椒碎 少許
做法：
燒熱少許油，將大蝦煎至兩面金黃。
加入忌廉雞湯、水和片裝芝士煮滾便成。
8月29日搵食新煮意｜1. 芝士忌廉煮大蝦（圖片來源：金湯寶食譜研究所 網站）
（網站：金湯寶食譜研究所）
2.黑松露朱古力餅
示範一款零失敗派對小食，簡單又好味，而且可以叫小朋友一齊幫手，來個快樂的親子時光呢。暑假快樂！
朱古力餅底材料：
朱古力40%、64%、72% 各130克
糖水(砂糖+熱水) 180克+140克
砂糖 30克
冰鮮黑松露(解凍後吸乾水份、切碎) 30克
松露油 20克
雞蛋漿(全蛋) 380克
餅面朱古力漿材料：
朱古力 64% 130克
淡忌廉 240克
做法：
將所有餅底用朱古力放入容器，以熱水坐溶成朱古力漿。
混入糖水、黑松露碎及松露油，攪勻至表面呈光滑，備用。
將30克砂糖加入雞蛋漿內，發打至脹大約兩倍，加進朱古力漿，倒進餅模，放在焗盤上。
以120°C焗20分鐘，打開焗爐，注入適量水於焗盤底，調高溫度至140°C再焗40分鐘，取出放涼備用。
準備餅面朱古力漿。將朱古力放入容器以熱水坐溶，加入淡忌廉攪勻至光滑，淋在朱古力餅上，均勻抹平，放入雪櫃冷凍2小時定形，切件後即可上碟。
8月29日搵食新煮意｜2. 黑松露朱古力餅（圖片來源：Jacky Yu 授權）
The post 芝士忌廉煮大蝦＋黑松露朱古力餅｜搵食新煮意（新假期APP限定） appeared first on 新假期.
飲食 – 新假期 Read More