新假期全新欄目《搵食新煮意》，每日為你推介今日食乜好！除了提供不同菜式的食譜，讓你留在家中自煮，都可以輕鬆試盡各地佳餚滋味；更會為你推介近期值得一試的香港餐廳，在家煮以外亦有不少好選擇，留在香港都可以齊齊搵食！6月26日《搵食新煮意》：粟米肉粒飯＋爆汁蘑菇奄列＋芝麻糊。
6月26日搵食新煮意：粟米肉粒飯＋爆汁蘑菇奄列＋芝麻糊
1.粟米肉粒飯
平時飯盒就食得多粟米肉粒飯，大家在家試過落廚煮過未呢？今日就和大家分享食譜，而且是營養師介紹的做法！
材料（3人份）:
豬柳（切粒）200克
粟米蓉 1盒
水 半碗
雞蛋 1隻
油 2茶匙
白飯 3碗
豬肉醃料：
生抽 1茶匙
粟粉 1茶匙
水 2茶匙
胡椒粉 1/4茶匙
糖 1/2茶匙
做法：
將豬肉醃10分鐘，將豬肉炒至8成熟。
將一盒粟米蓉和半碗水拌勻，加入煮3分鐘。
加入一隻雞蛋，煮熟。可以加入水調至自己喜歡的稠度。
6月26日搵食新煮意｜1. 粟米肉粒飯（圖片來源：Nutri Life 註冊營養師授權）
2. 爆汁蘑菇奄列
一口滿足兩個願望，Juicy蛋汁配上自家濃厚蘑菇汁，令平凡奄列變得不平凡！
材料：
雞蛋 3隻
蘑菇 10粒
洋蔥 半個
鮮忌廉 2湯匙
百厘香碎 1茶匙
鹽 1茶匙
黑胡椒碎 1/2茶匙
牛油 10克
做法：
先把磨菇切片、洋蔥切粒、雞蛋發勻備用。
中火燒熱平底鑊，下牛油，再下洋蔥用中小火炒至金黃色。
下一半份量之蘑菇片炒至稍軟身備用。
把已炒香之洋蔥蘑菇放於攪拌器內，再下鮮忌廉、半茶匙百厘香碎、鹽、黑胡椒碎攪拌成微糊狀備用。
中火燒熱鑊，下油，再下剩餘之蘑菇片炒約2分鐘至香味出。
再下做法4之磨蘑醬汁與蘑菇片炒勻備用。
中火燒熱平底鑊，下油燒熱，轉中小火，再下蛋液平均地鋪清整個平底鑊，當蛋煎至7成熟時，把做法4之蘑菇餡料鋪於蛋皮一邊，再把另一邊蛋皮反向另一邊即成。
6月26日搵食新煮意｜2. 爆汁蘑菇奄列（圖片來源：Sita Leung授權）
3.芝麻糊
芝麻糊好吃之餘，又能美顏烏髮，是不可多得的健康糖水之一，在家自製，甜度可以自己話事，芝麻味更濃郁，而且簡易方便，需時不過15分鐘。 中醫認為黑芝麻性味甘、平，具有滋養肝腎、養血潤燥的 作用，又可烏髮育髮，改善頭髮健康。黑芝麻含豐富的鐵質和維他命 B、E，能滋潤皮膚、抗氧化、延緩衰老；當中含有的優質油脂能潤腸通便，腸道毒素少了，皮膚自然好，絕對是不可多得的美顏恩物！想頭髮靚啲、皮膚好啲，可根據五色飲食，多進食不同顏色的食物，例如黃色的番薯、南瓜，各式綠色蔬 菜，紅色的紅椒、番茄或牛肉，黑色的冬菇、木耳、黑芝麻等，要多吸收不同的營養素。
材料：
芝麻粉 45克
粘米粉 30克
冰糖 80克
水 2.5杯
做法：
白鑊炒香芝麻粉。
鍋中加入1.5杯水、芝麻粉及冰糖，以中火煮至冰糖溶解。
將1杯水和粘米粉拌勻，倒入鍋中。
邊煮邊攪拌，大約10分鐘，煮至濃稠即成。
6月26日搵食新煮意｜3. 芝麻糊（圖片來源：新假期資料庫）
The post 粟米肉粒飯＋爆汁蘑菇奄列＋芝麻糊｜搵食新煮意（新假期APP限定） appeared first on 新假期.
飲食 – 新假期 Read More
