[[{“value”:”
火鍋配料清單｜火鍋是寒流下必食！究竟打邊爐有什麼火鍋材食材最重要？今次推介你去九龍城、大埔等街市、Donki、專門店搵高質手切肥牛、手打魚蛋、爆汁肉丸和香脆魚皮等，款款都是城中名物。快啲bookmark呢啲地方，今個冬天打邊爐就可以試一試！
火鍋配料清單推介！即睇邊爐必食材料：肥牛/牛丸/有骨魚皮/手打魚蛋/生猛海鮮
火鍋配料推介｜1. 九龍城新興文記：手切肥牛軟綿抵食
位於火鍋配料重鎮九龍城的新興文記，每到天寒地凍日子便大排長龍，個個都心急如焚想買肥牛，只有老闆文銳輝忙到七彩，都仲笑笑口切牛肉。與新財肉食的老闆大哥雄一樣，他也是牛肉買手之一，雖然入貨量不多，但勝在毋須留貨給火鍋店，只做門市，故此各類型的部位都有得買，嘴刁的你不妨問下輝哥有咩好介紹。
輝哥服務態度又好，拿出肥牛任你揀，切至約3mm 厚，再細心地在發泡膠盒上鋪得靚靚，以膠袋、報紙的包裝來保持鮮度。肥牛的油花比例均稱，輕灼後會看到半透明的油脂，非常吸引。雖然軟綿的口感確實令人難忘，但就缺乏了些少牛肉味，但論價錢，確實十分抵食！
- 店名：新興（文記）肉食
- 地址：九龍城衙前塱道80號地下
- 電話：2718 1778/6822 0242（WhatsApp)
火鍋配料推介｜2. 九龍城李輝記牛欄：發哥及蔡瀾都是Fans
九龍城另一人氣手切肥牛熱賣點，每到冬天同樣人龍不絕，據聞發哥及蔡瀾都是 Fans，肥牛分幾種價錢，價錢以斤秤，愈貴雪花紋愈多，肉質夠嫩滑軟熟，咬落不會滿口韌筋肉渣。雖然價錢略貴但都大把人買，要早早去排隊，亦可早一日Whatsapp去留貨，即日的話就要碰運氣了。
- 店名：李輝記牛欄
- 地址：九龍城衙前圍道100號九龍城市政大廈2樓 M14舖
- 電話：2382 2973/ 6932 8240（whatsapp）
火鍋配料推介｜3. 大埔振興：爆汁牛骨牛丸＋有骨魚皮
食火鍋除了肉類和海鮮外，都要涮丸餃和索汁類配料！大埔這店最出名是肉丸，口味眾多，有牛骨濃味牛丸、川辣牛丸、豬肉丸和三星葱爆醬貢丸等，食前記得小心點，因為一咬爆汁！最受歡迎是牛骨濃汁牛丸，全用澳洲牛肉製造，加入牛骨湯、牛筋及牛脂肪，口感彈牙，牛肉濃味突出。鍾意食索湯汁配料的，記住要試魚皮，這裡的有骨魚皮，用門鱔起肉後連骨同炸，比街邊一般買的魚皮，賣相更金黃，口感也更鬆化，不妨一試！另有各款火鍋牛肉、餃子、丸類、湯底等配料。
推介牛骨濃汁牛丸，彈牙有嚼勁。（圖片來源：TaiPoChunHing）
火鍋配料推介｜4. 九龍城元合：雪白彈牙手打魚蛋＋炸魚皮
九龍城元合的手打魚蛋大粒到似乒乓球，倒入碗仲有回彈力，色澤白如雪、 有光澤，魚味頗甜。元合的魚蛋是用門鱔及九棍來製作魚漿，前者令魚蛋變得雪白靚仔，後者加強魚味。手打魚蛋極花時間及師傅功力，老闆每日凌晨就開始煮魚漿、擠魚蛋，以人手打漿，手的溫度會影響魚肉的質感，所以過程要加冰降溫，冬天做，凍到手都僵。接著再用手擠出魚蛋，每粒都是心血。
店子只有在做魚蛋的日子，才會炸魚皮，不是天天供應，想買最好先打電話問問。用上門鱔皮來炸，輕輕扭成麻花狀，令口感更加豐富。魚皮亦分有骨及無骨兩種，很多時炸起後，中午就已經賣光，想食記得早點到。
- 店名：元合
- 地址：九龍城衙前塱道72號地下
- 電話：2718 6863
火鍋配料推介｜5. 九龍城唯豐：手打魚蛋鮮甜紮實
唯豐潮洲食品可是九龍城的老字號店舖，紮根廿幾年，發哥、蔡瀾都是熟客。舖內自設工場，老闆每天去街市買材料，再回店內手打肉丸。故粒粒彈牙且不黏口，非常Juicy且吃到原材料味道。丸類選擇豐富，胡椒豬肚丸、薑汁皮蛋貢丸都是新興花款， 全是自家出品。
- 店名：唯豐
- 地址：九龍城衙前塱道38號地下
- 電話：6909 4468
火鍋配料推介｜6. 台灣華品貢丸：豬後腿肉製作
數到港人到台必吃的名產，必定有新竹貢丸的份兒。以Q彈爽口、肉汁豐富而聞名的老字號華品摃丸正式登陸香港。若想試最原始風味，必試原味貢丸，有大、中、小3個Size。首推手作大貢丸，用上豬後腿肉製作，人手製造出如網球般大的貢丸，大啖品嚐豬肉鮮甜。若想來點別的，有手切香菇及椒麻口味，前者入口鮮香爽口，後者加入秘製四川醬，刺激惹味。
- 店名：華品摃丸
- 銷售點：
叁拾士多地址：
西環堅尼地城吉席街46至60A號吉豐大廈K號地舖
各大大昌食品專門店
HKTVmall - 電話： 2153 2169 / 5222 7704
- 華品摃丸官網（按此）
火鍋配料推介｜7. 大埔街市陳芬記海鮮檔：全港海鮮大陣營
大埔街市，一向都是街市界的巨無霸，食材通通有齊，而且十分高質。當中海鮮更加是大陣，閒閒地數都有幾十間。來入貨，可以慢慢揀，格下價，啱心水先買，當中陳芬記海鮮，由大埔臨時街市（舊街市），再搬到新街巿至今，算是大埔老字號。店子售賣世界各地海鮮及急凍海產， 也有自家流浮山生蠔、蠔豉、金蠔。
- 店名：大埔陳芬記-海鮮
- 地址：大埔鄉事會街8號大埔綜合大樓地下F4,F5,F16
- 電話：2650 1169／9543 1863（WhatsApp）
- Facebook專頁：大埔陳芬記-海鮮
火鍋配料推介｜8. Donki激安殿堂：日本直送火鍋湯底
說到近年來的掃貨熱點，Donki激安殿堂必是數一數二。由尖沙咀、荃灣、銅鑼灣、中環、將軍澳、山頂等，勢力擴張程度相當迅速。店內主賣大量平價日本直送乾貨、美妝、零食等，一眾愛日港人一到必定掃到手軟！而Donki也有不少火鍋湯底及平價火鍋配料可買，如豆乳、醬油、雞肉湯底等，再配搭平價日本國產牛，冬天打邊爐至啱，平歎日本滋味。
- 店名：Donki
The post 火鍋配料清單！8大打邊爐材料/專門店推介：手切肥牛/魚蛋/魚皮/生猛海鮮 appeared first on 新假期.
“}]] 
飲食 – 新假期 Read More
