新假期全新欄目《搵食新煮意》，每日為你推介今日食乜好！除了提供不同菜式的食譜，讓你留在家中自煮，都可以輕鬆試盡各地佳餚滋味；更會為你推介近期值得一試的香港餐廳，在家煮以外亦有不少好選擇，留在香港都可以齊齊搵食！8月21日《搵食新煮意》：減油版星洲炒米＋紅菜頭湯。
8月21日搵食新煮意：減油版星洲炒米＋紅菜頭湯
1.減油版星洲炒米食譜
不少人覺得星洲炒米非常肥膩，尤其光顧茶餐廳時，更會避開叫炒粉麵。據營養師估算，茶餐廳一碟530克的星洲炒米有約733kcal，足足有16茶匙油！今次介紹這個自家製星洲炒米，每份約有508.5kcal，皆因可改用易潔鑊，而減省油的份量，令油份大減約7成。
材料：
油 4茶匙
洋葱 200克
蝦仁 150克
叉燒 240克
紅椒 150克
韭黃 150克
芽菜 200克
米粉 240克
水 3湯匙
調味料：鹽 1/4茶匙、咖喱粉 3湯匙、生抽 1湯匙
做法：
將洋葱去衣、紅椒去蒂去籽，洗淨後切條。
將韭黃切條。
將芽菜洗淨。
將蝦仁洗淨，並去殼、去腸。
用滾水先灼米粉2分鐘。
燒熱易潔鑊，下油，放洋葱炒香。
將材料推到鑊邊，加入蝦仁和叉燒，炒熟後倒入紅椒、韭黃和芽菜炒勻。
加入米粉炒至軟身，將水與調味料混合後倒入鑊中炒勻，盛起。
8月21日搵食新煮意｜1. 減油版星洲炒米（圖片來源：註冊營養師Gloria何慧潔中醫師授權）
2.紅菜頭湯
紅菜頭湯顏色鮮紅，飲落清甜。
材料：
紅菜頭
紅菜頭葉
腰果適量
鹽 適量
做法：
若果購買有機紅菜頭，一般連葉購買。煮的過程先切開紅菜頭葉，清洗後備用。紅菜頭根部清洗至沒有泥沙。
紅菜切片，可選擇連皮或去皮煮食。
水滾後加入腰果、紅菜頭及紅菜頭葉，腰果能增加蛋白質。
滾15-20分鐘後落鹽作調味。
若果想煮西式湯，可加入芡水煮至濃稠，即可以享用。
8月21日搵食新煮意｜2. 紅菜頭湯（圖片來源：新假期資料庫）
The post 減油版星洲炒米＋紅菜頭湯｜搵食新煮意（新假期APP限定） appeared first on 新假期.
飲食 – 新假期 Read More