今期7仔有多款冰凍甜點，包括7仔獨家發售的天仁茗茶913茶王雪糕、懷舊系列雀巢牛奶樂、鳳仙；仲有優先發售日本Häagen-Dazs冰凍甜點三文治-黃豆奶油蛋糕及森永MOW蜜瓜/特濃朱古力雪糕，9款選擇花多眼亂啊！
消暑！7仔最新9款雪糕雪條
雪糕關注組成員驚呼：搵極都未見牛奶樂同鳳仙！
（圖片來源：Facebook@weekendweekly）
1.天仁茗茶913茶王/桂花金萱烏龍/香芋奶綠雪糕 ($58/2件)
7-Eleven獨家發售天仁茗茶雪糕系列，一共3款口味全新登場，每款雪糕有醇厚茶香之餘，融入北海道濃厚牛乳。913茶王雪糕以上等烏龍茶及頂級粉光參製造，香醇回甘；桂花金萱烏龍雪糕融合桂花及金萱花香氣，清新怡人；香芋奶綠雪糕內有芋頭粒粒，茶香濃郁帶咬口！
（圖片來源：Facebook@weekendweekly）
2.雀巢牛奶樂/古古叻牛奶樂 ($17/2件)
充滿兒時回憶的雀巢牛奶樂驚喜回歸，分別有原味和經典朱古力口味，奶味香濃的香滑奶條。消息一出已引來雪糕關注組成員四處尋找，唔係間間7仔都有供應，大家都好心急！希望大家報料睇下邊區有得買！
3. 鳳仙($12/件)
雀巢鳳仙亦都一同回歸，用上香甜香蕉味脆皮外層包裹著香滑雲呢拿味雪糕，並以芒果醬作夾心，酸甜清新！
（圖片來源：Facebook@weekendweekly）
4.日本Häagen-Dazs冰凍甜點三文治-黃豆奶油蛋糕($39/件)
7-Eleven優先發售，雪糕靈感源自奶油蛋糕，雪糕中混拌黃豆奶油軟心醬，外層再裹上香甜黃豆奶油脆皮，雪糕面層更夾上威化，層層交疊，豆香超濃厚！
5. 森永MOW蜜瓜/特濃朱古力雪糕 ($22/件)
日本直送的還有林永MOW兩款雪糕，森永MOW蜜瓜雪糕用上日本的水果之王Muskmelon，內含13%蜜瓜汁，適合愛濃郁果香的朋友；特濃朱古力雪糕，100%採用厄瓜多爾世界級精品可可塊製成，可可味十分醇厚！
（圖片來源：Facebook@weekendweekly）
天仁茗茶913茶王/桂花金萱烏龍/香芋奶綠雪糕 ($58/2件)
日本Häagen-Dazs冰凍甜點三文治-黃豆奶油蛋糕($39/件)
雀巢牛奶樂/古古叻牛奶樂 ($17/2件)、鳳仙($12/件)
森永MOW蜜瓜/特濃朱古力雪糕 ($22/件)
以上價錢有效期由7月19日至8月1日
The post 消暑！7仔最新9款雪糕雪條雪糕關注組成員驚呼：搵極都未見牛奶樂同鳳仙！ appeared first on 新假期.
飲食 – 新假期 Read More