新假期全新欄目《搵食新煮意》，每日為你推介今日食乜好！除了提供不同菜式的食譜，讓你留在家中自煮，都可以輕鬆試盡各地佳餚滋味；更會為你推介近期值得一試的香港餐廳，在家煮以外亦有不少好選擇，留在香港都可以齊齊搵食！11月24日《搵食新煮意》：泰好味福食燒雞＋微波爐焦糖雞蛋布甸。
11月24日搵食新煮意：泰好味福食燒雞＋微波爐焦糖雞蛋布甸
1.泰好味福食燒雞
今次這道燒雞，誠意推介大家在家試做！
材料：
雞1隻（約21/2斤）
醃料：
蠔油 11/2湯匙
麻油 2茶匙
美極鮮醬油 2茶匙
五香粉 1/2茶匙
泰國椰糖 2茶匙
雞粉 1茶匙
黑胡椒 11/2茶匙（舂碎）
泰國蒜頭（連皮） 5-8粒（舂爛）
芫荽頭 3棵（舂爛）
燒雞汁材料：
泰式辣椒碎 約2茶匙
泰國椰糖 2茶匙
魚露 11/2湯匙
青檸汁 1湯匙
酸子醬 2茶匙
炒米碎 1茶匙
芫荽少許
葱少許
薄荷葉少許
乾葱頭 少許
泰式炒米碎材料：
糯米 60克
檸檬葉 3-4片（搣去葉中間硬條）
香茅頭 1枝
南薑 10克
做法：
將雞洗淨開邊，用廚紙吸乾水分，將所有醃料拌勻，搽滿雞身內外，用保鮮紙封好放雪櫃醃一晚。
先準備炒米碎。將檸檬葉、香茅頭及南薑切碎，與糯米混合，用白鑊以小火烘至啡色焦燶及散出香氣，盛起涼卻後舂碎即成。
將燒雞汁材料拌勻，備用。
預熱焗爐至185℃，將雞放入（皮向上）燒約45分鐘，至金黃香脆及熟透，取出斬件或手撕，伴燒雞汁吃。
11月24日搵食新煮意｜1. 泰好味福食燒雞（圖片來源：JACKY YU 授權）
2.微波爐焦糖雞蛋布甸
震騰騰的焦糖雞蛋布甸 ，絕對是下午茶、深宵的最佳comfort food。坊間食譜教你用鍋煮焦糖，又要半蒸焗，聽落都覺得複雜！今次教你1個終極懶人食譜，5種材料、微波爐、少於20分鐘，同樣做到滑嘟嘟的「動L 」焦糖雞蛋布甸 ！即學！
焦糖汁材料：
砂糖 1湯匙
水 1茶匙
雞蛋布甸材料：
砂糖 2湯匙
雞蛋 1隻
牛奶 120毫升
雲呢拿香油 2-3滴
做法：
先將1湯匙砂糖及水於焗模中輕輕拌勻。
放入微波爐以高火加熱1分30秒成焦糖備用。
準備1個大碗，把雞蛋、2湯匙砂糖拌勻。
加入牛奶及雲呢拿香油，慢慢攪拌至沒有氣泡。
雞蛋布甸漿倒入放有焦糖的焗模，同時用粉篩將蛋液渣隔走。
於微波爐以低火叮5 – 7分鐘後，蓋上保鮮紙靜置10分鐘。
最後蓋上碟子，將焗模一併反轉倒出布甸即成。
11月24日搵食新煮意｜2. 微波爐焦糖雞蛋布甸（圖片來源：新假期資料庫）
The post 泰好味福食燒雞＋微波爐焦糖雞蛋布甸｜搵食新煮意（新假期APP限定） appeared first on 新假期.
飲食 – 新假期 Read More
