新假期全新欄目《搵食新煮意》，每日為你推介今日食乜好！除了提供不同菜式的食譜，讓你留在家中自煮，都可以輕鬆試盡各地佳餚滋味；更會為你推介近期值得一試的香港餐廳，在家煮以外亦有不少好選擇，留在香港都可以齊齊搵食！10月6日《搵食新煮意》：沙田雞粥＋椰青蛋白蒸蟹。
10月6日搵食新煮意：沙田雞粥＋椰青蛋白蒸蟹
1.沙田雞粥
天時轉涼想吃沙田雞粥，也可安在家中自製，材料、做法十分簡單，只需記住幾個小貼士，包括以油浸珍珠米、不時搞拌粥底，炮製出綿滑白粥話咁易。雞肉方面建議選用嫩滑的雞髀，在超巿買$15就有一隻，記得要和粥底分開炮製，雞髀蒸至8、9成熟，蒸完的雞汁精華就用來煲粥，吃時才把雞髀斬件，淋上滾燙白粥，避免過熟的問題，肉質自然份外滑溜！
材料：
珍珠米 1米杯
雞髀 2隻
鹽 1/3茶匙
油 1茶匙
薑絲適量
葱花 適量
做法：
珍珠米洗淨，加適量鹽及油拌勻，加少許水浸1至2小時。
以鹽醃雞髀，將鹽在雞髀上抹均。
煲滾水後，放入雞髀蒸至8至9成熟，約10分鐘。
保留雞水，如怕肥可先去掉面層的雞油。
煲內加6碗水及雞水，煲至大滾後，加入珍珠米連水，以大火滾5至10分鐘後轉中細火，不時搞拌。
煮至牛奶狀後，要常搞拌以免黐底，若粥底變得稠身，要適時加水，煮約25至30分鐘至綿滑即成。
雞髀切件，將熱粥淋在雞件上，撒上葱花及薑絲即成。
10月6日搵食新煮意｜1. 沙田雞粥（圖片來源：新假期資料庫）
2.椰青蛋白蒸蟹
今次介紹的「椰青蛋白蒸蟹」，用的是本地較常見的青蟹，配上清甜的椰青及嫩滑的蛋白，吸收著蟹的精華，大家務必一試喲！吃得開心。
材料：
肉蟹及膏蟹 各1隻（共約2 1/2斤）
椰青水 400克
椰青肉 適量
蛋白 280克（約8隻）
葱花 適量
調味料：
鹽 5克
砂糖 5克
做法：
蟹劏好、洗淨、斬件，瀝乾水份，以大火蒸約6-8分鐘至半熟，蟹水倒出放涼備用。
將椰青水、蛋白、蟹水及調味料打勻，倒入蒸碟，放上蟹件，蓋上保鮮紙，水滾後以大火蒸約8分鐘。
開鑊蓋放進椰青肉，再蓋上保鮮紙，大火蒸多2-3分鐘，至蛋白凝固及蟹熟透，取出，灑上葱花即可享用。
10月6日搵食新煮意｜2. 椰青蛋白蒸蟹（圖片來源：Jacky Yu授權）
The post 沙田雞粥＋椰青蛋白蒸蟹｜搵食新煮意（新假期APP限定） appeared first on 新假期.
飲食 – 新假期 Read More