新假期全新欄目《搵食新煮意》，每日為你推介今日食乜好！除了提供不同菜式的食譜，讓你留在家中自煮，都可以輕鬆試盡各地佳餚滋味；更會為你推介近期值得一試的香港餐廳，在家煮以外亦有不少好選擇，留在香港都可以齊齊搵食！10月28日《搵食新煮意》：梅菜蒸肉餅＋有機黑蒜豆豉雞。
10月28日搵食新煮意：梅菜蒸肉餅＋有機黑蒜豆豉雞
1.梅菜蒸肉餅
相信不少家庭都會煮「蒸肉餅」這個菜式，但要做一份出色的肉餅並不是想像中的容易，要入口鬆軟多汁才叫合格。有了這份「梅菜蒸肉餅」，可以吃兩碗飯！
材料：
梅菜 1棵
免治豬肉 300g
鹽 半茶匙
糖 1茶匙
芝麻油 1茶匙
糖 半茶匙
胡椒粉 少許
水 少許
做法：
梅菜用水洗淨，用手楂乾水份，然後切碎備用。
豬肉先用少許水拌勻，再加入其他調味料，攪至少許起膠。
再混合梅菜，以大火蒸約15分鐘即可。
10月28日搵食新煮意｜1. 梅菜蒸肉餅（圖片來源：OL醉愛廚房 授權）
2.有機黑蒜豆豉雞
蒜香豆豉爆雞是很傳統的家常菜，今次大廚加入近年被熱捧的有機養生黑蒜。黑蒜性溫，能暖胃消滯，食起來又帶甜甜的味道，正好互補普通蒜頭的霸道辛香。加上可以直接買現成回來入饌，非常方便。今次加入豆豉、洋葱爆炒，更加惹味。大廚還透露，想雞肉鮮嫩好食，拉油時要留意油溫，用筷子試一下，見到小泡泡就差不多了。即睇還要什麼材料，一齊試試。
材料（2人份）：
雞肉（洗淨，抹乾，去骨切小件） 250克
紫洋葱（切粗條） 60克
蒜 （切片） 20克
乾葱（切片） 20克
辣椒乾（去籽切粒） 2隻
芫茜 （切段） 1棵
有機黑蒜 （切粒） 4辮
豆豉 20克
鹽 5克
糖 5克
生粉水 30克
油 40克
蠔油 15克
生抽 15克
老抽 3克
料酒 10克
清湯（亦可用清水代替） 50克
生粉 少許
做法：
將雞件用鹽、糖、生粉水、油醃30分鐘。
燒熱鑊，下油，落雞肉，約炸2分鐘，待雞肉全熟後撈起備用。
再燒熱鑊，下油，將豆豉、蒜片、乾葱片、辣椒乾、有機黑蒜及紫洋葱爆香。傳出香氣後，將雞肉回鑊，灒酒，加清湯快炒。
加蠔油、生抽、老抽及炒許生粉繼續翻炒。熄火，加入芫茜即可上碟。
10月28日搵食新煮意｜2. 有機黑蒜豆豉雞（圖片來源：新假期資料庫）
The post 梅菜蒸肉餅＋有機黑蒜豆豉雞｜搵食新煮意（新假期APP限定） appeared first on 新假期.
飲食 – 新假期 Read More
