新假期全新欄目《搵食新煮意》，每日為你推介今日食乜好！除了提供不同菜式的食譜，讓你留在家中自煮，都可以輕鬆試盡各地佳餚滋味；更會為你推介近期值得一試的香港餐廳，在家煮以外亦有不少好選擇，留在香港都可以齊齊搵食！11月8日《搵食新煮意》：栗子雞飯＋淮山太子蔘健肺湯。
11月8日搵食新煮意：栗子雞飯＋淮山太子蔘健肺湯
1.栗子雞飯
雞飯多數襯冬菇和臘腸，不過加栗子味道會更豐富香甜。
材料：
雞（ 切成一口大小） 半隻
熟栗子 150克
白米（已洗） 2杯
油 1湯匙
葱頭（切四份） 2粒
薑（切片） 2片
雞湯 200毫升
水 100毫升
葱（切段） 2條
雞醃料：
米酒 2茶匙
調味雞汁 1/2茶匙
老抽 1茶匙
糖 1/2茶匙
白胡椒 適量
粟粉 1/2茶匙
麻油 1茶匙
做法：
雞混合醃料，加栗子， 醃30分鐘，待用。
平底煲燒滾油，爆香葱頭、薑，下白米拌勻，加雞湯及水，冚蓋焗至收水，約5分鐘。
將雞及栗子放於飯面。
冚蓋焗10分鐘，開蓋將葱放面，再冚蓋上枱。
11月8日搵食新煮意｜1. 栗子雞飯（圖片來源：May Fung 授權）
2.淮山太子蔘健肺湯
太子蔘益氣健脾、生津潤肺，用於脾虛體倦，氣陰不足，自汗口渴，肺燥咳嗽。此湯水健脾潤肺，可增強正氣，每星期可飲用1-2次，留意感冒未清忌用。
材料：
淮山 30克
太子蔘 30克
百合 20克
蓮子 40克
無花果 3-5個
瘦肉 300克
清水 12碗（約3公升）
做法：
瘦肉汆水，其他材料洗淨浸泡1小時，備用。
放以上材料於鍋內， 加入清水12碗（約3公 升），先以大火煮滾。
轉小火煲2小時，加鹽調味後即可飲用。
11月8日搵食新煮意｜2. 淮山太子蔘健肺湯（圖片來源：新假期資料庫）
The post 栗子雞飯＋淮山太子蔘健肺湯｜搵食新煮意（新假期APP限定） appeared first on 新假期.
飲食 – 新假期 Read More
