[[{“value”:”
旺角廣華街新開一間新派港式茶餐廳「港嘢家」，早午主打茶記美食、焗飯，晚市主打熱辣辣煲仔飯、瓦煲湯鍋、大排檔小炒，每逢晚市都大排長龍，個個衝着瓦煲煲仔飯而來，每煲份量豐富，臘味有油香，底層有脆卜卜金黃飯焦，冬天食真是暖笠笠之選。
旺角新開新派港式茶餐廳「港嘢家」招牌煲仔飯爆紅！
新派港式茶餐廳「港嘢家」開業3個月已人氣十足，個個為了招牌煲仔飯而來，煲仔飯提供5款選擇，分別有招牌煲仔飯、手切鮮牛肉、粒粒香臘味、雞油花膠菇滑雞、豉汁龍蟠鱔。其中粒粒香臘味最受歡迎，採用西環老字號和珍臘味，再人手生切粒，保留臘腸和臘肉的油香；選用泰國絲苗米再特別用雞湯浸足4個鐘，再將蝦米、蝦籽、瑤柱、金華火腿磨成粉連同臘味一起煲煮，令味道更鮮香。原個瓦煲奉客再淋上特調豉油稍焗，臘味鹹香帶酒味，飯焦金黃脆卜卜，超佐飯！
鮮味之選！足料瓦煲湯鍋
除了煲仔飯，晚市仲有供應瓦煲湯鍋，採用真材實料的新鮮食材和藥材，經過十幾個小時精心熬煮，最後調味而成。並以雞、鴨、牛、豬、魚五種湯，搭配港式全蛋麵、河粉、瀨粉，當中包括蝦油海鮮濃蝦湯伊麵、胡椒豬肚花膠雞米線、火鴨特製濃湯米線、手切牛肉禾牛丸手拉麵和芫茜活鱔片魚湯米線等，色香味俱全。
「金芝豬」焗飯系列：大推金莎奶黃芝士焗黑毛豬排飯
餐廳另一款主打還有「金芝豬」焗飯系列，3款焗飯各有特色，分別是金莎奶黃芝士焗黑毛豬排飯，最頂層的金黃色芝士焗到微焦脆香，融入濃郁奶黃，搭配鮮嫩黑毛豬排，芝味十足；鮮茄芝士焗厚切黑毛豬排飯，鮮茄酸甜配合芝士香濃，配以厚切黑毛豬排，經典味道；港「椰」咖喱焗牛脷扒飯，椰香咖喱的層次濃郁，牛脷扒鮮嫩彈牙，好惹味。
The post 旺角新開人氣茶記港嘢家｜5款招牌煲仔飯！手切臘味＋金黃脆卜卜飯焦 appeared first on 新假期.
“}]] 飲食 – 新假期 Read More
