新餐廳2023推介｜新一年有不少新餐廳開業，火鍋店、日光Cafe、特色小店、多國菜、茶飲店等通通都有，想一日三餐試勻都無難度，大家千祈不要錯過啊！
新餐廳2023推介
1月新餐廳
2月新餐廳
3月新餐廳
4月新餐廳
5月新餐廳
6月新餐廳
6月新餐廳
新餐廳2023推介｜6月｜1.灣仔 食鮮辣滷車仔麵
呢間車仔麵店主打古法滷水湯底，使用12款材料，足足用100磅熬製而成，濃郁嘅湯底仲會用來熬製多款小食，例如牛展、豬手等，款款入味！記得試埋店內招牌配料，爆汁牛根丸、臭到飛起臭豆腐等。車仔麵既靈魂又點少得辣醬呢？佢哋自家製招牌辣醬享譽十幾年、每日用新鮮食材製作、辣的來會係喉嚨回辣出來、堪稱一絕、而且不含防腐劑、食得安心辣得開心！
最近餐廳於灣仔開設第三新店，並推出車仔麵套餐，價錢$98即可享用五餸麵、燒烤2串及飲品，所有串燒都是即叫即燒，必食一口牛、西班牙黑毛豬腩、汁燒豆卜等。晚市更有多款高質燒烤選擇，鹽燒馬友、蒜蓉燒澳洲大虎蝦、孜然燒臭豆腐更加係不可錯過！
新張優惠點止咁少，凡到店內吃一碗麵，即送50罐可樂或汽水，50罐可分開多次使用，優惠每人只限一次*。學生們任何時段食嘢都送汽水，咁著數，記得來試啦！
新餐廳2023推介｜6月｜1.灣仔 食鮮辣滷車仔麵（圖片來源：新假期編輯部）
食鮮辣滷車仔麵（灣仔店）
地址：灣仔石水渠街64號富樂樓地下
電話：6360 8486
食鮮辣滷車仔麵（上環店）
地址：上環皇后大道西28號地舖
電話：2399 0288
食鮮
地址：筲箕灣筲箕灣東大街28-40A號東興大廈地下15號舖
電話：3462 2066
新餐廳2023推介｜6月｜2. 旺角 喜聚火鍋雞煲專門店
食雞煲、打邊爐一直係香港人最愛，旺角新開有間性價比超高嘅雞煲放題，最平$158起任食2小時，雞煲任添、超過60款配料任食，啤酒如喜力、獅威、嘉士伯都係任飲，堅抵！主角雞煲醬汁好惹味，雞肉夠大件，肉質有彈性；其他熟食如串燒、小食、甜品等，種類超豐富！依家做優惠，每位包送極上牛拼盤、5品刺身、海鮮盤，晚上9點後仲要無限時。
喜聚近日更推出全新優惠：惠顧1至3號餐，九點後無限時，四人同行更可享一人免費，人均低至$119起。（營業時間至凌晨一點）
想再食好啲，亦有$298美國安格斯牛小排放題，無限時一次過食盡多款極上牛、刺身、海鮮、任飲Asahi及1664生啤，真正任食任飲、任坐唔嬲，回本冇難度！
新餐廳2023推介｜6月｜2. 旺角 喜聚火鍋雞煲專門店（圖片來源：新餐廳2023推介｜6月｜2. 旺角 喜聚火鍋雞煲專門店）
喜聚火鍋雞煲專門店
地址：旺角豉油街126號明威閣地下
電話：2311 1108
營業時間：5:30pm – 12mn
訂座連結：https://inline.app/booking/Hotpot/Mk
新餐廳2023推介｜6月｜3.銅鑼灣 Aqua S
澳洲軟雪糕品牌Aqua S進駐銅鑼灣開設首家分店，主打手工軟雪糕。為確保雪糕品質，分店全線使用義大利頂級雪糕機，歐洲奶源以及義大利訂製雪糕粉作為原材料。除了常駐嘅皇牌海鹽味，品牌亦會喺每個月1號和16號更換及推出2款限定口味。
##one##https://www.weekendhk.com/dining/aquas-%e9%9b%aa%e7%b3%95-%e9%8a%85%e9%91%bc%e7%81%a3-%e6%a3%89%e8%8a%b1%e7%b3%96%e9%9b%b2-ww11-1531384/!@!Aqua S詳情##one##
新餐廳2023推介｜6月｜3.銅鑼灣 Aqua S（圖片來源：新假期編輯部）
Aqua S
地址：銅鑼灣堅拿道東1號（登龍街）
新餐廳2023推介｜6月｜4. 樂富 岡山一番店
日本過江龍登港！Dantotsu岡山一番店嘅一號店位於日本岡山縣岡山市，已有15年的歷史。店內主打香港少有嘅二朗系拉麵，以份量極大為特色，特別使用太麵（粗麵）和放上大量的蔬菜及芽菜。價格親民，最平$59就可以食到。
##one##https://www.weekendhk.com/dining/%e5%b2%a1%e5%b1%b1%e4%b8%80%e7%95%aa%e5%ba%97-%e6%97%a5%e6%9c%ac-%e9%81%8e%e6%b1%9f%e9%be%8d-%e6%8b%89%e9%ba%b5-%e4%ba%8c%e9%83%8e%e7%b3%bb-ww11-1542483/!@!岡山一番店詳情##one##
新餐廳2023推介｜6月｜4. 樂富 岡山一番店（圖片來源：新假期編輯部）
岡山一番店Dantotsu拉麵
地址：樂富聯合道198號樂富廣場A區地下L224-L225號舖
新餐廳2023推介｜6月｜5.屯門 KOMEDA’S Coffee
KOMEDAコメダ珈琲店1968年喺日本名古屋發跡，至今已有50多年歷史，去年香港AEON與日本KOMEDA訂立區域特許經營協協議，於黃埔開設第一間分店。近日屯門分店終於開業，店舖面積約3000呎，快啲去食啦！
##one##https://www.weekendhk.com/dining/komedas-coffee-%e9%a6%99%e6%b8%af-%e5%b1%af%e9%96%80-%e6%97%a5%e6%9c%ac-%e5%90%8d%e5%8f%a4%e5%b1%8b-ww02-1485404/!@!KOMEDA’S Coffee詳情##one##
新餐廳2023推介｜6月｜5.屯門 KOMEDA’S Coffee（圖片來源：新假期編輯部）
KOMEDA’S Coffee（屯門分店）
地址：新界屯門屯順街1號屯門市廣場1期AEON
新餐廳2023推介｜6月｜6.沙田 料杯杯
「料杯杯」台灣過江龍登港！料杯杯已進駐沙田新城市廣場，成為香港首間分店！招牌「彩小芋紫芋冰沙」有滿滿嘅芋泥，結合彩色芋圓和滑嫩仙草凍，每一啖都可以飲到不同配料。
##one##https://www.weekendhk.com/dining/%e6%96%99%e6%9d%af%e6%9d%af-%e5%8f%b0%e7%81%a3-%e9%81%8e%e6%b1%9f%e9%be%8d-%e8%8a%8b%e5%9c%93-ww11-1530439/!@!料杯杯詳情##one##
新餐廳2023推介｜6月｜6.沙田 料杯杯（圖片來源：新假期編輯部）
料杯杯
地址：沙田新城市廣場一期1樓156號舖
新餐廳2023推介｜6月｜7.尖沙咀 豚勝
近期越來越多日本餐廳登陸香港，呢間以招牌吉列厚切豚肉成功俘虜日本人嘅「豚勝Tsukanto」亦進駐香港，並由米芝蓮星級大廚創立。將炸豬排重新演釋，選用味道濃郁見稱嘅進口日本熊本Rindo豚肉製作，務求客人可以食到豚肉嘅肉汁和豐厚口感。
##one##https://www.weekendhk.com/dining/%e8%b1%9a%e5%8b%9d-tsukanto-%e9%81%8e%e6%b1%9f%e9%be%8d-%e6%97%a5%e6%9c%ac-%e5%9c%93%e6%96%b9-ww03-1533391/!@!豚勝詳情##one##
新餐廳2023推介｜6月｜7.尖沙咀 豚勝（圖片來源：新假期編輯部）
豚勝Tsukanto
地址：九龍尖沙咀柯士甸道西1號圓方火區1樓1002號舖
新餐廳2023推介｜6月｜8.銅鑼灣 Sick Burger
Sick!Burger原本係位於馬鞍山嘅一間漢堡包店，近日喺銅鑼灣開分店。新店必試「沙嗲牛肉芫荽炒滑蛋漢堡」，極具港式風味嘅沙嗲醬，配上芫荽炒滑蛋，超好食！兩款全新港式風味奶昔，唔好錯過！
新餐廳2023推介｜6月｜8.銅鑼灣 Sick Burger（圖片來源：新假期編輯部）
Sick Burger
地址：銅羅灣希雲街31號
新餐廳2023推介｜6月｜9.尖沙咀 Ohayo by Ocio
海港城全新海景Cafe，一入舖頭就感受到濃濃嘅日本feel，木系設計更加好適合打卡。店內主要提供輕食、甜品及咖啡茶飲，必試多款Signature甜品系列：招牌窩夫、雪山熱香餅、心太軟及Tiramisu。All Day Breakfast、意粉、漢堡、沙律等都一應俱全，仲可以打卡添！
新餐廳2023推介｜6月｜9.尖沙咀 Ohayo by Ocio（圖片來源：新假期編輯部）
Ohayo by Ocio
地址：尖沙咀海港城海運大廈地下Shop OTG19
回到目錄
–
5月新餐廳
新餐廳2023推介｜5月｜1.尖沙咀 辰Tatsu
尖沙咀呢間全新開幕嘅Omakase，CP值超高，午市只需$388即可食到15道菜。飛完日本、但仍然好掛住日本的話，一於在香港食餐有水準的日本菜啦！餐廳採用日本直送飛機貨，師傅更有近20年日本菜經驗，性價比超高。甫入餐廳，清幽木系設計令食客感覺到好chill，佈置充滿日式風情！午市Omakase提供兩個價位，最平$388食到15道菜，有刺身、9件壽司，還有前菜、手卷及甜品；$588午市套餐就更加豐富，刺身新鮮，推介一定要試愛媛縣的蜜柑鯛，以及2款時令刺身。壽司6品必食熟成大拖羅，經熟成處理魚味濃郁，鮮甜味更突出！
晚市方面，$988套餐用上矜貴食材，龍蝦刺身爽口鮮甜，還有每日空運的時令刺身，鮮味十足。另外牛魔王一定鍾意嘅A4和牛丼，牛味濃郁、超有水準。餐廳燒物一樣出色，食材夠刁鑽，必試超罕有燒吞拿魚下巴，由豐州直送，入口油脂甘香，香嫩滑溜！餐廳更有清酒Freeflow，提供$188 3款及$288 5款，多款清酒任你飲，最啱配搭燒物及刺身！餐廳亦有自家製梅酒，入口酸甜香醇，依家加多$100就可以任飲梅酒及獺祭清酒，爽！
新餐廳2023推介｜5月｜最平$388食到15道菜，有刺身、9件壽司，還有前菜、手卷及甜品（圖片來源：新假期編輯部）
餐廳：辰Tatsu
地址：尖沙咀海防道中達大廈13樓
電話：待定
新餐廳2023推介｜5月｜2.旺角 The Yell-Owl Cafe
早餐有得食龍蝦？由九龍城起家嘅The Yell-Owl，全日早餐配料多達20款選擇，包括龍蝦、蟹腳等海鮮、肉類、蔬菜、蛋及麵包等，還可以自選配料，十分彈性！餐廳最近殺入旺角開分店，並推出新張優惠，只需$199便可以享用4道菜2人套餐！包括前菜、餐湯、番茄醬紅蝦藍青口意粉、安格斯牛板腱，隨餐還會附送2杯飲品，非常抵食！即刻Book位，同朋友愛人一齊嚟試啦！
新餐廳2023推介｜5月｜必食超豐富All Day Breakfast！（圖片來源：新假期編輯部）
The Yell-Owl
地址：旺角通菜街29號地下
電話：2886 0882
The Yell-Owl Seafood And Grill
地址：九龍城福佬村道5-9號地下C號舖
電話：2336 6835
The Yell-Owl Seafood And Grill
地址：元朗泰利街1-29號大興大廈地下6-7號舖
電話：3795 5005
新餐廳2023推介｜5月｜3.元朗 御膳房
入錦田除了影相打卡外，原來還有新開高質私房菜。餐廳位於百年古屋，環境古色古香，菜式由廣東菜老師傅精心炮製，佛跳牆由原條野生那曲蟲草入饌，夠滋補，入口即化陳皮生啫龍躉背翅、外脆內嫩金蠔百花多士配魚子醬等極具水準，中式廚師發辦，菜式獨到又夠刁鑽，家中長老肯定滿意。餐廳不設walk-in，只接受預訂，記得留時間訂檯啊！
新餐廳2023推介｜5月｜私房菜最少6位起：品味$780/位；臻味$880/位；御膳$1,280/位。（圖片來源：新假期編輯部）
餐廳：御膳房
地址：元朗八鄉錦田永隆園瀚業花園地下37&38後舖（郵政局旁入）
訂座：6776 5185（WhatsApp）
新餐廳2023推介｜5月｜4.尖沙咀 厚福公館
位於厚福街的這間餐廳主打多國菜，可以食齊中西日泰四國美食，一次過滿足晒4個要求！晚市$298食到5道菜之餘，更可自由配搭四國菜式！餐廳嘅廚師有多年酒店經驗，所以菜式均好精緻，約$200就食到Fine Dining的質素！推薦泰國特色蝦HA雪茄，造型好特別，食落帶有啖啖蝦肉添。水晶蟹亦是餐廳主打菜式，蟹膏綿滑甘香，配蛋白和烏冬，可以吸盡水晶蟹的精華！還有多款特飲和Cocktail，適合一大班朋友聚餐！除了晚市，午市還有9款四國套餐，食足一星期都不會重複。
新餐廳2023推介｜5月｜餐廳主打多國菜，約$200就食到Fine Dining的質素，CP值好高！（圖片來源：新假期編輯部）
餐廳：厚福公館
地址：尖沙咀厚福街8號H8地舖
電話：6286 3332
Facebook：haufook
新餐廳2023推介｜5月｜5.銅鑼灣 Nafafa Thai Cuisine & Lounge
全新泰國菜餐廳Nafafa Thai Cuisine & Lounge進駐銅鑼灣Cubus，由星級泰國廚師組成，用上正宗的烹飪技術及食材、再配搭各種唔同配料，重新演繹出泰國傳統菜式。品牌更直接於泰國入口高質新鮮食材及香料，將泰國原味道完美呈現。餐廳亦設有酒吧，一系列以泰國為設計概念的Signature cocktail，以花為主題，配料沿用泰國當地食材，例如金不換、熱情果、泰國芒果等，視覺味覺兼備。
新餐廳2023推介｜5月｜泰國入口高質食材和香料。（圖片來源：新假期編輯部）
餐廳：Nafafa Thai Cuisine & Lounge
地址：銅鑼灣開平道1號Cubus 10/F
Facebook：Nafafa Thai Cuisine & Lounge
新餐廳2023推介｜5月｜6.天后 虎嘯日式蒸氣專門店
天后虎嘯日式蒸氣專門店，嚴選優質時令食材配搭日系菜式，店內自設魚缸養殖多款時令海產如龍蝦、鮑魚、活蝦等，保證食材新鮮。店員會幫手蒸海鮮，準確控制時間，確保生熟度適中。老闆阿俊更找到海鮮批發的朋友幫忙，從各地搜羅CP值激高的優質海鮮，更會每日去香港仔漁市場買時令海鮮。新店重點推介$588/位「海鮮蒸氣刺身套餐」，以及期間限定的「長腳蟹海鮮蒸氣套餐」。由即日起至5月31日，餐廳更有開業優惠，4位以上訂座即送龍蝦刺身一客。
新餐廳2023推介｜5月｜由即日起至5月31日，餐廳更有開業優惠，4位以上訂座即送龍蝦刺身一客。（圖片來源：新假期編輯部）
餐廳：虎嘯日式蒸氣專門店
地址：天后電氣道54號亨環天后5樓
Facebook：虎嘯日式蒸氣專門店
新餐廳2023推介｜5月｜7.葵涌 So Doughlicious
葵廣又有新小店開幕啦，今次是主打即叫即做冬甩、三文治及小食的So Doughlicious。所有食物均是自家製造，更有每兩星期轉一次的Special Menu、不同季節及節日亦會有限定冬甩。自家製Doughnuts有6款口味，包括吉士、榛子朱古力、咖啡、伯爵茶、士多啤梨及檸檬芝士，再加上自選Topping，必試之選！
新餐廳2023推介｜5月｜自家製Doughnuts有6款口味，再加上自選Topping。（圖片來源：新假期編輯部）
餐廳：So Doughlicious
地址：葵涌廣場3/F 3069號T29號舖
新餐廳2023推介｜5月｜8.沙田 Cafe Joo
新派韓國餐廳Cafe Joo，正式登陸沙田新城市廣場！菜單由本地西式料理名人總廚Ken Lau親自設計，糅合西式烹調精粹，提升烹調韓國菜式技巧，配以優質食材及自家調製醬汁，並注入創意嶄新元素，重新演繹多道韓式地道小食及創新韓意佳餚。必試之選有韓式脆辣炸雞、炸韓式紫菜飯卷、酥炸青陽辣椒釀芝士腸等，感受韓式Cafe的風味。
新餐廳2023推介｜5月｜必試之選有韓式脆辣炸雞、炸韓式紫菜飯卷、酥炸青陽辣椒釀芝士腸等。（圖片來源：新假期編輯部）
餐廳：Cafe Joo
地址：沙田正街18號新城市廣場1期1樓165號舖
電話：2882 8323
Facebook：cafejoo.hongkong
新餐廳2023推介｜5月｜9.康城 逢甲台式火鍋吃到飽
逢甲台式火鍋吃到飽在The LOHAS康城開幕啦！餐廳主打100分鐘火鍋放題，提供6款香濃鍋底，包括麻辣鴨血鍋、香濃白湯鍋、秘製沙嗲鍋、蕃茄濃湯鍋、香菜皮蛋湯鍋及粟米野菌湯鍋，更有肉類無限量供應。60分鐘午市放題，更加低至$58蚊，已經食到地道台式風味火鍋，即刻約埋朋友仔食啦。
新餐廳2023推介｜5月｜餐廳主打100分鐘火鍋放題，提供6款香濃鍋底。（圖片來源：新假期編輯部）
餐廳：逢甲台式火鍋吃到飽
地址：將軍澳康城路1號The LOHAS康城2樓202號舖
電話：2669 3396
Facebook：逢甲台式火鍋吃到飽
回到目錄
–
4月新餐廳
新餐廳2023推介｜4月｜1.大埔 大滾友火鍋
大滾友火鍋大埔店終於開幕啦！品牌更推出了開張優惠，4至5月都有不同優惠，而荃灣及元朗店亦有限定優惠，不可錯過。大埔店限定優惠，二人入座即送招牌花膠雞湯鍋（半隻，價值HK$318）；四人入座送招牌花膠雞湯鍋（一隻，價值HK$418）。荃灣及元朗店限定優惠為單點大滾友牛肉拼盤（大）價值HK$518 或 手切本地牛肉（價值HK$368)，可享買一送一。
新餐廳2023推介｜4月｜大埔 大滾友火鍋推出期間限定優惠！（圖片來源：新假期編輯部）
餐廳：大滾友火鍋-Big Boil’s Club
地址：大埔舊墟直街4-20號美新大廈地下B2號舖
電話：6564 7986
Facebook：大滾友火鍋-Big Boil’s Club
新餐廳2023推介｜4月｜2.尖沙咀 Sushi Ishi
位於尖沙咀Sushi Ishi 鮨石，饗客可以沉浸於融合現代創新風格的江戶前壽司體驗。主廚們精於搜羅日本及世界各地的時令新鮮食材，並利用自身精湛及獨特的烹飪手法，創造出令每位饗客難以忘懷的一等旨味。為慶祝母親節，鮨石將推出以海膽為主題的回饋活動。凡於5月1至31日期間，兩位食客於兩日或之前預訂並享用廚師發辦套餐（每位港幣$1,680元或以上），即可於用餐後獲贈每天日本直送原板250g海膽。海膽以福袋形式派發（款式由主廚每日精心挑選，將包括白海膽、馬糞海膽或紫海膽其中一款）
新餐廳2023推介｜4月｜為慶祝母親節，鮨石將推出以海膽為主題嘅回饋活動。（圖片來源：新假期編輯部）
餐廳：鮨石・Sushi Ishi
地址：尖沙咀寶勒巷1號玫瑰大廈地下 E及F1號舖
電話：3705 8980
Facebook：sushi.ishi.hk
新餐廳2023推介｜4月｜3.中環 杣‧YASHIMA
杣‧YASHIMA座落於中環九如坊，主打傳統富季節感的「旬」料理；並由資深日籍行政總廚——高橋公也先生擔當主理人，以自身超過三十年的東京任廚烹飪知識，以及對親身挑選時令食材、食具及裝飾的堅持，絕對能讓饗客們沉浸在極高層次的季節料理體驗當中。
新餐廳2023推介｜4月｜由資深日籍行政總廚主理，主打傳統「旬」料理。（圖片來源：新假期編輯部）
餐廳：杣‧YASHIMA
地址：中環九如坊2-4號地舖
電話：2328 8089
Facebook：杣‧YASHIMA
新餐廳2023推介｜4月｜4.旺角 Smile Yogurt & Dessert Bar
「Smile」於2010年由關琬潼（Shadow）創立，主打賞心悅目又無罪惡感嘅精緻甜點，三大皇牌系列包括融合美食造型、新鮮水果、手工配料的「Smile 希臘乳酪雪糕」，以及《Smile To Go 系列》本地手工製作「軟綿綿蛋糕」及「一口一口曲奇」。Smile甜品師更特別為MOKO新店創作《Hello MOKO Mini》系列，靈感源自具備旺角地區特色、動植物生態、多元環保概念的「MOKO 動樂園！」。系列以熱情果菠蘿醬為主調，配搭香濃黑芝麻軟糖、健康南瓜籽軟糖、自家製脆粒；希望可以將「微笑的力量」，以賞心悅目又無罪惡感之姿，滋養每位身心。
新餐廳2023推介｜4月｜Smile甜品師特別為MOKO新店創作《Hello MOKO Mini》系列，以熱情果菠蘿醬為主調，整個配搭好夏日！（圖片來源：新假期編輯部）
餐廳：Smile Yogurt & Dessert Bar
地址：旺角太子道西193號MOKO新世紀廣場MTR層M62號舖
電話：2381 1618
Facebook：Smileyogurt
新餐廳2023推介｜4月｜5.元朗 嘉發小食
元朗嘉發小食重開！嘉發小食原本位於康樂路嘅康樂廣場，由兩夫婦經營，於2009開業至今，於區內不少元朗學生哥放學常去嘅小食店，不過上年4月小店因不敵租金結業。事隔一年，小店捲土重來，在元朗富好大廈開店，「元朗友」又可以重新回味爆餡格仔餅、芝士豬柳蛋雞蛋仔、麻糬雞蛋仔及鹹蛋黃雞蛋仔啦！
##one##https://www.weekendhk.com/dining/%e5%98%89%e7%99%bc%e5%b0%8f%e9%a3%9f-%e5%85%83%e6%9c%97-%e6%a0%bc%e4%bb%94%e9%a4%85-%e9%9b%9e%e8%9b%8b%e4%bb%94-ww11-1500310/8/!@!元朗嘉發小食詳情##one##
新餐廳2023推介｜4月｜爆餡格仔餅、芝士豬柳蛋雞蛋仔、麻糬雞蛋仔及鹹蛋黃雞蛋仔均為小店的名物。（圖片來源：新假期編輯部）
餐廳：嘉發小食
地址：元朗教育路3–7號富好大廈地下9號舖
電話：從缺
Facebook：嘉發小食
新餐廳2023推介｜4月｜6.將軍澳 CONFECT
甜品網店集合店CONFECT，進駐將軍澳PopCorn商場，開設三個月期間限定店。CONFECT集合十幾間人氣網店集體經營，小店百花齊放，間間都深受香港人喜愛。今次參與的小店分別主打茶味馬卡龍、麻糬拿破崙、生酮毛巾卷、麻糬巴斯克、精品朱古力、藍帶西餅、紐約貝果、牛角包窩夫、千層戚風蛋糕、焗冬甩麵包等；全部手工製造，更添一份溫暖！
##one##https://www.weekendhk.com/dining/%e7%94%9c%e5%93%81-%e9%99%90%e5%ae%9a%e5%ba%97-%e5%b0%87%e8%bb%8d%e6%be%b3-confect-ww11-1500631/8/!@!CONFECT詳情##one##
新餐廳2023推介｜4月｜三個月期間限定店有超過10多間人氣網店！（圖片來源：新假期編輯部）
餐廳：CONFECT
地址：將軍澳PopCorn Mall 1, G/F
網站：按此
新餐廳2023推介｜4月｜7.北角 岩盤牛扒
岩盤牛扒北角分店正式開幕啦！Medium rare steak提供多款優質牛扒，亦有不同口味的丼飯。最近更推出季節限定的雪糕拉麵，咁多款美食，仲有一款啱你口味。
新餐廳2023推介｜4月｜多款高質牛扒，是牛魔王的天堂啊！（圖片來源：新假期編輯部）
餐廳：岩盤牛扒
地址：北角渣華道133號北角匯三期地下G3及G4號鋪
電話：3482 1238
Facebook：MediumRareSteak.jp
新餐廳2023推介｜4月｜8. 天后 六両三
六両三再開新店，品牌第三分店進駐天后，相信會令到一班港島人好興奮！店主Ivan講得一口流利廣東話，但其實是一個不折不扣嘅台灣基隆人，早於二十多年前就跟台灣媽媽定居香港。有一次在街上買了一碗滷肉飯給媽媽食，媽媽一開蓋聞到香味就覺得唔對辦，跟在台灣食到的味道差太遠，所以便有了自己開店的念頭。必試牛肉麵，湯底同牛肉都非常正，不容錯過！
新餐廳2023推介｜4月｜地道無味精的台灣麵！（圖片來源：新假期編輯部）
餐廳：六両三•台灣食堂
地址：銅鑼灣水星街9-11號鉅利大廈地下
電話：3620 3696
Facebook：6liang3canteen
新餐廳2023推介｜4月｜9.網店 Black’s Bakery
以黑色烘焙產品為主的Black’s Bakery，所有產品均用新鮮食材製造，不添加任何防腐劑。Black • Basque Burnt Cheesecake；全黑外表下，蘊藏着濃厚芝士香，口感細滑creamy、有種入口即溶的感覺。配合面頭的焦香味，蛋糕整體不會太甜，芝士味濃郁同時亦不會太膩。
新餐廳2023推介｜4月｜型格風全黑甜品，開張期間更有9折優惠！（圖片來源：新假期編輯部）
餐廳：Black’s Bakery
Instagram：blackerie.hk
回到目錄
–
3月新餐廳
新餐廳2023推介｜3月｜1.大埔 大滾友火鍋
以宮廷風格為主題的大滾友火鍋，營造出古代皇宮華麗氛圍，餐廳將於4月上旬開張。店內裝飾及擺設都別具風格，好像人手雕刻而成的龍紋鍋爐、青花瓷器餐具，讓人彷彿置身於宮廷中。除了獨特的裝修風格外，火鍋更是令人一試難忘！火鍋店設有多款特色湯底，當中最受食客歡迎是「花膠雞濃湯鍋」，以大量三黃雞每日新鮮熬製數個小時而成。香味濃郁的雞湯底，搭配嫩滑雞肉，加上肥美厚肉花膠，一上枱已經香氣撲鼻！火鍋擺盤亦非常精美獨特，每道菜品都能呈現出精緻、豐富多彩風味，讓人垂涎欲滴。
新餐廳2023推介｜3月｜食客當中最受歡迎是「花膠雞濃湯鍋」，以大量三黃雞每日新鮮熬製數個小時而成，每一口都好惹味。（圖片來源：新假期編輯部）
餐廳：大滾友火鍋-Big Boil’s Club
地址：大埔舊墟直街4-20號美新大廈地下B2號舖
電話：6564 7986
Facebook：bigboilsclubHotPot
新餐廳2023推介｜3月｜2.旺角 浜松水產
浜松水產是一間位於旺角的高質居酒屋，餐廳佈置超有日本氣氛，師傅們均由Omakase餐廳出身，品質有保證！餐廳刺身種類非常多，當中龍蝦刺身極為吸引。原隻澳洲龍蝦即撈即劏，肉質富有彈性，龍蝦鮮味十足。另外日本空運象拔蚌刺身亦是人氣必點，餐廳設有水缸保持新鮮。師傅會將象拔蚌切成薄片，每塊晶凝通透，完全沒有腥味，入口甘甜爽口。餐廳亦有多款盛合刺身，當中日本野生中、大拖羅，都是北海道野生拖羅，每塊油脂豐滿、肉質鮮嫩、入口即溶。居酒屋串燒款式亦非常多，必試鹿兒島薩摩赤雞腿肉，為日本獨有特殊品種。最後，還有抵飲清酒款式，尤其「梵吟撰純米大吟釀」帶有葡萄柚味道，最適合配搭刺身！
新餐廳2023推介｜3月｜旺角新店日本菜，必試龍蝦刺身！（圖片來源：新假期編輯部）
餐廳：浜松水產
地址：旺角彌敦道733號振宜大廈地庫
電話：3586 3737
新餐廳2023推介｜3月｜3.黃埔 麻小二
麻小二是一間川味餐廳，每一道菜式都是由嚟自四川大廚精心炮製、味道又麻又香，即使大家在香港都可以食到最地道的四川美食。必試酸菜鐵鍋米線，滿足米線控！
新餐廳2023推介｜3月｜必試酸菜鐵鍋米線（圖片來源：新假期編輯部）
餐廳：麻小二
地址：九龍紅磡黃埔天地享膳坊第4期G8A及G8B號舖
Facebook：麻小二
新餐廳2023推介｜3月｜4.九龍灣 欅居酒屋
欅居酒屋特設多組日本進口專業炭爐，並嚴格選用日本和歌山備長炭，以最高可達攝氏千度的高溫來燒烤，比傳統木炭火力更均勻，能由內至外保留食物嘅鮮味及肉汁，同時亦更能帶出炭香風味。居酒屋更設有最新全自助清酒機，供應18款不同嘅日本酒！
新餐廳2023推介｜3月｜欅居酒屋嚴格選用日本和歌山備長炭，串燒juicy同時帶有炭香。（圖片來源：新假期編輯部）
餐廳：欅 居酒屋
地址：九龍灣宏照道38號企業廣場5期Megabox11樓9號舖
電話：9758 6594
Facebook：欅 居酒屋
新餐廳2023推介｜3月｜5.尖沙咀 JOMO
JOMO Coffee & Cakes由即日起至6月14日，在海港城開設POP UP STORE！多款口味戚風蛋糕任君選擇，落單後店員會即場倒上忌廉層，推介客人可以在海港城戶外位置望住海景食，特別Chill！
新餐廳2023推介｜3月｜JOMO在海港城開設POP UP STORE！（圖片來源：新假期編輯部）
餐廳：JOMO Coffee & Cakes
地址：尖沙咀海港城港威商場3樓15C
Facebook：JOMOCNC
新餐廳2023推介｜3月｜6.天水圍 東屋台
東屋台堂食店開幕！選址在天水圍，品牌必試No. 1人気牛丼，獨家研製的烹調方法和自家調配牛肉汁，味道濃而不膩；配以日本珍珠米，讓牛肉汁滲入粒粒米飯，啖啖幸福感。大満足お好み焼き，一反日本傳統大阪燒軟綿口感，採用新鮮椰菜及大量配料，淋上惹味的日本大阪燒汁及自家調配嘅沙律醬、芥末沙律醬，正呀！
新餐廳2023推介｜3月｜日本人氣No.1人氣牛丼，以自家調配牛肉汁搭配日本珍珠米。（圖片來源：新假期編輯部）
餐廳：東屋台
地址：天水圍濕地公園路1號Wetland Seasons Bay G09號舖
電話：5720 0016
Facebook：danyataihk
新餐廳2023推介｜3月｜7.銅鑼灣 金鶴拉麵
主打日式雞白湯拉麵及生燒蒲燒鰻魚飯的金鶴拉麵，進駐銅鑼灣！由即日起至3月26日，銅鑼灣新店仲有二選一新店開幕優惠，包括拉麵買1送1及買拉麵送小食，不容錯過！
##one##https://www.weekendhk.com/dining/%E9%87%91%E9%B6%B4%E6%8B%89%E9%BA%B5-%E8%B2%B7%E4%B8%80%E9%80%81%E4%B8%80-%E9%8A%85%E9%91%BC%E7%81%A3-%E6%8B%89%E9%BA%B5-ww03-1487388/!@!金鶴拉麵更多詳情##one##
新餐廳2023推介｜3月｜濃雞白湯拉麵，奶白湯底充滿啖啖精華！（圖片來源：新假期編輯部）
餐廳：金鶴拉麵
地址：銅鑼灣軒尼詩道525號澳門逸園中心7樓
電話：9238 9108
Facebook：KaneTsuruRamen
新餐廳2023推介｜3月｜8.灣仔 漢發麵家
50年老字號嘅漢發麵家，由鐵皮檔做到上深水埗舖位，其中店內的招牌菜式，豬潤麵及西多士，更被稱為「無得輸」組合，連發哥、彭于晏都是小店常客！品牌最近衝出九龍，在灣仔開分店，讓一眾港島友興奮不已，即睇地址及菜單款式啦！
##one##https://www.weekendhk.com/dining/%E6%BC%A2%E7%99%BC%E9%BA%B5%E5%AE%B6-%E7%81%A3%E4%BB%94-%E8%B1%AC%E6%BD%A4%E9%BA%B5-%E5%9C%B0%E5%9D%80-%E8%8F%9C%E5%96%AE-ww02-1481369/!@!漢發麵家更多詳情##one##
新餐廳2023推介｜3月｜漢發麵家是發哥和彭于晏的常客，憑著其名氣豬潤麵打出名堂。（圖片來源：新假期編輯部）
餐廳：漢發麵家（灣仔分店）
地址：灣仔告士打道168號地舖
電話：2398 0863
Facebook專頁：漢發Hon Fat Noodle麵家
新餐廳2023推介｜3月｜9.旺角 貓抓烤肉
內地當紅的連鎖燒肉名店「貓抓烤肉」到港開店，除了網紅及明星必去熱點外，餐廳更打入2021年中國烤肉品牌Top 10！今年餐廳首度登陸旺角，主打重慶烤肉口味及貓咪主題，多款美食更化身為貓手掌，超可愛！
##one##https://www.weekendhk.com/dining/%E8%B2%93%E6%8A%93%E7%83%A4%E8%82%89-%E5%85%A7%E5%9C%B0-%E7%87%92%E8%82%89%E5%BA%97-%E9%A6%99%E6%B8%AF-%E6%97%BA%E8%A7%92-ww02-1486378/!@!貓抓烤肉更多詳情##one##
新餐廳2023推介｜3月｜內地連鎖燒肉名店到港，大家又會不會去試呢？（圖片來源：新假期編輯部）
餐廳：貓抓烤肉
地址：旺角豉油街104號東翼XX Arcade 1樓全層
Facebook專頁：貓抓烤肉 Meow Barbecue HK
回到目錄
–
2月新餐廳
新餐廳2023推介｜2月｜1.西貢 賀記
由前五星級酒店米芝蓮餐廳高管主理的賀記，將經典口味重新演繹！賀記對出品味道之執著並以現今流行之擺盤，將食客對傳統中式甜品的印象重新定位。大推招牌生磨蛋白杏仁茶，馥郁芳香、口感細膩幼滑！另外鮮磨芝麻露亦非常值得一試，濃厚細緻、回味無窮。
新餐廳2023推介｜2月｜鮮磨芝麻露非常值得一試。（圖片來源：新假期編輯部）
餐廳：賀記．西貢
地址：西貢福民路58-72號高富樓地下27號舖
電話：5516 4749
Facebook：賀記．西貢
新餐廳2023推介｜2月｜2.尖沙咀 新南苑私房菜
尖沙咀全新開張的任食雞煲火鍋，共提供6款不同特色套餐，只需$298起就可以任食招牌麻辣雞煲，仲要有麻辣鴨血毛血旺任食！另外配上優質魚類、肉類等逾30款火鍋配料，食材應有盡有。午市時間更推出小菜套餐、日式刺身丼飯以及火鍋套餐，選擇超多！餐廳以Marvel電影角色，創作出富趣味性牆畫，更擺放多個模型作裝飾，粉絲必去打卡。另外亦有大廳及獨立VIP房間，私隱度一流，仲設有電視為你增添娛樂氣氛。
新餐廳2023推介｜2月｜尖沙咀任食雞煲火鍋，營業至凌晨2am，可以盡情與好友狂歡！（圖片來源：新假期編輯部）
餐廳：新南苑私房菜
地址：尖沙咀寶勒巷3-7A號萬事昌廣場2樓1號舖
電話：28773690
Facebook：samnamyuen
新餐廳2023推介｜2月｜3.啟德 Root Cafe
Mirror成員Jer又做老闆啦！選址在啟德的Root Cafe，採用落地大玻璃透入自然日光，滿滿大自然氣息包圍整個空間，環境舒適。Cafe主打咖啡、茶飲、意粉主食等，更有燒雞選擇，柳柳粉快啲去捧場啦！
##one##https://www.weekendhk.com/dining/mirror-jer-cafe-%E5%95%9F%E5%BE%B7-rootcafe-ww03-1467363/!@!Root Cafe更多詳情##one##
新餐廳2023推介｜2月｜Mirror@Jer再做老闆，今次開設全新日光Cafe！（圖片來源：新假期編輯部）
餐廳：Root Cafe
地址：九龍灣沐泰街7號Parkside At The Henley零售區1座地下4號舖
電話：6255 3428
Instagram：rootcafe.hk
新餐廳2023推介｜2月｜4.銅鑼灣 燒肉石田屋
日本神戶精品燒肉名店燒肉石田屋，進駐銅鑼灣世貿中心，又多個日式燒肉選擇！新店由品牌創辦人兼社長石田清憲親自主理，秉持日本追求卓越嘅究極精神，在指定牧場內精心挑選並進口最正宗、最優質的日本和牛，更堅持只選用未生育過的雌牛，擁有極致粉嫩油花，確保肉品美味高質。
新餐廳2023推介｜2月｜選用未生育過的雌牛，油花均勻，入口嫩滑。（圖片來源：新假期編輯部）
餐廳：神戸石田屋焼肉Yakiniku Ishidaya Hong Kong
地址：銅鑼灣告士打道280號世貿中心10樓1001號舖
電話：2983 6838
Facebook：yakinikuishidaya.hk
新餐廳2023推介｜2月｜5.荃灣 玖子茶
位於荃灣的「玖子茶」，以新加坡牛車水中國城為設計基礎，令客人彷如置身當地車水馬龍的街道，風味十足。必試美食包括沙煲肉骨茶、沙煲藥膳牛肋肉、海鮮蝦喇沙河粉等，仲有提供早餐添。
新餐廳2023推介｜2月｜主打多款星、馬菜式以及有多款水果茶選擇。（圖片來源：新假期編輯部）
餐廳：玖子茶
地址：荃灣大河道98號如心廣場2期2樓214號舖
電話：2613 0000
Facebook：jiuzitea
新餐廳2023推介｜2月｜6.尖沙咀 花圖
花圖選址尖沙咀海港城，為粵菜餐廳之餘同時亦是一間酒廊。餐廳由門口開始已經感受到典雅而深邃的氛圍，華麗設計概念及頂級佳餚，成為最新飲食熱點！招牌菜式包括由水煮牛演變而成的花圖和牛寶盒、工序繁複但食起來香口的鹽酥脆皮雞等。
新餐廳2023推介｜2月｜必試鹽酥脆皮雞！（圖片來源：新假期編輯部）
餐廳：花圖Voynich
地址：尖沙咀海港城海洋中心4樓401號鋪
電話：2688 2408／6639 6688
Facebook：voynich.hk
新餐廳2023推介｜2月｜7.銅鑼灣 爆爆鍋
爆爆鍋是人氣火鍋店牛大人的全新副線，主打台灣風味石頭火鍋。由台灣總廚引入當地特色石頭火鍋，加入麻油爆香洋蔥、蒜泥、肉片等配料，令到整個湯底更加惹味和香氣四溢！餐廳現時推出新開張優惠套餐，由即日起至2月26日，所有爆爆鍋火鍋套餐均可享有88折優惠！
新餐廳2023推介｜2月｜牛大人全新副線，主打台灣石頭火鍋！（圖片來源：新假期編輯部）
餐廳：爆爆鍋
地址：銅鑼灣軒尼詩道489號銅鑼灣廣場一期1樓109號舖
電話：3854 5550
Facebook：baopot.hk
新餐廳2023推介｜2月｜8.將軍澳 RUD燒肉
RUD主打日本一人無煙燒肉，店內特設先進無煙烤爐及抽氣系統，食客不用擔心會有油煙味！力推鹿兒島A4黑毛和牛、美國安格斯肉眼扒、牛胸腹、牛小排、牛舌、豚腩肉及雞髀肉等，樣樣食材都好優質，份量十足。另有多款特式梳打及冷泡茶，配燒肉一流！
新餐廳2023推介｜2月｜日本一人前燒肉第7間分店開幕啦！（圖片來源：新假期編輯部）
餐廳：RUD燒肉
地址：將軍澳 TKO Gateway西翼地下W001-W002號舖
電話：2701 6635
Facebook：RUD燒肉
新餐廳2023推介｜2月｜9.銅鑼灣 東街之茶
東街之茶正推出新店限定買一送一優惠，大家可以約朋友一齊去試！不論是咖啡或是奶茶，東街之茶都致力提供最高品質嘅茶飲。店主力推日本靜岡有機抹茶，擇茶苦澀均衡、回甘濃醇；採用日本明治奶、奶香濃醇、質地綿密！
新餐廳2023推介｜2月｜東街之茶正推出新店限定買一送一優惠。（圖片來源：新假期編輯部）
餐廳：東街之茶
地址：銅鑼灣霎東街九A號地下一及二號舖
電話：2728 0587
Facebook：eastlatte1
回到目錄
–
1月新餐廳
新餐廳2023推介｜1月｜1.紅磡 日光之茶
位於紅磡啟岸的日系茶飲店，裝修富日系和式風格，飲品除了新鮮水果茶、奶蓋茶及健康手搖飲品外，更有一系列以北海道3.6牛乳飲品製成的熱賣人氣招牌飲品「日光富士山」，客人可以手握富士山於店內日式打卡牆盡情打卡，非常創新！
新餐廳2023推介｜1月｜日系茶飲店有必點Igable富士山打卡飲品！（圖片來源：新假期編輯部）
餐廳：日光之茶
地址：紅磡馬頭圍道63號啟岸地下04號鋪
電話：9438 1918
營業時間：星期一至日10am-8pm
新餐廳2023推介｜1月｜2.尖沙咀 花月宮
全新火鍋店「花月宮」進駐尖沙咀！新張期間仲要有9折優惠！環境寬敞、裝修又夠氣派，仲有VIP房，私隱度十足。特色四格鍋，有齊麻辣、花膠醉雞、黑松露野菌、番茄海鮮四款湯底，滿足哂不同客人的喜好。火鍋料必點新鮮原隻澳洲龍蝦、青口、海蝦等，鮮味十足，酸酸辣濃郁的冬陰公湯底好開胃。牛魔王天梯拼盤就最適合一班牛魔王，有齊手切牛頸脊、安格斯牛小排、手切封門柳、牛柳粒。豬八戒玫瑰拼盤亦值得一試，有齊四款豬肉，食落肉味鮮甜。其他推介包括手打鮑魚丸、芝士響鈴、自家製脆炸黃金蟮魚皮、麻辣花膠、風花雪月餃子拼盤等，樣樣都好有特色！
新餐廳2023推介｜1月｜尖沙咀又多一間火鍋店啦！選擇困難症的客人可以點特色四格鍋，有齊麻辣、花膠醉雞、黑松露野菌、番茄海鮮四款湯底，好豐富！（圖片來源：新假期編輯部）
餐廳：花月宮
地址：尖沙咀金巴利道68號2樓
電話：6655 7266
營業時間：星期一至日5:30pm-12am
Facebook：花月宮
新餐廳2023推介｜1月｜3.灣仔 坡椰坡囉咪
灣仔新開的這間新加坡新店推薦5款菜式！新加坡咖喱招牌厚切豬扒飯，以超厚身豬扒外脆內軟，肉感豐富又不乏油膩感，肉嫩多汁令人一試上癮。還可以選擇椰香味濃及用上多種香料熬煮的新加坡咖喱，或者番茄味較重、味道較清新嘅小印度番茄咖喱。海南雞飯肉質新鮮細滑，雞肉份量多、油飯粒粒分明帶油香。套餐更配時令蔬菜、例湯和飲品，超抵食；配埋三色醬（惹味辣椒醬、甜甜地嘅黑豉油、自家製薑蓉），餸飯一流。
新餐廳2023推介｜1月｜必試招牌厚切豬扒和超滑海南雞飯，油飯粒粒分明帶油香，香口而不會過膩。（圖片來源：新假期編輯部）
餐廳：坡椰坡囉咪 Singapore Island
地址：灣仔天樂里6號地下
電話：2414 6900
營業時間：星期一至日8am-9pm
Facebook：poisland
Instagram：singapore.island
新餐廳2023推介｜1月｜4.尖沙咀 LAVA
新餐廳LAVA位於尖沙咀主打西班牙菜，必試當然少不了西班牙海鮮飯，食過的客人都紛紛大讚！除了食物，最正就是有一個戶外大露台，坐在室外享受各款Tapas十分Chill，接下來的情人節未book餐廳不妨考慮一下！
新餐廳2023推介｜1月｜餐廳主打西班牙菜，除了西班牙海鮮飯，還有其他小食㗎！（圖片來源：新假期編輯部）
餐廳：LAVA
地址：九龍尖沙咀金巴利道金巴利廣場4樓
電話：2668 2884／6462 4445 (WhatsApp)
營業時間：星期一至日3pm-2am
Facebook：Lavabarrestaurant
新餐廳2023推介｜1月｜5.西貢 Bistrocana
Bistrocana在1月進駐西貢，小店以露天茶座的設計透入日光，讓客人可以在溫暖的陽光下享受美食！食完之後仲可以到西貢周圍行下，超寫意啊！
新餐廳2023推介｜1月｜餐廳在赤柱和元朗均有分店，新設的旗艦店選均在西貢，望住海景好Chill！（圖片來源：新假期編輯部）
餐廳：Bistrocana
地址：西貢西貢海旁廣場兆日樓地下3-4號舖
Facebook：bisrocana.saikung
新餐廳2023推介｜1月｜6.銅鑼灣 James Bonbon Cafe
全新James Bonbon Cafe進駐銅鑼灣，小店以麻糬波波成功吸引甜品控，高峰時期更加日賣2,000粒麻糬。1月更首度於麵包店旁開設Cafe提供堂食，除了有人氣招牌菠蘿皮麻糬波波，更有超過100款甜品，甜品控要去啦！
##one##https://www.weekendhk.com/dining/jamesbonboncafe-%e9%ba%bb%e7%b3%ac%e6%b3%a2%e6%b3%a2-%e6%b3%a1%e8%8a%99-ww03-1450178/6/!@!James Bonbon Cafe更多詳情##one##
新餐廳2023推介｜1月｜銅鑼灣麻糬波波人氣店踩過界開埋Cafe，供應過100款甜品！（圖片來源：新假期編輯部）
餐廳：James Bonbon Cafe
地址：銅鑼灣邊寧頓街9-11號地舖
電話：9253 5379
營業時間：星期一至日7am-10:30pm
新餐廳2023推介｜1月｜7.尖沙咀 Coffee Hwajeon
全新韓系文青風格咖啡店，打卡必去！新店設有包廂座位，私隱度十足。韓國傳統甜煎米餅、紅豆餡年糕等都富有韓國特色的食物都有供應，想食傳統韓國菜又多一間選擇啦！
新餐廳2023推介｜1月｜韓系文青風格咖啡店，有齊主食和蛋糕甜品。（圖片來源：新假期編輯部）
餐廳：Coffee Hwajeon
地址：尖沙嘴柯士甸道1號ELEMENTS圓方水區1樓1028B
電話：2519 9303
Facebook：coffeehwajeon
新餐廳2023推介｜1月｜8.炮台山 餃里
餃里本店位於屯門，今年終於衝入港島，於炮台山開分店！小店供應的餃子味多多，如咖喱鮮肉餃、韭菜鮮肉餃、香荽鮮肉餃、泡菜鮮肉餃等，每款都是即叫即包，大家同時亦可以買生餃返屋企自己煮，全港均有多個寄賣點，好方便㗎。
新餐廳2023推介｜1月｜小店分別供應多款湯餃、煎餃及生餃，不論是傳統韭菜餃或是新派咖喱豬肉餃都有！（圖片來源：新假期編輯部）
餐廳：餃里
地址：北角炮台山宏安道2-12號宏輝大廈地下6號舖
電話：2896 0020
營業時間：星期一至日11am-7:30pm
Facebook：GaolayDumpling
新餐廳2023推介｜1月｜9.銅鑼灣 Afternoon Tea Tearoom
Afternoon Tea Tearoom開第二分店啦！1月正式進駐銅鑼灣，現時還有季節限定的士多啤梨下午茶食，賣相非常精美，而且當造士多啤梨入口香甜，打卡和味道一流！
新餐廳2023推介｜1月｜日本人氣品牌Afternoon Tea Tearoom第二間分店選址在銅鑼灣。（圖片來源：新假期編輯部）
餐廳：Afternoon Tea Tearoom
地址：銅鑼灣告士打道280號世貿中心3樓308號舖
電話：3705 1581
營業時間：星期一至五11am-8:30pm，星期六、日及公眾假期11am-9:30pm
Facebook：afternoonteatearoomhk
The post 新餐廳2023推介｜6月9大新店：日系茶飲／海景Cafe／甜品網店／多國菜餐廳 appeared first on 新假期.
飲食 – 新假期 Read More