新假期全新欄目《搵食新煮意》，每日為你推介今日食乜好！除了提供不同菜式的食譜，讓你留在家中自煮，都可以輕鬆試盡各地佳餚滋味；更會為你推介近期值得一試的香港餐廳，在家煮以外亦有不少好選擇，留在香港都可以齊齊搵食！1月20日《搵食新煮意》，今日出西環食好嘢：新興食家＋卓越食品餅店＋斗滾。
1月20日搵食新煮意：新興食家＋卓越食品餅店＋斗滾
1.新興食家
香港地想食到點心不難，中午走進隨便一間酒樓都可以食到，但是想食到懷舊點心款式，卻是少之又少。如果想食到舊時的味道，可以走進堅尼地城這間屹立半世紀的點心店「新興食家」。小店開業50年，由凌晨3am開業至中午4pm，是街坊們飲夜茶、早茶的好地方。店子空間細小，走廊通道狹窄，只有數張大圓枱供食客共座一枱，因此搭枱都是預料之事。點心舖價錢相宜，最平$22/籠，盅飯都只需$30就食到，難怪連名星陳奕迅、謝霆鋒、食神蔡瀾等都經常到店捧場啦。
1月20日搵食新煮意｜1. 新興食家（圖片來源：新假期編輯部）
地址：西環堅尼地城士美菲路8號地下C號舖
營業時間：星期一至日 03:00-16:00
2.卓越食品餅店
扎根在西環區40多年的卓越食品餅店早前被逼無奈搬遷，不過新店同樣選址在西環同一條街的另一鋪位，不論是裝修、格局或是糕餅，都盡量保持與舊店一模一樣，街坊行過路過都可以見到熟悉的面孔！作為香港其中一間老唐餅店始祖，不得不提其熱賣名物——燒餅，每日幾乎售出過100件，認真巴閉！燒餅口感煙韌軟腍，以香甜內餡搭配老少咸宜。另外還有多款軟Q糯米糍，坊間買少見少的菲林卷、三層糕、豬籠餅亦有供應。
1月20日搵食新煮意｜2. 卓越食品餅店（圖片來源：新假期編輯部）
地址：香港西環區西營盤皇后大道西305號地舖
營業時間：星期一至六 09:30-19:00 （逢星期日休息）
3.斗滾
斗滾在西環和佐敦均有分店，主打任食放題，但是非一般的放題！除了無限時外，斗滾還會為客人奉上一共4式，包括雞煲、海鮮拼盤、養生鍋和手切牛頸脊及黑豚肉，而且都只是每位$268，CP值爆燈！西環斗滾有2層，面積約3,000呎，食客可以坐得舒服，歎住美食！重頭戲雞煲有5種辣度可供選擇，是一班朋友開心share的好選擇。另一賣點當然是「海鮮拼盤」，包括鮑魚、蟶子、扇貝、海蝦、花蜆、龍躉和讚岐烏冬，食到回本無難度！
1月20日搵食新煮意｜3. 斗滾（圖片來源：斗滾授權圖片）
地址：西環石塘咀山道54-66號適安大廈地下A號舖及1樓AB號舖
營業時間：星期一至日 17:00-00:00
The post 新興食家＋卓越食品餅店＋斗滾｜搵食新煮意（新假期APP限定） appeared first on 新假期.
飲食 – 新假期 Read More
