[[{“value”:”
由新假期主辦的「 新假期必吃食店大獎2025」（下稱「本活動」），旨在鼓勵參加者投選心水餐廳，支持本地飲食文化。本活動雲集接近1500間本地餐廳，設有26個獎項類別，並提供投票機制及豐富獎賞。本活動適用於新假期網站及新假期手機應用程式（App），活動期至2025年7月中頒獎典禮結束為止。即睇其中一個獎項類別的入圍餐廳-「必吃香港人食店」（排名不分先後）介紹！
必吃香港人食店候選餐廳：獅房菜
帝京酒店中菜餐廳「獅房菜」是以香港著名地標─獅子山作靈感，糅合粵菜精粹及川菜元素，由中式廚藝總監江肇祺師傅率領酒店大師級中菜團隊，憑著「千變萬化，中西融合」的獅子山精神，呈獻匠心獨運的私密菜單，炮製出一系列注入獅子山下的味道及情懷的精緻美饌。餐廳的招牌菜包括以詩詞為靈感的創意菜式，如柚香冷麵、荷燻鯧魚、流金沙脆鮑魚及花膠元貝鰂魚湯等，每道菜不僅味道豐富，擺盤亦極具藝術感。
必吃香港人食店候選餐廳：明廚
明廚（Ming’s Kitchen）是銅鑼灣及旺角均設分店的粵菜海鮮中菜館，以其精緻的廣東菜和新鮮海鮮而聞名。其中招牌菜必食油鹽焗香港火焰奄仔蟹，上枱時用秘製cocktail火焰，將玫瑰酒味逼入蟹膏，酒香撲鼻，蟹膏又香又軟，每枱來到必點之選！
必吃香港人食店候選餐廳：A.O.M
A.O.M自從搬到西營盤高街後，地方更大更舒適，設計簡約又有格調，令人一入店就感受到放鬆嘅氣氛。餐廳招牌菜首推蟹肉蟹膏木魚湯泡飯，熱辣辣嘅木魚高湯，湯底濃郁清甜，完全唔膩。湯飯配上鮮甜嘅蟹肉同濃香蟹膏，再加入蘑菇同紫菜，每啖都充滿海洋嘅鮮味，層次豐富。羽衣甘藍羅勒雞肉意大利寬麵也是人氣之一，羽衣甘藍被攪碎混入自家製羅勒醬汁，既保留濃郁嘅羅勒香氣，又帶有羽衣甘藍嘅清新味道。配上以西京白味噌醃製再烤焗嘅雞肉，肉質嫩滑多汁，與醬汁完美融合。呢道菜唔單止味道出色，仲充滿健康元素，啱晒追求飲食平衡嘅都市人。
相關文章：高質Fusion西餐廳A.O.M｜嚴選新鮮食材 必試海鮮菜式＋牛扒
必吃香港人食店候選餐廳：港久新街
尖沙咀港式大排檔主題餐廳「港久新街」，將舊有飲食文化融合大膽新穎設計。菜式包含香港多款地道傳統佳餚，由超過三十年經驗的主廚主理。港久新街的十大招牌菜式包括港久鑊氣小炒皇、艇家避風塘炒蟹、潮州滷水打冷拼盤、大廚脆皮鹹豬手、懷舊雞蛋焗魚腸、脆皮沙田燒乳鴿、石鍋A5和牛粒、香酥脆皮牛肋骨、油浸泰國筍殼魚及豉蒜蒸大鱔。除此以外更有多款惹味串燒，一次過品嚐港九新界各款美食。
必吃香港人食店候選餐廳：Slow Cow
牛丼新造(SLOW COW) 是一間慢煮熟成牛肉飯專門店，重新演繹傳統日式牛丼，以慢煮熟成牛肉、日本蘭王蛋及珍珠白米飯為主打，牛肉肉質嫩滑，牛味濃郁，定期仲會加入多種創意配搭元素，讓食客充滿新鮮感。
必吃香港人食店候選餐廳：太興
本地連鎖餐飲集團太興的燒味一向很有名氣，所有燒味都是由各間分店現場燒製，例如招牌燒鵝，師傅用秘製醬汁醃製，隻隻都燒得色澤均勻，肉嫩多汁；叉燒上碟蜜汁爆燈，入口軟腍，鹹甜juicy。除了燒味外，仲有多款鑊氣十足的小菜，同埋招牌冰鎮奶茶等，都是深受街坊好評的人氣之選！
必吃香港人食店候選餐廳：台蔡滷肉飯
人氣台式餐廳「台蔡滷肉飯」連續兩年入選米芝蓮指南推介，由一對年輕台港夫婦主理，一直是荃灣區內的人氣食店，後來在大角咀及鑽石山開分店，每間店門外經常大排長龍，得到街坊熱情支持！店內醬料和食材都堅持選用台灣進口，招牌滷肉飯、蛋餅、鹽酥雞、藥膳排骨湯、大腸包小腸等多款台灣地道美食均是人氣之選！
相關文章：米芝蓮人龍店台蔡滷肉飯進駐鑽石山
The post 新假期必吃食店大獎2025：「必吃香港人食店」精選候選餐廳 appeared first on 新假期.
“}]] 
飲食 – 新假期 Read More
