[[{“value”:”
意粉屋The Spaghetti House 早餐出煲仔沙嗲牛麵！熱辣辣原個瓦煲上，連熱飲都只是$42，仲免加一，不少網民都表示賣相吸引，看見都想食，即睇詳情！
意粉屋早餐新推煲仔沙嗲牛麵！
意粉屋The Spaghetti House 大家只會聯想起食西餐意粉，但最近早餐竟然出沙嗲牛麵，仲要原個瓦煲熱辣辣上！事源在「香港沙嗲牛肉麵關注組」有組員分享發現意粉屋有沙嗲牛麵，而且原煲上枱，熱度足夠，面層有隻太陽蛋，賣相幾吸引，售價只是$42，稱讚做得不錯，帖文一出即引來網民紛紛表示「睇見就想食」！
根據關注組會友的分享，除了煲仔沙嗲牛麵，仲有煲仔香煎雞球麵及煲仔薑絲豬膶麵，不過早餐暫時只限將軍澳PopCorn分店及8:00am-11:30am供應，希望官方稍後會安排更多分店有售啦！
全新主餐牌！暖笠笠芝士火鍋
意粉屋的主餐牌也來個新面貌，推出一系列新菜式，好像冬天暖笠笠之選的經典芝士火鍋拼盤，將韓式炸雞粒、西班牙白毛豬火腿、煙斗粉、法包粒、甘筍苗、蜜瓜粒、菠蘿粒蘸滿熱融芝士，滋味十足。另外仲有烤大蝦龍蝦汁意粉配芝士脆薄片、封門牛柳配神戶燒肉汁意粉、韓式炸雞粒配芝士醬。
甜品menu也加入兩位新成員，首推比利時朱古力火鍋，熱融的朱古力配上窩夫和新鮮生果，作為飯後甜品夠哂滿足。同場仲有每日新鮮自家製巴斯克芝士蛋糕，芝士味濃郁，超正。
The post 意粉屋早餐新推煲仔沙嗲牛麵！$42原個瓦煲上+免收加一 appeared first on 新假期.
“}]] 飲食 – 新假期 Read More
