[[{“value”:”
好好運快餐店翻嚟啦！餐廳嘅舊店於上年嘅11月30日結業，當時沙嗲牛關注組同一眾忠實食客都感到惋惜同不捨。不過好消息嚟啦！店主宣布好好運將於3月25日強勢回歸！新店繼續選址於荔枝角，繼續有得食招牌沙嗲牛麵！
傳奇沙嗲牛店好好運快餐店回歸！網民密切留意裝修進度
知道沙嗲牛界嘅天花板回歸，大家都表示興奮，紛紛留言表示期待已久，及詢問新店的詳細資料。而店主很快就回應了網民的期待，指新店將於荔枝角永康街捲土重來，而開張日子就選定係3月25日早上7:00！新店的營業時間是星期一至六 7am-5pm，星期日及公眾假期休息，大家切勿摸門釘！網民亦密切留意新店的裝修情況，迫不及待再嚐馳名天下的好好運沙嗲牛牛肉麵。
佢返嚟啦！（圖片來源：Facebook@好好運快餐店關注組）
網民經過新店位置，裝修看似進度良好！（圖片來源：Facebook@好好運快餐店關注組）
關注組大推！激濃花生香湯底
不少網民食過好好運嘅沙嗲牛肉麵都翻唔到轉頭！認為這裏的沙嗲湯底沙茶味濃郁，可嘗到粒粒花生粒，麵條煮得爽彈，牛肉份量多又有要考，即使外賣仍然保持上乘水準！餐廳知道不少食客專誠前來只為一碗沙嗲牛肉麵，故若然不幸售罄，其他湯麵也可免費加沙嗲牛肉汁，暫時止止癮。
沙嗲牛肉公仔麵湯汁香濃，啖啖花生香。（圖片來源：Facebook@香港沙爹牛肉麵關注組）
若然沙嗲牛肉已賣光，湯麵可免費加沙嗲牛肉汁。（圖片來源：Facebook@香港沙爹牛肉麵關注組）
餐廳：好好運快餐店
地址：荔枝角永康街79號創匯國際中心地下B舖（3月26日開店）
電話：3691 9962/3691 9963
營業時間：星期一至六 7am-5pm（星期日及公眾假期休息）
The post 好好運快餐店荔枝角重開！招牌沙嗲牛麵3月25日捲土重來 appeared first on 新假期.
“}]] 飲食 – 新假期 Read More
