[[{“value”:”
人氣素食品牌「天天素食」進駐沙田廣場，新店主打素食車仔麵，$50三餸逾30款配料選擇，包括酸齋、豉油齋、咖哩齋、特製叉燒等招牌齋滷味，亦有蛋奶素及炆燉餸菜選擇。此外，小店仲有供應煎堆仔、叉燒酥、燒賣、春卷等素點心，選擇豐富，沙田素食友切勿錯過！
「天天素食」沙田開素食車仔麵店！$50三餸逾30款配料選擇
天天素食創於1991年，主打傳統齋滷味、點心甜品、自家製涼茶及健康素材，是人氣素食品牌。最近於沙田廣場開設素食車仔麵店，$50可自選三餸，提供逾30款餸菜選擇，包括招牌滷味如酸齋、豉油齋、煙燻鵝、齋鴨、特製叉燒等，亦有煎炸的黃金菇、午餐肉、紫豆卷以及蛋奶素餸菜：貢丸、仙台丸、素切雞、牛蒡扒、素腩肉。湯底方面提供5款選擇，分別有清湯、沙嗲湯、酸辣菜湯（+$6）、鮮番茄湯（+$6）、大醬豆漿湯（+$6），另外仲可以加$15升級做套餐，配以冷盤及飲品，更加豐富。現場亦有每日鮮製素點心，包括煎堆仔、叉燒酥、芋頭糕、燒賣、春卷、鹹水角等，沙田區有高質素食舖啦！
自家製無蛋無奶純素盆菜
臨近新年，素食的朋友可以訂天天素食出品的無蛋無奶純素盆菜，盆菜採用了18種手工素食材製作，包括素翅、榆耳、野生竹笙、羊肚菌、玫瑰豆卷、鮮枝竹鰻魚卷、素羊腩、素叉燒等，搭配傳統秘製醬汁，美味又健康！即日起至1月19日在官網購買純素盆菜送杞子棗皇糕 (原價 $98)，素食朋友不妨試吓。
The post 天天素食沙田開素食車仔麵店｜$50三餸逾30款配料！招牌滷味/特製叉燒 appeared first on 新假期.
“}]] 飲食 – 新假期 Read More
