[[{“value”:”
大陸平價超市「好特賣HotMaxx」攻港！一個月內分別在大角咀奧海城、荃灣和葵芳連開三間分店，因貨品定價與大陸相若，所以每間分店都引來大批市民去瘋狂掃貨。剛開幕（29日）的葵芳分店，門外大大隻字寫着1折起，記者為大家精選有什麼抵買！
大陸平價超市「好特賣HotMaxx」葵芳再開分店 ！
近年來不少港人都喜歡北上消費，其中一間港人熱捧的就是大陸平價超市「好特賣HotMaxx」，以貨品齊全、定價便宜作招徠。最近他們攻港，連開三間分店，最新開幕的就是葵芳店，記者更親自到場觀察，發現舖位面積不大，而且通路狹窄，個個人逼人，收銀員忙到無停手！現場貨品都幾齊全，由麵包、零食、汽水、日用物都有，價錢最平$2就買到麥維他曲奇餅，而最多人瘋購就是可口可樂$20一排八罐裝，平均$3罐，但就比荃灣分店就貴$1。另外薯片、杯麵、汽水等平均$4-$5，有人甚至乎整箱咁買，非常誇張！
零食及乾糧區！全場最平$2包曲奇餅乾
葵芳店全店最平就是$2包（原價$5）麥維他夾心朱古力曲奇餅乾、$2包跳跳糖，還有納寶帝檸檬味威化餅$2.5包（原價2.5），比較多人買的有好麗友好多魚仔餅$3盒（原價$10）、樂事薯片平均$6-$7包（原價$14）、農心蝦條$4（原價$10）、旺旺雪餅$5袋（原價$13）等，另外記者發現陸版日清杯麵、農心辛辣杯麵都只是$5。而大陸版的金莎朱古力都有賣，價錢仲平香港近一半，分別$69（375g）、$79（300g）。
飲品區！$20八罐可口可樂+$3.5奈雪的茶
飲品種類都幾多選擇，講到最多人搶一定是可口可樂，$20一排八罐裝，無限購買數量，個個都買幾箱，不過記者當日去就未見散裝，事後問職員才知太忙，無時間上貨架，平時就賣$3罐，比荃灣分店貴$1。另外港人最愛的維他檸檬茶（支裝）及津路烏龍茶就$5支，想再平啲就可以揀$3.5大陸小眾分子烏龍茶或者奈雪的茶月光白飲品。
- 好特賣HotMaxx（葵芳店）
- 地址：葵涌盛芳街41號葵芳匯KF88地舖
- 電話：從缺
- 營業時間：8am-10pm
The post 大陸平價超市「好特賣」葵芳再開第三間分店 $2曲奇餅/$3可樂/$4薯片 appeared first on 新假期.
“}]] 飲食 – 新假期 Read More
