大閘蟹2023！秋風起，又到了一年一度大閘蟹的季節啦，不少蟹迷都會出動食蟹。不過如何揀到靚蟹、分公乸、蒸蟹、拆蟹原來都有學問。今次請來本地147年老字號「永利威」的程師傅，教路大閘蟹的知識和揀蟹要訣，他更會講解2023年大閘蟹的行情添！
本地147年老字號專家教揀大閘蟹知識
秋天就是大閘蟹的季節，不少專門店都會紛紛將各式各樣的大閘蟹放置於店門外，吸引一班蟹迷入手。不過相信好多人都未必知道如何分辨大閘蟹的公乸、大閘蟹產地、蒸蟹方法、拆蟹竅門等。今次邀請到有147年歷史的「永利威」第5代負責人程師傅，為大家講解一下大閘蟹的知識和食蟹要訣。買到靚蟹返屋企，都要識得食先得㗎！
（圖片來源：新假期編輯部）
大閘蟹知識｜1.大閘蟹的季節？
大閘蟹季節是由農曆8月15日中秋節直至聖誕節或者元旦，當造期為3個月左右，而蟹公和蟹乸各有不同的當造期。蟹乸一般9月頭開始就可以食，屆時蟹硬膏的比例會比蟹軟膏的比例少。當蟹乸入造後，硬膏的比例會愈來愈多，就好似鹹蛋黃一樣，呈橙黃色。而蟹公一般都會在重陽節後當造，蟹膏會開始有豐腴甘香的白膏和白油。
（圖片來源：新假期編輯部）
大閘蟹知識｜2.點揀大閘蟹？
海鮮類最重要就是新鮮！程師傅指出揀大閘蟹第一步是要看看牠是否新鮮生猛，即是蟹腳和眼睛會否動。第二步就是要找墜手、重手的，重手代表蟹膏多。師傅表示：「有時大閘蟹看似大隻，但拎上手輕飄飄都是沒用的。」而且蟹蓋和蟹身中間呈厚身亦代表蟹膏多。
（圖片來源：新假期編輯部）
大閘蟹知識｜3.蟹公和蟹乸如何分辨？
大閘蟹分辨鏡乸有3個方法，第一個是辨認蟹奄，蟹乸的蟹奄是呈圓形，而蟹公的則是三角形呈尖狀。第二是辨認蟹鉗，蟹公的蟹鉗會比蟹乸的大上近1倍。第三則是蟹膏，蟹乸會有類似鹹蛋黃的硬身蟹膏，而蟹公的膏是較流質，而且會有白膏白油，像黏口啫喱狀。
（圖片來源：新假期編輯部）
##two##https://imgs.weekendhk.com/wp-content/uploads/2023/10/batch_-2023-10-19-5.07.04_16174793906530f507c11fc-1024×721.jpg^@^（圖片來源：新假期編輯部）*@*https://imgs.weekendhk.com/wp-content/uploads/2023/10/batch_-2023-10-19-5.07.37_16015885816530f5097a221-1024×690.jpg^@^（圖片來源：新假期編輯部）*@*https://imgs.weekendhk.com/wp-content/uploads/2023/10/batch_-2023-10-19-5.10.15_18042647126530f51472ded-1024×576.jpg^@^（圖片來源：新假期編輯部）*@*https://imgs.weekendhk.com/wp-content/uploads/2023/10/batch_-2023-10-19-5.12.02_11677203106530f516cc520-1024×577.jpg^@^（圖片來源：新假期編輯部）*@*##two##
大閘蟹知識｜4.如何為之靚的蟹膏？
蟹膏如何為之靚呢，師傅話起碼要有油光、色澤和起沙。蟹膏偏橙色會比較好，而有時食到的蟹膏呈淡黃色，是剛好大閘蟹因太熱而吐了油，令其蟹膏顏色變淡。
（圖片來源：新假期編輯部）
大閘蟹知識｜5.如何清洗大閘蟹？
現在的大閘蟹一般比較乾淨，只要用水或可用牙刷，先刷一刷蟹鉗上的蟹毛和蟹腳隙即可以。
（圖片來源：新假期編輯部）
大閘蟹知識｜6.大閘蟹有什麼食法？
坊間不少酒店和酒家都會推出一系列大閘蟹菜式，究竟哪款最好食？「清蒸一定是最好的！任何海鮮都是，你要清蒸先食到原汁原味。」程師傅強調清蒸大閘蟹已經好足夠。而大閘蟹門市一般都會配紫蘇葉給客人，客人只要在蒸蟹前，把紫蘇葉放在水裡煲水，當水滾後，蟹肚朝天，隔水蒸約20分鐘即可。
（圖片來源：新假期編輯部）
大閘蟹知識｜7.如何拆大閘蟹？
相信拆蟹對好多人而言都好巧功夫，今次師傅則逐步逐步教授，對拆蟹一竅不通的記者都一聽就明！蟹身方面，首先要拆開蟹奄，再掀起蟹蓋，將蟹身一開為二就食得。至於蟹腳則相對考功夫，蟹腳有兩節，要先拆蟹腳，再剪頭剪尾，用蟹籤一拮，即可整條蟹肉取出來。想食得輕鬆啲，可以用上輔助工具：蟹剪、蟹籤、蟹匙。
（圖片來源：新假期編輯部）
大閘蟹知識｜8.哪個部位不能食用？
蟹心和蟹腮均不可食用，星星形的蟹心食落會比較寒涼，而蟹腮則是長在蟹的腹部，打開蟹殼後，會見到有兩排軟綿綿的組織，就是蟹腮。因為蟹腮即是蟹的呼吸器官，用來過濾水質，因此容易藏有許多病菌和穢物，最好不要食用。
（圖片來源：新假期編輯部）
大閘蟹知識｜9.食大閘蟹的禁忌？
大閘蟹屬寒涼之物，因此要避免跟其他寒涼食物一併食，如啤酒和柿。
大閘蟹知識｜10.食大閘蟹的配搭？
大閘蟹配咩食最好呢？程師傅話一定是配花雕酒！因為花雕酒可以驅寒，和大閘蟹的味道和屬性最配合、最夾。
（圖片來源：新假期編輯部）
大閘蟹知識｜11.大閘蟹2023行情
##two##https://imgs.weekendhk.com/wp-content/uploads/2023/10/whatsapp-image-2023-10-16-at-11.31.47-am_9941477446530f645359a3-1024×680.jpeg^@^（圖片來源：永利威）*@*https://imgs.weekendhk.com/wp-content/uploads/2023/10/whatsapp-image-2023-10-16-at-11.31.31-am_13325100866530f64316bda-1024×977.jpeg^@^（圖片來源：永利威）*@*https://imgs.weekendhk.com/wp-content/uploads/2023/10/whatsapp-image-2023-10-16-at-11.31.48-am_9237752546530f6487431f-768×1024.jpeg^@^（圖片來源：永利威）*@*##two##
（圖片來源：新假期編輯部）
店名：永利威酒業有限公司
地址：上環永樂街124號永利威大廈地舖
電話：2544 1172 / 2544 1174
營業時間：星期一至日9am-8pm
Facebook：永利威
The post 大閘蟹2023！永利威百年老字號教分公乸／揀蟹／拆蟹要訣（內附價錢） appeared first on 新假期.
飲食 – 新假期 Read More
