去大陸玩已經成為不少港人放假嘅必備節目之一，去大灣區食乜好呢？TVB近日就推出全新旅遊節目——一共十集《大灣區美味好玩攻略》逢周四、五晚上 10 點半於翡翠台播映，由主持江美儀、麥包（麥長青）同郭柏妍帶領觀眾尋找大灣區隱藏嘅美食餐廳，有打冷、傳統點心、粥底火鍋、Omakase和復古咖啡廳等，即睇飲食推介！
大灣區食乜好｜1.獨要小潮菜：生醃海鮮+¥58食大大條化骨鹵綿魚！
「獨要小潮菜」係廣州天河區嘅十年老店，主持人麥包更加稱之為廣州最好食嘅生醃！生醃係當地嘅沿海居民為做保持海鮮嘅鮮味而使用個醃製手法，再加上餐廳環境非常地道，主持人們都食得好滋味！
麥包帶2位主持人食好野，環境都不錯（圖片來源：TVB《大灣區美食攻略》截圖）
爽口青龍龍蝦！口感似韓國醬油蟹（圖片來源：TVB《大灣區美食攻略》截圖）
化骨綿魚！咬落去根本唔覺有骨（圖片來源：TVB《大灣區美食攻略》截圖）
用獨門醬汁慢煮，魚刺都煮到溶，超入味！（圖片來源：TVB《大灣區美食攻略》截圖）
潮州鹵水鵝煲！當地家庭菜（圖片來源：TVB《大灣區美食攻略》截圖）
獨要小潮菜
地址：廣州天河區員村南街七客創悅灣
營業時間：18:00-25:00
大灣區食乜好｜2.粵陳記粥底火鍋：粥底火鍋+各款配料¥28食到哂
平價一人一鍋！人均消費¥100就食到各款海鮮同手切和牛，菇菌類配料都包羅萬有，就算被迫請食飯都唔會請到窮，開心！
主持人拎配料拎到滿滿一枱！（圖片來源：TVB《大灣區美食攻略》截圖）
配料任拎！一碟最平¥5，最貴都係¥28！（圖片來源：TVB《大灣區美食攻略》截圖）
湯底有白粥（免費）、蕃茄鍋（¥8）同麻辣鍋（¥8）！麻辣鍋唔係講笑，經麥包實測係真係好麻好辣的！
麥包食到變小火龍（圖片來源：TVB《大灣區美食攻略》截圖）
粵陳記粥底火鍋
地址：廣州海珠區南洲路
營業時間：11:00-24:00
大灣區食乜好｜3.永利飯店：還原傳統飲茶點心！濃郁蛋香味沙翁
位於廣州秀越區嘅永利飯店以最傳統嘅懷舊點心聞名，該店嘅沙翁係師傅特登去香港拜師學翻黎，江美儀更加比沙翁濃郁的蛋香味驚豔到！
永利飯店
地址：廣州越秀區沿江中路
營業時間：8:00-14:30，17:00-21:30
大灣區食乜好｜4.天水·蔬菜料理：精緻素食料理！¥201 Omakase!
被譽為「素菜天花板」嘅天水·蔬菜料理人均¥210就食到！餐廳環境優美舒適，每一道料理都好似藝術品咁有意境，小小一塊羊肚菌入面都可以釀馬蹄同梅菜入去，不愧係有米芝蓮加持的餐廳！
天水·蔬菜料理
地址：廣州越秀區東方文德廣場
營業時間：12:00-14:30，18:00-21:00
大灣區食乜好｜5.有米知粥：夠10個人食嘅冬瓜船+滑嫩羊肚包肉
誇張！有米知粥嘅招牌菜，海皇冬瓜船非常足料，有肉丸、蝦同暖暖冬瓜湯！長度更加有一個成人手臂咁長，郭柏妍笑說可夠10個人享用，而家價錢都是¥188，打卡得來又抵食！羊肚包肉配韭菜汁雖然係奇妙配搭，但係都好食！
羊肚包肉（圖片來源：TVB《大灣區美食攻略》截圖）
有米知粥
地址：廣州花都區三東大道茗都酒店
營業時間：10:00 – 22:00
大灣區食乜好｜6.粵南信廣州糖水：¥17招牌雙皮奶+椰汁馬蹄爽
荔灣盛產馬蹄，而位於荔灣嘅粵南信廣州糖水當然都有馬蹄甜品食！佢哋嘅椰汁馬蹄爽比香港嘅馬蹄爽多左腐竹同玉米，雙皮奶都好出色！
椰汁馬蹄爽（圖片來源：TVB《大灣區美食攻略》截圖）
粵南信廣州糖水
地址：廣州荔灣區恩寧路永慶一巷
營業時間：10:30-22:30
大灣區食乜好｜7.Room 8 古董咖啡西餐廳：復古歐式咖啡廳+小茶點
位於沙面嘅Room 8 古董咖啡西餐廳裝潢華麗，每件茶杯都可以即場購買，嘆杯咖啡，食件蛋糕，享受一個美美的下午茶！
Room 8 古董咖啡西餐廳
地址：廣州荔灣區沙面四街
營業時間：10:00-18:00
https://www.youtube.com/watch?v=OAbiveNoFKYI
The post 大灣區美味好玩攻略｜麥包江美儀郭柏妍美食餐廳推介！打冷/粥底火鍋 appeared first on 新假期.
飲食 – 新假期 Read More
