本週嘅《大灣區美味好玩攻略》再帶你搵大灣區有咩好野食！TVB《大灣區美味好玩攻略》逢周四、五晚上 10 點半於翡翠台播映，由主持江美儀、麥包（麥長青）同郭柏妍帶領觀眾尋找大灣區隱藏嘅美食餐廳，而本週今次主持人亦都有加碼，有上屆港姐季軍王敏慈同「蔓蔓」羅毓儀（Yuki）！由佛山再行到去開平，依家即刻睇嚟吓有咩食！
大灣區食乜好｜1.C.Here@在此咖啡！食（偽）粉腸蛋糕
主打原創創意蛋糕！同一般甜品唔一樣，呢間舖嘅蛋糕個個都識易容，係外表睇完全唔似係蛋糕！而且店鋪都堅持唔用人工色素，所有顏色都係用天然色彩製作出黎的，例如藍色就會用蝶豆花，真係創作力量同幻想會嚇你一跳！
真身係芒果蛋糕！芒果夠甜（圖片來源：TVB《大灣區美食攻略》截圖）
日本富士山出左嚟？（圖片來源：TVB《大灣區美食攻略》截圖）
真身係抹茶紅豆蛋糕！（圖片來源：TVB《大灣區美食攻略》截圖）
C.Here@在此咖啡
地址：佛山禪城區福賢路嶺南天地內
營業時間：11:00-22:00
大灣區食乜好｜2.角落啡樓：披著中藥房皮的氛圍咖啡廳！
中藥房Style的咖啡廳去過未？超獨特裝潢再配花花咖啡，咖啡造型亦啱晒卡，最適合行完街坐低chill下！
王敏慈：「呢個好飲」（圖片來源：TVB《大灣區美食攻略》截圖）
江美儀：「呢個都好飲」（圖片來源：TVB《大灣區美食攻略》截圖）
GOTLOT·角落啡樓
地址：佛山禪城區福賢路嶺南天地（李眾勝堂內）
營業時間：10:00-22:00
大灣區食乜好｜3.豬肉婆明星私房菜！油鹽拌飯超香！
食完就會紅！好多名人都試過，包保唔會伏！當店名菜沙蟲蒸蚌仔雖然聽落獵奇，但沙蟲只會係優秀嘅水質入面生活，所以係好乾淨同口感不錯的！麥包都覺得食物好食到即刻添飯，但王敏慈瞬間失去表情管理！
胡椒味超濃超暖身！配料足（圖片來源：TVB《大灣區美食攻略》截圖）
食蟲…但係好食嘅！食落似蘑菇！（圖片來源：TVB《大灣區美食攻略》截圖）
慘慘…嚇到王敏慈瞬間失去表情管理（圖片來源：TVB《大灣區美食攻略》截圖）
油鹽煲仔飯！好食到可以食三碗！（圖片來源：TVB《大灣區美食攻略》截圖）
豬肉婆私房菜
地址：佛山順德區華僑城歡樂海岸PLUS曲水灣商業街
營業時間：10:00-14:00，17:00-21:00
大灣區食乜好｜4.一家人·三隻缸燒鵝：人均¥46食到秘制燒鵝+多款美食
各大廚師都係度拜師學藝！燒鵝皮係剛剛好嘅脆，燒鵝肉都非常多汁，4-6人餐¥278就食到！味道好又超級良心價，真係要試下！
塊皮同薯片一樣脆，但又唔會刮口！（圖片來源：TVB《大灣區美食攻略》截圖）
嫩滑豆腐+傳統白豆（圖片來源：TVB《大灣區美食攻略》截圖）
一家人·三隻缸燒鵝
地址：佛山順德區熹涌村裕城中路
營業時間：11：00-14:00，17:00-21:00
大灣區食乜好｜5.尖沙嘴酒店：平價海鮮宴！
佛山最大酒樓！同香港鯉魚門的海鮮酒樓一樣，係樓下即揀即煮，款式一樣多，價錢抵食！
醉大閘蟹！麥包大讚：「得！」（圖片來源：TVB《大灣區美食攻略》截圖）
嫩滑螺肉！（圖片來源：TVB《大灣區美食攻略》截圖）
尖沙嘴酒店（車城店）
地址：佛山禪城區佛山大道中國際車城91號
營業時間：11:00-14:00，17:00-21:00
大灣區食乜好｜6.德雲居！正宗順德菜炸鮮奶！
餐廳環境係滿滿嘅鄉村中國風！地道順德菜都非常吸引，如炸鮮奶同炸魚嘴，江美儀一入鏡頭已經迫不及待想食！
用自家製豆漿製作的腸粉！煎過後十分香脆！（圖片來源：：TVB《大灣區美食攻略》截圖）
BB青瓜十分爽口！（圖片來源：TVB《大灣區美食攻略》截圖）
德雲居
地址：佛山順德區德雲街
營業時間：11:00-14:00，17:00-21:00
大灣區食乜好｜7.優之名鵝城！隻隻鵝都係萬中選一
開平有名的名鵝，餐廳著名當然要品嚐「全鵝宴」，必吃黑蒜炖千日老鵝湯、讓鵝蛋飛、白切鵝、鮑汁鵝腎、馬岡糕煮仔等特別「鵝吃」。把鵝蛋先蒸後炸的菜式，口感有驚喜！
先蒸後炸！口感似焦糖燉蛋（圖片來源：TVB《大灣區美食攻略》截圖）
90日鵝！皮薄肉嫩，脂肪少，係健康人之選！（圖片來源：TVB《大灣區美食攻略》截圖）
Yuki滷水汁和鮑魚汁傻傻分不清（圖片來源：TVB《大灣區美食攻略》截圖）
優之名鵝城
地址：開平市開平大道
營業時間：07:00-14:00、17:00-21:00
The post 大灣區美味好玩攻略｜麥包佛山7大美食推介：脆皮燒鵝+正宗順德炸鮮奶 appeared first on 新假期.
飲食 – 新假期 Read More
