[[{“value”:”
大圍新開一間主打星馬菜的特色小店「佰古嗲」，餐廳主打特色星馬菜，招牌有無限添飲肉骨茶、馬拉直送鮮牛油咖央多士、龍蝦尾海鮮濃湯蝦麵、芽菜雞、巨型炸脾椰漿飯、帶甜辣的玻璃魷魚蕹菜、拉茶等，開業逾2個月已在該區少有名氣，親民價錢食地道風味。
大圍新開馬拉小店「佰古嗲」！無限添飲肉骨茶
位於大圍的新開星馬菜小店「佰古嗲」，開業逾2個月已吸引街坊幫襯，餐廳主打親民價星馬菜式，最大賣點就是新張優惠，可以無限任飲招牌肉骨茶，咁凍嘅天氣飲就最適合！另外仲有多款特色菜式，好像龍蝦尾海鮮濃湯蝦麵、芽菜雞、玻璃魷魚蕹菜等，風味地道。餐廳樓高兩層，座位空間寬敞，上層仲有幅巨型貓咪大壁畫，打卡十足！
新張優惠$88買一送一＋無限任飲肉骨茶
餐廳招牌之一就是自家製肉骨茶，為慶祝新開幕，更大推雙重優惠，晚市堂食肉骨茶（大$168、細$88）買一送一兼且可以無限任飲！肉骨茶湯膽材料大部份由馬來西亞直送到港，再將黑蒜、熟地等材料煲煮約6小時，呈深褐色，味道濃郁，很重藥材味。推介大家試試雜錦鍋「大滲」（$168），有齊6款食材：三層肉、豬腳灣、雞腳、豬肚、豬手仔、金菇豆卜，暖笠笠，冬天飲的佳品！
其他星馬菜推介！
星馬菜又點少得芽菜雞？餐廳雞隻以雞湯浸煮多時，令雞肉保持嫰滑多汁，絕無肥膩的感覺，配上大量漲卜卜的芽菜口味很清新爽口，拌以適量的黑豉油，各種食材及調味配搭好夾。每日限量供應的芽菜雞配搭香噴噴的黃薑飯，肉味香濃，佐飯一流！另外仲有豪華龍蝦尾海鮮濃湯蝦麵，蝦麵放上龍蝦尾、青口 、帶子、魚片，材料豐富，湯底充滿濃郁蝦味；黃金醬炸蠔將鮮味的炸蠔配合奶油鹹香味濃濃的黃金醬，惹味十足！
The post 大圍新開馬拉菜小店「佰古嗲」肉骨茶買一送一優惠＋無限添飲 appeared first on 新假期.
“}]] 飲食 – 新假期 Read More
