新假期全新欄目《搵食新煮意》，每日為你推介今日食乜好！除了提供不同菜式的食譜，讓你留在家中自煮，都可以輕鬆試盡各地佳餚滋味；更會為你推介近期值得一試的香港餐廳，在家煮以外亦有不少好選擇，留在香港都可以齊齊搵食！7月12日《搵食新煮意》：咸旦手撕雞粥＋薑糖腐竹燉蛋。
7月12日搵食新煮意：咸旦手撕雞粥＋薑糖腐竹燉蛋
1.咸旦手撕雞粥
香滑綿綿的粥、要入口香滑但又不繁瑣似易非易，不停嘗試下發覺用三種不同米混合下效果不錯，又綿又滑，再加入自己喜愛的肉類或海鮮就是一鍋清清腸、暖暖胃的食療，佳節後簡單的日常撰擇，好味呀！
材料：
白米 一杯（普通電飯㷛量杯）
日本錦字米 半杯
糯米 半杯
大雞脾三隻 羌三厚片
咸旦 二隻
做法：
白米、糯米、錦子米略冲冼加鹽、麻油各一茶匙醃30分鐘。
大雞腿薑䓤出水備用。
水大滾下米開蓋大火滾15分鐘，加入雞脾再滾15分鐘，蓋上蓋中火㷛30分鐘（間中稍為攪拌）。
取出雞腿，起骨拆肉再回鍋攪拌，下咸旦小火再㷛10分鐘，熄火悶焗10分鐘⋯試味調味。加鹽、胡椒粉（可加1-2茶匙雞粉），可伴䓤花、柞菜絲。
軟軟綿綿香滑的雞粥即成。
7月12日搵食新煮意｜1. 咸旦手撕雞粥（圖片來源：Rosacooks授權）
2. 薑糖腐竹燉蛋
薑糖腐竹燉蛋 – 價格親民嘅食材都可以有很好的養顏功效，最多人熟悉嘅必定係含有豐富蛋白質和鐵質嘅雞蛋啦。當中嘅蛋白質能修補細胞，減少因時間對皮膚造成的自然損害，而且充足的鐵質可以保持面色紅潤，有光澤。今次更加入帶有豆香的腐竹和去濕驅寒的薑糖進食，滿足各位嘴饞又貪靚嘅女士。
薑糖糖漿材料：
薑 20克
水 30克
砂糖 20克
腐竹燉蛋材料：
水 250毫升
腐竹 15克
砂糖 30克
雞蛋 2隻
薑糖糖漿做法：
薑去皮，切件，放入攪拌機內，注入水攪拌。
取2湯匙薑汁，加入1茶匙水和砂糖拌勻，注入小煲內以中火煮至稠身，備用。
腐竹燉蛋做法：
水注入煲內煮滾，加入腐竹和砂糖以中小火煮20 – 30分鐘，熄火放涼。
雞蛋放碗內打散，過篩，然後慢慢注入腐竹糖水拌勻，倒入蒸碗內。
放入蒸爐蒸12分鐘，取出，淋上薑糖糖漿，完成。
7月12日搵食新煮意｜2.薑糖腐竹燉蛋（圖片來源：Hilda 梁雅琳授權）
The post 咸旦手撕雞粥＋薑糖腐竹燉蛋｜搵食新煮意（新假期APP限定） appeared first on 新假期.
飲食 – 新假期 Read More
