[[{“value”:”
佐敦渡船角新泰國餐廳「泰排檔」可以說是逆市奇葩，開業三個月毎晚6點未開門已經排長龍，繁忙時段更要等1個鐘以上，非常誇張！餐廳由曾效力米芝蓮泰菜餐廳「Samsen」的泰籍主廚主理，主打泰國地道街頭美食，好像船麵、炒河、蟹肉奄列、沙嗲串燒等，加上餐廳環境走復古大排檔風格，四處都有泰國的裝飾做設計，讓食客人像置身泰國當地一樣，氣氛十足！
前Samsen廚主理 佐敦排隊人龍店「泰排檔」
「泰排檔」顧名思義就是主打泰國街頭美食，一進店就聞到陣陣鑊氣小炒的香氣。店主兼主廚之一的Art，曾效力米芝蓮泰菜餐廳「Samsen」長達8年，實力不容置疑，他更豪言表示希將泰國當地人氣菜式帶來香港，大家不用飛泰國，來他的餐廳就食得到當地風味，開業三個月每日大排長龍，就知有料到！
最多人推介！招牌澳洲M9和牛船麵
餐廳menu不多，重質不重量，當有「三寶」招牌一定要試，分別是和牛船麵、虎蝦醉貓炒河、啖啖蟹肉奄列，三款記者試完都極速清光，十分美味！和牛船麵（$98）選用豬骨、蔬菜、豬紅、芫茜、南薑、蒜頭、蘿蔔熬足3個半鐘，湯底濃厚稠身，帶鮮甜味，可自選蛋麵或金邊粉，金邊粉掛滿湯汁，滋味十足，另外再配上澳洲M9和牛肉及炸豬皮，賣相吸引，食落充滿濃香。
地道泰式街頭小炒
蟹肉奄列（$168）是記者最喜歡的一道菜，師傅從曼谷米芝蓮餐廳Jay Fai而得到啟發，材料十分簡單，用3隻雞蛋、蟹肉製成蛋漿，再放油鑊慢火即炸，炸至金黃色，外層酥脆，內餡蟹肉份量十足，口感軟嫩，超好吃。另一道醉貓炒河（$118）是泰國經典菜式，可選和牛片或虎蝦做餸，再將紅尖椒、粟米仔、芥蘭等材料一拼炒香，非常夠鑊氣，河粉粗身煙韌，質感彈牙好香口。
除此之外，還有供應甜品，特別推介芒果糯米飯（$78），用上頂級泰國糯米和時令新鮮芒果製作，連椰漿都親自打發，飯粒粒分明，口感煙糯帶米香，配埋鮮甜多汁的芒果，清爽解膩。
- 餐廳：泰排檔
- 地址：佐敦文苑街24號地舖
- 電話：6648 0179
- 營業時間：星期一至四 12nn-3pm，6pm-9:30pm；星期五至日 12nn-3pm，6-11pm
- IG按此
The post 佐敦新開排隊人氣店「泰排檔」前Samsen廚主理！招牌和牛船麵+蟹肉奄列 appeared first on 新假期.
“}]] 飲食 – 新假期 Read More
