[[{“value”:”
新假期全新欄目《搵食新煮意》，每日為你推介今日食乜好！除了提供不同菜式的食譜，讓你留在家中自煮，都可以輕鬆試盡各地佳餚滋味；更會為你推介近期值得一試的香港餐廳，在家煮以外亦有不少好選擇，留在香港都可以齊齊搵食！1月30日《搵食新煮意》：黃金馬蹄糕＋海椰皇清燉花膠雞湯。
1月30日搵食新煮意：黃金馬蹄糕＋海椰皇清燉花膠雞湯
1.黃金馬蹄糕
其實新年糕品不一定製作繁複，今期示範的黃金馬蹄糕，非常簡單易做。
材料（3公斤份量）：
馬蹄粉 500克
新鮮馬蹄肉 500克（淨肉、拍碎）
黃片糖 680克
水 2,100毫升（分開800毫升及1,300毫升兩份）
做法：
先用800毫升水將馬蹄粉攪勻溶解，備用。
黃片糖放入煲內，以1,300毫升水慢火煮溶，滾起後將約十分一馬蹄漿慢慢加入糖水內，將糖水輕攪至稀糊狀，隨即離火。等5-10分鐘待糖水降溫，再將餘下糖水加入馬蹄漿內，邊加邊攪勻。
將馬蹄碎加入馬蹄漿內攪勻，注入蒸盆內，用保鮮紙封好，水滾後大火蒸約35分鐘，取出涼卻後放入雪櫃保存便成。吃時可切片，慢火煎至兩面金黃享用。
1月30日搵食新煮意｜1. 黃金馬蹄糕（圖片來源：JACKY YU 授權）
2.海椰皇清燉花膠雞湯
秋天將至，潤肺湯水是秋天必備，教大家做一款合時湯水！花膠滋補、海椰皇潤肺，用上清甜的椰皇，原盅上，用來宴客，也絕不失禮，最緊要做法簡單，只要花點時間，新手都應付自如。
雞清湯材料A：
老雞（去皮） 1斤
洋葱（切件）1/4個
西芹（切段）半條
燉湯材料B：
花膠（浸發好，切小件）1件
椰皇（頂頭打開，刮出小量椰肉及倒出椰皇水備用）2個
海椰皇（一開二） 2-3粒
雞肉 40g
清雞湯（用材料A熬成）200g
做法：
製作雞清湯，先將老雞洗淨、斬件，飛水。
將雞件放進大碗內，加入洋葱及西芹辟味，加約500g清水，要蓋過雞面，蓋好蓋，細火燉4小時。
將花膠、海椰皇、雞肉、椰肉飛水，砌入椰皇盅內。
將燉好的清雞湯隔渣，以1:1比例，與椰皇水一同倒入鍋內，滾一滾，以少許鹽調味。然後倒入椰盅內，蓋好椰盅。
原個椰皇燉35-40分鐘即成。
1月30日搵食新煮意｜2. 海椰皇清燉花膠雞湯（圖片來源：新假期資料庫）
The post 黃金馬蹄糕＋海椰皇清燉花膠雞湯｜搵食新煮意（新假期APP限定） appeared first on 新假期.
“}]] 飲食 – 新假期 Read More
