新假期全新欄目《搵食新煮意》，每日為你推介今日食乜好！除了提供不同菜式的食譜，讓你留在家中自煮，都可以輕鬆試盡各地佳餚滋味；更會為你推介近期值得一試的香港餐廳，在家煮以外亦有不少好選擇，留在香港都可以齊齊搵食！12月24日《搵食新煮意》：蒜片龍蝦扁麵＋聖誕麵包布甸。
12月24日搵食新煮意：蒜片龍蝦扁麵＋聖誕麵包布甸
1.蒜片龍蝦扁麵
龍蝦是很討好的海鮮，想吃好點，可用新鮮澳龍，四、五百蚊有交易；中價的波士頓龍蝦也不錯，二、三百蚊就有；再不成，百零蚊的急凍龍蝦都一樣。
材料：
意大利手工扁麵 2人份
蒜頭（切片） 半碗
橄欖油 5湯匙
百里香 4束
番茄（切粒） 半碗
洋葱（切粒） 半碗
新鮮龍蝦（約1.5斤） 1隻
白酒 100毫升
高湯 200毫升
小辣椒切粒 1隻
黑胡椒和海鹽 調味
做法：
龍蝦切半抹乾，撒上黑胡椒、海鹽、香草碎和橄欖。
燒熱橄欖油，加蒜片爆香約3分鐘至金黃， 將蒜片隔走，蒜油備用。意大利扁麵烚軟，加一半蒜油撈勻。
燒熱橄欖油，加洋葱、辣椒、番茄煎香，灒白酒。倒入麵條和龍蝦，加高湯，用大火煮至收汁，調味。上碟前，把剩下的蒜油拌入麵條，撒上蒜片即可。
12月24日搵食新煮意｜1. 蒜片龍蝦扁麵（圖片來源：新假期資料庫）
2.聖誕麵包布甸
話咁快又到聖誕，又係時候整Party Food食！今次用地捫紅莓乾及提子乾，製作出大人細路都鍾意食的麵包布甸，材料簡單就可以滿足甜品胃！配上一杯紅莓特飲，色彩鮮艷，夠晒節日氣氛。
材料：
方包 3-4片
牛奶 150毫升
淡忌廉 150毫升
雞蛋 3隻
砂糖 50克
紅莓乾 適量
提子乾 適量
糖霜 適量
薄荷葉 1片
紅莓汁 適量
做法：
將方包切成小塊備用。
牛奶和淡忌廉加入砂糖混合，以小火微微加熱煮溶砂糖。
打發雞蛋，邊攪拌邊倒入奶製成布甸液。
將布甸液過篩倒入麵包塊中靜置5-10分鐘待麵包吸收布甸液。
表面放上地們紅莓乾和提子乾。
放入預熱180度焗爐烤30-35分鐘。
灑上糖霜、放薄荷葉裝飾。
12月24日搵食新煮意｜2. 聖誕麵包布甸（圖片來源：新假期資料庫）
The post 蒜片龍蝦扁麵＋聖誕麵包布甸｜搵食新煮意（新假期APP限定） appeared first on 新假期.
飲食 – 新假期 Read More
