羊腩煲推介2023｜秋風起，除左打邊爐，又點少得立冬進補食羊腩煲？由老牌大菜館蔓延至大排檔、茶記外賣等，羊腩煲都無處不在。新假期為大家整合了香港各區10間人氣羊腩煲店，中環、將軍澳、深水埗等都有，到底哪一間最啱你心水？
羊腩煲推介2023｜即睇Top10推介 ：古法炮製＋任食放題＋外賣
港島區
羊腩煲推介2023｜港島區｜1. 中環 唐人館
唐人館憑著雅致奢華的環境，巧手精緻的美食，成為了城中不少老饕用餐的熱點，11月推出限定冬季時令菜單，少不了冬天必食古法滋補羊腩煲，其特選肥美肉厚的帶皮羊腩，以砂煲盛載，蘸上秘製檸葉腐乳吃，入口不膩，隨餐配有響鈴及本地有機生菜，可即灼來吃，吸盡羊腩煲的醬汁精華，驅寒暖胃。
餐廳：唐人館
地址：中環皇后大道中15號置地廣場4樓411-413號
電話：2522 2148
Facebook專頁：唐人館置地廣場 China Tang Landmark
羊腩煲推介2023｜港島區｜2.西環 坤記煲仔小菜
西環坤記煲仔飯遠近馳名，亦供應羊腩煲、豬骨煲和其他熱辣辣煲仔菜。晚上六點開門，五點半已經現長龍，可能因為煲仔飯太出色，食客柯打羊腩煲的比例大約只是5比2。現時6pm有外賣羊腩煲供應，不過外賣則用膠盒盛裝，客人亦可自行帶煲作容器也可。
餐廳：坤記煲仔小菜
地址：西環德輔道西243-245號
電話：2803 0215
備註：羊腩煲外賣6pm後供應
羊腩煲推介2023｜港島區｜3.西環楚撚記大排檔
楚撚記店主正是80後，於2018年創立，至今已有3家分店。楚撚記大排檔裝修設計揉合香港本土特色，主打撚手小菜及鑊氣小炒。為迎接冬天，楚撚記大排檔推出古法枝竹雙冬羊腩煲 （淨腩） ，熱騰騰端上桌，即場用爐加熱。羊腩煲每日用上80磅黑草羊腩，肉質嫰滑帶彈性，吃下去每一口都是肉，口感軟嫰且香味濃郁。羊腩煲3間分店堂食及外賣均有供應，也可以早一日預訂。
楚撚記大排檔（西環分店）
地址：西環石塘咀皇后大道西554-560號日富里百好大廈地下1號舖
電話：2878 1118
楚撚記大排檔（荃灣分店）
地址：荃灣川龍街118號百悅坊地下-1樓
電話：3997 3661
楚撚記大排檔（土瓜灣分店）
餐廳：楚撚記大排檔（土瓜灣分店）
地址：土瓜灣馬坑涌道2C號寶光大廈地下C及D號舖
電話：2515 1500／2515 1200／5338 1859
Facebook專頁：chorlandkei
羊腩煲推介2023｜港島區｜4. 筲箕灣 鋒記小炒王
店子位於筲箕灣山上，若以地理位置計分必定包尾，可是此等山卡啦的餐廳卻有大量捧場客，Peak Hour等位超過一小時！專賣各式湯鍋以供食完打邊爐，故羊腩煲不會調得太濃味，食完作火鍋湯底一流！現時有外賣供應，不過用上微波爐盒盛裝，回家可要翻熱一下才食得。
餐廳：鋒記小炒王
地址：筲箕灣愛民街6至28號新利大廈地下3A舖
電話：2778 8680
Facebook專頁：鋒記小炒王
九龍區
羊腩煲推介2023｜九龍區｜5. 深水埗 基隆茶餐廳
深水埗基隆茶餐廳座落於深水埗北河街，主打即炒小菜，羊腩煲可外賣或堂食，隨煲附送白灼唐生菜1客，羊腩煲入面加入葱段、馬蹄及混醬，以減羊肉的膻味及燥性，羊肉軟腍入味，沾上腐乳汁，夾一口白飯，暖入心。現時全日時段也有外賣供應。
餐廳：深水埗基隆茶餐廳
地址：深水埗北河街141號地舖
電話：2380 3068
備註：羊腩煲外賣全日供應
Facebook專頁：基隆茶餐廳
羊腩煲推介2023｜九龍區｜6.深水埗增煇藝廚
這間深水埗大排檔日日擠滿來打躉的街坊，當然亦有專程跨區來幫襯的食客，所以就算在對面街開多間舖都依然要等位。入夜後，幾乎枱枱都飄著煙柱，烚著超大堆頭的羊腩煲，份量多到五至六人都夠食。羊腩煲羊肉非常入味，連皮的筯位也燜得腍，湯底內有枝竹、花菇、冬筍等，足料！現時全日也有堂食及外賣供應。
餐廳：增煇大排檔 & 增煇藝廚
地址：深水埗石硤尾街31-33號地舖
電話：2778 8103
Facebook專頁：增煇藝廚
新界區
羊腩煲推介2023｜新界區｜7. 沙田 富東閣海鮮酒家
富東閣海鮮酒家位於沙田瀝源廣場，定期推出的片皮鴨優惠，掀起街坊排隊熱潮，入冬後更推出雙冬枝竹羊腩煲，有3-12人份選擇。堂食外賣均附送響鈴和蔬菜拼盤，外賣早半小時落單即可，方便快捷。現時羊腩煲於外賣及堂食每日供應，想食的朋友要Mark低了！
餐廳：富東閣海鮮酒家
地址：沙田瀝源街6號瀝源廣場1樓5號舖
電話：26998333
備註：羊腩煲外賣超過10份，請早2天前預訂
Facebook專頁：富東閣海鮮酒家
羊腩煲推介2023｜新界區｜8. 大圍 大圍小館
大圍小館主打粵菜，店舖裝潢富中國風，當中不得不提其「真.羊腩煲」，選用新鮮黑草羊，只取腩位，黑草羊纖維細小，肉質細嫩，佐以百年腐乳皇廖孖記的腐乳及南乳，中和膻味剛好。湯底內有日本天白花菇、枝竹、冬筍及馬蹄等材料烹調，款款真材實料，啖啖肉！
大圍小館（大圍分店）
地址：大圍積福街92號地舖
電話：23390189
大圍小館（元朗分店）
地址：元朗壽富街60號順福糧倉地下G22-23號舖
電話：2398 1292
備註：羊腩煲堂食或外賣需預訂
Facebook專頁：大圍小館
羊腩煲推介2023｜新界區｜9. 大埔 銓仔記
主打任食火鍋雞煲，現時供應秋冬羊腩煲啦！下午茶時段由12nn至4pm入座，均可於堂食任食任飲90分鐘，店內有多款火鍋配料，如肥牛、豬腩片、牛栢頁、青口、豬肚等，飲品有汽水、紙包檸檬茶、提子汁等，選擇豐富，性價比十分高！羊腩煲目前有2人餐及4人餐，外賣可享9折優惠，包括指定火鍋配料食用。而下午茶時段任食放題柯打羊腩煲需要每位另加費用。
餐廳：銓仔記
地址：大埔東昌街4號地舖
電話：2638 0322
備註：外賣自取9折
Facebook專頁：銓仔記（大埔火鍋雞煲）
羊腩煲推介2023｜新界區｜10. 將軍澳 戀上台式料理
將軍澳海旁的台灣菜「戀上台式料理」每年冬天都會推出一人羊腩煲（1-2人份量），食到暖笠笠羊腩，還有3款台灣腐乳選擇，大件夾抵食！採用英國威爾斯及紐西蘭草飼羊腩兩溝，使整個羊腩煲沒有平常的羶味，配料也十分出色，3吋長腐竹索晒湯汁。此外，餐廳主打台式料理，也是寵物友善餐廳，大家可以帶住毛孩來邊歎海景，邊Chill住食！
餐廳：戀上台式料理 First Love
地址：將軍澳唐俊街21號翩匯坊地下G26號舖
電話：2219 0191
Facebook專頁：taiwanfirstlove
The post 羊腩煲推介2023｜即睇香港10大推介：深水埗基隆古法炆羊腩＋外賣火鍋套餐／放題 appeared first on 新假期.
飲食 – 新假期 Read More
